عــــــــــــاجل //عـــــــــــاجل// عـــــــــــــاجل (اتصال من المنظمة ) اقرأ وشارك رجاء

[Tanner007]

السلام عليكم
اليوم وقبل نصف ساعة اتصلت بي المنظمة وسالوني ( هل انت مهدد ) ؟ بربكم هذا سؤال بعد خمس سنوات انتظار لعد شكو مقدم هجرة ؟ طالع اسوي استجمام ؟
المهم كتلهم اي مهدد طبعا جاري حايط على حايط خلوله عبوة لاصقة تحت سيارته وراح بيها واني طبو بيتي يفتشون على سلاح بس ملكو شي الحمد لله مصدكت عافوني !
ويومية تسرح المليشات بالمنطقة خطف واغتيال وابويه توفى قبل اسبوع من القلق والسكر شتردون بعد اكثر يعني الا نموت يلا تخابرون على موعد ؟
الموظفة كالت : لا هذا وضع عام  بس انت تحت تهديد مباشر ؟ يعني في حدا اتصل بيك بالتلفون هددك وغيرت سكنك ؟ جاوبتها نعم قبل شهر ونص اتصلوا بي وسالوني انت مشتغل مترجم مع الامريكان ؟ بسيطة يجي يومك ..  كالت : طيب راح يتصل بيك بعدين موظف حول التهديد ؟ وسألتها ليش ملفي بالانتظار من اخر موعد سفر ملغي 2012 ؟ جاوبتني احنه ننتظر التجييك الامني يكتمل ونتصل بيك واحنه بالمنظمة منعرف شكد تطول الاجراءات الامنية ؟ سالتها اكو مشكلة ويه الكفيل ؟ (لان المنظمة هي الي عينت كفيلي واني ماعرفه) كالت : لا مافي مشكلة . كتلها اني ماعندي شي . ليش الامنية بالانتظار من 2012 لحد الان . كالت ماعرف هاي مو بيدي
 (بيني وبينكم اني مشتغل صحيح بس محد هددني بالتلفون ) هسه اني داحس نفسي بورطة يجوز يسألوني على رقم المهدد ويجيكون اتصالاتي ويشوفون ماكو رقم تهديد ؟
زين همه يعرفون ارقام التهديد ؟ شسوي اذا عرفوا ماكو اتصال ؟ هل مصير ملفي الرفض بعد انتظار خمس سنوات ... ساعدوني الله يحفظكم ويفرجها عليكم وعليه .
شنو المطلوب اسويه حتى اطلع سلامات من هالورطة ؟  يعني اروح على واحد من المليشات اكله خابرني وهددني حتى اهاجر ؟؟ هاي هجرة لو انتقام ؟
لا حول ولا قوة الا بالله
حسبي الله ونعم الوكيل

اخوكم
ابو علي

[Hayder84]

ابو علي تحياتي الك والله يكون بعونك
اني برأيي لتخاف ماكو شي اسمه يرحون ايطلعون الاتصال ويشوفون الرقم الي هددك لا ما اعتقد هذا الشي انت اذا سئلوك كللهم اجاني تهديد من رقم خاص يعني ماكو رقم كلهم اعتقد الي اتصل كان من الانترنت او عن طريق برنامج او الاسكايب يعني كلهم الرقم ماعندي واني فعلا مهدد ولتخاف تقبل ودي

[فايرفوكس22]

ابو علي ... اني قرأت هواي مواضيع بخصوص هذا الاتصال من النظمة وتقريبا كل الاعضاء مجاوبيهم بنفس الطريقة .... فأتصور هو هذا الشي الصحيح .. همة خل يخابروني وداعتك لاحركهة حرك بس وينهم لهسة كلشي ماكو ... تحياتي

[Busy bee]

احنة كذلك خابرونة ونفس السؤال سألت وبعدين كالت رح ادز ايميل لواشنطن اكول بي انه انتو مهددين وهاي فات ٣ اسابيع وكلشي ماكو واحنة اصلا كلشي عدنة مكتمل والملف فعال من شهر ونص والله محد يعرف شديصير .....ولتخاف لا احد كال شنوة الرقم ولا اي شي من هالقبيل ..الله يفرجها عالجميع يارب

[ليث سعد]

عليكم السلام اخي ابو علي اني مقدم من 2008 وكل ما ادز رسالة اسئل عن وضع ملفي يكلولي تجيكات امنية بس من ادز رسالة اكوللهم وضعي صعب او اخاف على نفسي او على عاءلتي او الح عليهم تتصل بيه موظفة تسالني هل تعرضت لتهديد مباشر اكوللهة يابة يعني اذا مباشر جان هس اني مكاعد احجي وياج  ادكول يعني اكو احد اتصل بيك اكللهة لا بس اني مهدد وسالفتي طولت ادكول تجييكات امنة او منعرف شوكت تخلص اكوللهة يابة جوازي فارغ ما بي اي فيزا ترجع نفس الجواب تجيكات امنية من امريكا 
هذا اتصال روتيني لا يقدم ولا اياخر لان اني مرتين اتصلو بية على اثر ايميلين 
ليظل بالك اذا اتصل بيك الموظف لغمظهة عليه او ما اعتقد راح يطلب رقم تلفون بس راح يسالك بيش الساعة واشكال وشكتلة للمتصل اكتبلك قصة مختصرة عن الاتصال او خليهة تحت ايدك حتى مترتبك او يتناقض حجيك والله كريم الله يسهل امرك اويفرجهة عليك بحق محمد وال محمد

[Tanner007]

اشكركم اخواني الاعزاء
والله احنه جوازاتنا كلها فارغة وماعدنه اي ارتباط مع اي جهة سياسية ، احنه عائلة على باب الله منريد غير الستر والعافية والامان. كان عدنه موعد سفر يوم 2012/9/11 والمنظمة هي لغت الموعد لسبب مجهول وهذاك اليوم كانت الامنية مكتملة بعدها كم شهر بداية 2013 صارت اكسباير (عبالك قوطية لبن ) وظلت حامضة لحد اليوم مع انه ملفي هسه فعال والمقابلات مكتملة والفحص صار مكتمل من 6/11  بقى بس التجييك الامني والسفر بالانتظار والمدينة والمطار موجودات. بس الي مخبلني كلما تتقرب نهاية الملف تطلع مصيبة جديدة وهالسنة مصيبة داعش والله يستر من الايام الجاية .
 تحياتي لكم

ابو علي

[ليث سعد]

اشكركم اخواني الاعزاء
والله احنه جوازاتنا كلها فارغة وماعدنه اي ارتباط مع اي جهة سياسية ، احنه عائلة على باب الله منريد غير الستر والعافية والامان. كان عدنه موعد سفر يوم 2012/9/11 والمنظمة هي لغت الموعد لسبب مجهول وهذاك اليوم كانت الامنية مكتملة بعدها كم شهر بداية 2013 صارت اكسباير (عبالك قوطية لبن ) وظلت حامضة لحد اليوم مع انه ملفي هسه فعال والمقابلات مكتملة والفحص صار مكتمل من 6/11  بقى بس التجييك الامني والسفر بالانتظار والمدينة والمطار موجودات. بس الي مخبلني كلما تتقرب نهاية الملف تطلع مصيبة جديدة وهالسنة مصيبة داعش والله يستر من الايام الجاية .
 تحياتي لكم

ابو علي

اخي ان شاء الله تسافر قبل نهاية السنة       هاي توقعاتي                 والله كريم

[‗_ღ الحائر ღ_‗]

اخواني الكرام اليوم قبل ساعة خابروني المنضمة اليوم وسالوني شلون نوع التهديد كتلهم اكو جماعة من المليشيات وين مانتقل المكان جديدﻻن اشوف هم ويضايقوني وهسى راح اغير منطقتي.هل الاتصال يغيرحالة الملف.وشنو ﻻزم اكول

[Tanner007]

عزيزي ليث سعد 
اني هم مثلك لمدة سنتين جنت اجاوبهم مو تهديد مباشر وجنت احجيلهم على كل المخاطر الموجودة بس همه ميهتمون لهاي المخاطر يعتبروها وضع عام ولهذا احنه غلطنه واخرنه روحنه بهاي الاجوبة الصادقة . لازم تكول نعم تهديد مباشر (واحنه بهاي مو كاذبين لان دنعيش خطر حقيقي همه ميعرفوه ولا مجربيه ) . همه الظاهر يعتبرون الي ماعنده اتصال من شخص وتهديد مباشر بالقتل (حشاك بطران ويريد بس يطلع يتونس براسهم) ميصدكون نوع الحياة المرعبة الي نعيشها يومية قتل وخطف وتفجير وعبوات لاصقة ومفخخات.
اتمنى لك السلامة من كل شر وان شالله سفر قريب للجميع 

تحياتي