سؤال بخصوص الفيزا الى مصر؟؟؟

[متفائل جدا]

السلام عليكم ورحمة الله
اخواني الاعزاء سؤالي بخصوص الفيزا الى مصر هل من السهولة الحصول عليها من بغداد او البصرة؟ وكم هي تكلفتها بالنسبة للفرد او العائلة؟؟...............تحياتي للجميع

اخوكم المتفائل

[iraqforme]

حبيبي متفائل سبق وان رديت على اسئلة الاخوان بخصوص الفيزا لمصر بس وله يهمك اردلك
الفيزا المصر جانت قبل شهر ونص سهلة نوعا ما  لكن اعتبارا من بداية الشهر الثامن اللي فات صارت صعبة حيل  واكثر الفيز اللي دتطلع هيه فيز سياحة مواكثر يعني ينطوك بالجواز فيزا لمدة شهر لااكثر وديطلعوها مكاتب السياحة اللي ابغداد شامل مع تذكرة الطيران ومدة الاقامة هنا والفندق ووجبة طعام
مودتي

[متفائل جدا]

حبيبي متفائل سبق وان رديت على اسئلة الاخوان بخصوص الفيزا لمصر بس وله يهمك اردلك
الفيزا المصر جانت قبل شهر ونص سهلة نوعا ما  لكن اعتبارا من بداية الشهر الثامن اللي فات صارت صعبة حيل  واكثر الفيز اللي دتطلع هيه فيز سياحة مواكثر يعني ينطوك بالجواز فيزا لمدة شهر لااكثر وديطلعوها مكاتب السياحة اللي ابغداد شامل مع تذكرة الطيران ومدة الاقامة هنا والفندق ووجبة طعام
مودتي

شكرا جزيلا اخي العزيز iraqforme يعني افهم من كلامك انه مايمكن ان نأخذ فيزا سياحية وبعدين هناك نقدم على اليو ان ؟ ولا يوجد طريق آخر للحصول على الفيزا الا عن طريق المكاتب السياحية؟؟...........عذرا اخي الحبيب على كثرة الاسئلة

[iraqforme]

ولايهمك اني بخدمتك
الفيزة السياحية تطلع ولكن المسؤل عن الكروب السياحي ياخذ جوازاتكم بمجرد متركبون الطيارة وميسلمها الكم لحد متركبون طيارة العودة
بس ولد صديق اجة بشهر السابع عن طريق مكتب سياحي بمنطقة الاعظمية بس هل المكتب يقدر يدبر الفيزا لان مثل ماذكرتلك الاجراءات اختلفت من بداية شهر اب
وللأسف هذا الصديق بطران اجه بقة سبوعين ورجع  كال اصفي اموري وارجع بس شكلة مرح يعرف يرجع لان الاجراءات اختلفت
واني هم اسألك واردلك على الخاص

[متفائل جدا]

ولايهمك اني بخدمتك
الفيزة السياحية تطلع ولكن المسؤل عن الكروب السياحي ياخذ جوازاتكم بمجرد متركبون الطيارة وميسلمها الكم لحد متركبون طيارة العودة
بس ولد صديق اجة بشهر السابع عن طريق مكتب سياحي بمنطقة الاعظمية بس هل المكتب يقدر يدبر الفيزا لان مثل ماذكرتلك الاجراءات اختلفت من بداية شهر اب
وللأسف هذا الصديق بطران اجه بقة سبوعين ورجع  كال اصفي اموري وارجع بس شكلة مرح يعرف يرجع لان الاجراءات اختلفت
واني هم اسألك واردلك على الخاص

شكرا جزيلا الك اخي العزيز والله يبارك بيك على مجهودك الطيب ............تحياتي

[iraqforme]

ادلل حبيبي بس نصيحة  ترد تقبلها او لا  تره اليو ان مصر ابطئ من السلحفاة  وموظفون  كلشي ميفتهمون واحد يحجي بالشام وواحد يحجي بالمغرب 
اما الاي او ام  فه هيه سريعة نوعا ما قياسا بالاردن او تركيا وهيه تبقة شغلة نسبة وتناسب بالنسبة لعدد الاجئين العراقيين الموجودين هنا في مصر
مودتي

[متفائل جدا]

ادلل حبيبي بس نصيحة  ترد تقبلها او لا  تره اليو ان مصر ابطئ من السلحفاة  وموظفون  كلشي ميفتهمون واحد يحجي بالشام وواحد يحجي بالمغرب 
اما الاي او ام  فه هيه سريعة نوعا ما قياسا بالاردن او تركيا وهيه تبقة شغلة نسبة وتناسب بالنسبة لعدد الاجئين العراقيين الموجودين هنا في مصر
مودتي
[/
الله يحفظك وييسر امرك اخي الحبيب على هذه النصيحة . بالنسبة الي اني مقدم على الاي او ام ومخلص مقابلة اولى فقط لكن مثل ما تعرف اخي لازم نقدم على اليو ان للحصول على الاقامة.....................تحياتي[size]]

[slamer777]

اخوي ولو انتعبك ومشكور على مجهودك انت تكول المسول عن الكروب السياحي ياخذ جوازك وميرجعلكياه لحد مترجع يعني قصدك اذا تريد جوازك بمصر ااتسجل على اليوان اهناك مينطيكياه لو اشلون ارجو الرد ومشكور اخوي

[iraqforme]

اي اخي سالمار مينطي لان ميبقة يمه يسلمه للجهات العليا لحد ماتنتهي فترة الاقامه ويرجعلكيا  حته  متبقة بمصر وتروح تقدم على المنظمات مثل اليو ان
هاي بالنسبة للفيزة السياحية ام الفندق والونسة (( يعني سياحه من صدك )) تطلعون من العراق فوج سياحي مو كلاو
وتحياتي

[rami alkhafaji]

السلام عليكم

الفيزا حاليا كلش صعبة حبي لمصر لان اعرف شخص نفس قصتك

بس هذة الشركات ممكن اطلعلك فيزا

هذة ارقماهم هية شركتين

078016226112
07811822344

او اذا عندك عرف بمصر ايطلعلك فيزا امنية مناك

موفق يارب

[iraqforme]

قلبي رامي مااهمية الفيزا اذا مابيها موافقة امنية ؟  متسوة 20 دولار  لانو بلا موافقة امنية
ترجع من المطار اذا مابيها موافقة

[rami alkhafaji]

حبيبي اعرف وكلامك صحيح
من اقصد فيزا قصدي فيزا متكاملة وليس فقط ورق على حبر

هذا الي اقصدة

[slamer777]

مشكور اخوي رامي والاخ iraqform  على ردودهم والله يوفقكم  وانشاء الله تنتهي الازمه لان والله دخنا وتعبنا وبالتوفيق يارب

[ghost of baghdad]

زين بالنسبة مثلا اذا طلعت الفيزا وراها اروح اقدم على الاقامة موصح؟
وبعدين اروح للمنظمة ما ال اي او ام ؟
زين شكد التكلفة للنفر الواحد ؟
اني سمعت 1100 دولار للنفر هل صحيح هذا الرقم ؟
سلامي

[rami alkhafaji]

زين بالنسبة مثلا اذا طلعت الفيزا وراها اروح اقدم على الاقامة موصح؟
وبعدين اروح للمنظمة ما ال اي او ام ؟
زين شكد التكلفة للنفر الواحد ؟
اني سمعت 1100 دولار للنفر هل صحيح هذا الرقم ؟
سلامي

حبيبي شبوحي  حلو الاسم مو ؟ هههههههههه

من تروح لمصر ورة متدخل لازم اتقدم على الاقامة والاقامة اسمها الكارت الاصفر ( حسب قبل 5 اسنين من جنت بمصر ) مال un على هذة البطاقة اتروح لل iom الي هية بالمعادي هم ( حسب قبل 5 سنين من جنت بمصر ) يمكن شالت وراحت للصعيد الله واعلم 
واتقدم على اليو ان 
التكلفة للنفر الواحد ما اكدر اجاوبك علية لان ما اعرف شكد هسة الفيزا لان اصلا صعبة الفيزا
بس الي سمعتة اني الفيزا وتذكرة الطيران بحدود ال 1400

[Medo78]

السلام عليكم.. زين اذا الواحد عندة اصدقاء مصريين بالقاهرة  .. هل يكدرون بالمساعدة بأصدار الفيزا من مصر؟  مع جزيل الشكر

[ghost of baghdad]

حبيبي شبوحي  حلو الاسم مو ؟ هههههههههه

من تروح لمصر ورة متدخل لازم اتقدم على الاقامة والاقامة اسمها الكارت الاصفر ( حسب قبل 5 اسنين من جنت بمصر ) مال un على هذة البطاقة اتروح لل iom الي هية بالمعادي هم ( حسب قبل 5 سنين من جنت بمصر ) يمكن شالت وراحت للصعيد الله واعلم 
واتقدم على اليو ان 
التكلفة للنفر الواحد ما اكدر اجاوبك علية لان ما اعرف شكد هسة الفيزا لان اصلا صعبة الفيزا
بس الي سمعتة اني الفيزا وتذكرة الطيران بحدود ال 1400

هههههههههههههههههه
حبيبي ابو الرور كلشي منك حلو


تسلملي 

[slamer777]

اخوان هاي شركة مضبوطة تطلع فيزا الى عمان ومصر وغير دول  واسعارهم مناسبة واني مدا اسويلهم اعلان او واسطة الهم والله شاهد بس اني خابرتهم واسعارهم جيدة جدا
مكانهم بالمنصور قرب افران الرباط شارع 14 رمضان  رقم التلفون   07716966009  لان اكو شركات تطلع الفيزا بالف دولار او اقل بشوية او اكثر وهذا استغلال  وهاي الشركة اسعارها زينه والله شاهد اني ماعرفهم بس خابرتهم وانتو بكيفكم وكالو خلال ايام راح نصدر فيزا الى مصر من النوع الي تكدر تقدم لجوء من خلاله
http://www.moonlinetravel.com  وهذا موقعهم على النت تكدرون اتشوفون اسعار الفيز مالتهم وبالتوفيق

[iraqforme]

حبي سالمار .. اخاف هاي فيزا بلا موافقة امنية مثل اللي ينطوها بالسفارة المصرية  والناس فرحانة ودتجي وترجع بالمطار لانو مابيها موافقة امنية ؟
اللي يروح لاي شركة موبس هاي الشركة ويريد فيزة يسأل على شغلتين بالفيزة  اول شي انو بيها موافقة امنية  او لا
وثاني شي تكون فيزة سياحية بس متجي وية كروب سياحي والحملدار ياخذ جوازك عندة ومينطيكيا لحد ماتخلص الرحلة وتركبون بالطيارة (( يعني طالما عندك الجواز متكدر تقدم على اليوان  لو توذن ))
وتحياتي الكم

[ghost of baghdad]

كلام اخوية عراق فورمي صحيح اتصور
لان اني هسه طبيت على الموقع مالتهم الي ناشرة اخوية العزيز ولكيت ان سعر الفيزا للنفر الواحد 490 دولار مع الفندق ولمدة شهر واحد يعني ما اتصور بيهه امنية وانما بكروب سياحي 
وبعد ما اعرف شنو يقصدون 

سلامي

[slamer777]

اني سئلتهم بخصوص الفيزا الي اكدر ابقى بيها بمصر واحصل لجوء كلي بعد عدة ايام راح نصدر هيجي فيزا وكولي السبت القادم اتصل بي

[iraqforme]

اخي سالمار ماتصلت بجماعة الفيزا لان اكو اخوان هواية يسألون عليها ويريدون يفتهمون  ياريت اذا اكو جديد تبلغهم
تحياتي

[slamer777]

لا اخوي متصلت بس همزين ذكرتني باجر اتصل بيهم وباسرع وقت راح انزل  شكو شي جديد وادلل بس اريد منك اخبار اشوكت افلت خاف فلت وعافنا اشو سكته كالو راح ترجع المقابلات وكل شي ماكو لحد هسه الله يستر

[iraqforme]

والله مااعرف اخباره بس تكدر تشوف اخر رد اله يايوم .. يجوز صدك فلت ههههههه 
تحياتي قلبي

[slamer777]

اخوي بالنسبة للفيزا مال مصر ال بيه تكدر تبقى بمصر وتقدم لجوء خابرت الاخ ابو الشركة وكال بعد ماجاينه خبر
بس يجيني خبر انشره بسرعة وادللوا

[iraqforme]

عاشت ايدك اخوية سالمار  واي جديد خلينه على تواصل

[ghost of baghdad]

حبي مكلك او انت مسئلتة اشكد التكلفة للنفر؟
بالنسبة الي يريد يقدم على فيزة اتخلي يبقى بمصر حتى يقدم على ال اي او ام ؟

[slamer777]

اي اخوي يكدر يقدم على لجوء من خلال هاي الفيزا النوع الثاني مو السياحي لان ينطوك جوازك اهناك وانت وين اتريد اتقدم بكيفك وتكدر تبقى بمصر
كولي بعدين من يجينه خبر اني اتصل بيك بس تكلفته من الشركة تو صل حوالي 900 دولار للنفر الواحد واني اهم راح اضل متابع

[ghost of baghdad]

رحمة الله والديك على هاي المعلومات الحلوة مثلك
شكر  جزيل

سلامي

[akam jee]

اذا الفيزا مو سياحية اي من النوع الثاني، يعني تسميته شنو (فيزا ....... ؟)

اي اخوي يكدر يقدم على لجوء من خلال هاي الفيزا النوع الثاني مو السياحي لان ينطوك جوازك اهناك وانت وين اتريد اتقدم بكيفك وتكدر تبقى بمصر
كولي بعدين من يجينه خبر اني اتصل بيك بس تكلفته من الشركة تو صل حوالي 900 دولار للنفر الواحد واني اهم راح اضل متابع

[iraqforme]

اخي العزيز  اكامجي .. هيه كلها فيز سياحية بس الفكرة انو هسه بالجديد صارت الفيزا السياحية من تجي ويه الكروب ياخذ جوازاتكم الحملدار لحد ماتخلصون سياحه يلا يرجعلك الجواز وبالتالي مرح تكدر تسوي كلشي مجرد تتونس بأيام محددة وترجع للعراق اما الفيزا العادية (( هم سياحية )) هاي تكدر تجي بمفردك يعني بدون كروب سياحي  وتقيم بمصر لحد مالله يسهل امورك
مودتي لك

[ghost of baghdad]

عفية

[متفائل جدا]

اخواني الاعزاء هل من جديد بخصوص الفيزا الى مصر...................؟؟
تحياتي للجميع

[ghost of baghdad]

زين ليش منتشارك المعلومات بين ما توصل الاخبار من الاخوان الي ديبحثون وان شاء لله يوفقهم
مصر افضل من الاردن بالنسبة للي ما متمكن ماديا وبالاخص للي عندة عائلة
يعني اني سمعت معلومات من مصريين عايشين بالعراق وعدهم تواصل يعني رايحين وجايين من مصر والعراق وبالعكس
ف كالو انو العيشة بمصر ارخص من بغداد وبالنسبة للايجارات ف تتراوح من مية دولار الى ثلاثمية دولار او اكثر شوي بالنسبة للشقق الفخمة جدا جدا
ف حسب ما كال انو الواحد يكدر يعيش بورقة بالشهر او خمس اوراق بالشهر او عشرين ورقة بالشهر يعني حسب المصرف الي يقرر الشخص نفسة ان يصرفة 
اما بالنسبة للعائلة ف تقريبا نفس الشي ولكن التكلفة تزداد نسبة وتناسب للعازب طبعا
يعني كسر بجمع وحتى ما اطيل عليكم
بالنسبة المصر للنفر الواحد المتقشف مو البطران الي يريد يتونس وهو بالعراق متهدد ومتهجول يكدر يعنيش ب ثلاثمية دولار بالشهر مع الايجار او حتى اقل 
اما بالنسبة للعائلة المتهددة موالفايخة يعني العائلة المتقشفة تكدر ان اتعيش من خمسمية دولار الى سبعمية دولار بالشهر مع الايجار
هاي المعلومات الي حصلته من شخص قريب على صيدليتي 
وان شاء الله نستفاد منكم بمعلومات اكثر بعد منا لحد ما انحصل معلومة على الفيزا شكد
ها وبالمناسبة يعني اذا هاي الفيزة ب 900 دولار للنفر الواحد يعني هجمان بيوت للماعندة والله يعني بالنسبة الي اني سبع نفرات وكلهم امقدملهم وياي وخاطبت المنظمة وكلتهم اريد اطلع والمصيبة انهم خابروني وكلولي اي اطلع وروح لو المصر لو الاردن واحنة هناك انكمل معاملتك واني مثل الاثول كلتلهم اي رحمة الله والديكم واني جان ما عندي اي معلومات عن مصر وعن الفيزة المصر عبالي سهلة اروح للسفارة وينطوني فيزا ههههههههه شكد فطير
اثاري طلعت فيزة امريكا اسهل من مصر ههههههه
يعني اني اتصير تذكرة الطيران مالتي لسبع نفرات 6300 دولار هاي بس الطيران وبعد ميرادلي اكل شرب ايجار غاز كهرباء لا سامح الله مريض هاي امور دنية واني ما عندي زين هاي شلون مصيبة رح اضطر اكعد واسكت والله كريم

سلامي

[متفائل جدا]

شكرا جزيلا اخي العزيز ghost of baghdad على هذه المعلومات القيمة وكان الله بعونك على هذا الموقف .........وارجوا من جميع الاخوة الذين في مصر واي شخص لديه معلومة فيما يخص الفيزا او اي معلومة يمكن ان يستفيد منها الاخوة لان الوقت جاي يمر ونحتاج الى حل لمشكلة توقف المقابلات في بغداد ....
يعني مثلا يمكن للاخ ghost of baghdad والذين بمثل حالته ان يذهب في البداية بمفرده الى مصر لان الفيزا السياحية لجميع العائلة مكلفه ومن ثم يقدم على اليو ان وبعدها يرتب على فيزا من هناك اي من مصر هل هذا الامر ممكن ؟؟؟؟؟
ارجوا الاجابة ........مع اطيب التحيات
المتفائل        

[slamer777]

اخوان اكو شركة تطلع فيزا الى مصر وتكدر بهاي الفيزا اتقدم لجوء على اليوان او  اي او ام   سعر الفيزا 1250 دولار وهذا عنوان الموقع على الانترنت
http://www.moonlinetravel.com/ar يكصبون كصب الله لا بعوزنا عليهم
07716966009

[متفائل جدا]

السلام عليكم
هل من جديد بخصوص الفيزا الى مصر ؟..... غير الذي ذكرها الاخ لان بصراحة مبلغ(1250)دولار كبير جدا بالنسبة لصاحب العائلة اذا احد من الاخوة لديه اخبار جديدة بخصوص الفيزا لا يبخل بها علينا ........وتحياتي للجميع

اخوكم المتفائل كلش

[akam jee]

up

[iraqforme]

اخوية متفائل بهاي الظروف الحالية استحالة تحصل فيزا لمصر بأقل من 1000$ كون على ثقة . بس اكو شغلة تفيدك اتصل بالشركة اسألهم لان اعتقد الاطفال مياخذون عليهم فيزا كاملة يمكن نص الثمن او ثلاثة ارباعه . بلكت عسى ولعلى الله يسهلك
مودتي للجميع

[متفائل جدا]

اخوية متفائل بهاي الظروف الحالية استحالة تحصل فيزا لمصر بأقل من 1000$ كون على ثقة . بس اكو شغلة تفيدك اتصل بالشركة اسألهم لان اعتقد الاطفال مياخذون عليهم فيزا كاملة يمكن نص الثمن او ثلاثة ارباعه . بلكت عسى ولعلى الله يسهلك
مودتي للجميع

اخوي العزيز iraqforme بصراحة اتصلت على هذه الشركة وقالوا مبلغ الطفل نفس مبلغ الكبير لا يوجد فرق حتى اني ذكرت لهم ابني عمره اقل من سنتين قالوا نفس المبلغ لا يوجد فرق ..............شكرا اخي العزيز على اهتمامك وتواصلك مع الجميع تحياتي اخي الغالي 

[akam jee]

اخوان هل من تغيرات بخصوص فيزا مصر من ناحية السعر و التسهيلات ؟