لطفا ارجو الاجابة بخصوص تاكيد العمل

[فتى المدينة]

السلام عليكم
الحمد لله كدرت احصل اميل الشركة بس المشكلة منتهي الاشتراك ميستقبل رسائل بس يرسل المهم اذا ادز رسالة تاكيد وظيفي الى اميلي الشخصي وسويله فورورد ودزه لل iom راح ياكدون العمل لو لازم هم يخاطبون اميل الشركة  الي سويتله فورورد على اميلي..
واذا خاطبوهم للشركة مراح توصل الرسالة لان الاشتراك منتهي ارجو من لديه الاجابه الرد باسرع وقت.

[اسعد العراقي]

اخوية دزلي معلومات عملك واسم الشركة وبياسنة واسم السوبر فايزر وانشاء الله ايصير خير

[رووز قمرين]

مرحبا اخوية فتى المدينة... ارجو ان توضحلي اي ايميل راسلتهم الشركة الي كنت تعمل بها ام ايميل ثاني لان اني نفس المشكلة شغلتنة متوقفة على تاكيد العمل... ارجو مساعدتي مع شكري المقدم

[فتى المدينة]

الاخ رووز قمرين
 اميل الشركة العراقية  المتعاقدة سابقا مع قوات متعددة الجنسيات بس المشكله طلع هذا الاميل مخول بالنيابة عن الشركة يعني هم مو رسمي اوتلوك ايميل اذا سامع بي والشركة سولي رسالة ورقية تاكيد العمل او دزيته لل iom او كاع انتضر ردهم والله كريم
 للعلم والدي مهندس الشركة او عندة باجات او شهادات تقديرية مع قوات متعددة الجنسيات او ميفيد يردون اميل رسمي مين اجيبه ما ادري حتى مسؤوليين الشركة كرعت روسهم

[ghost of baghdad]

حبيبي اخوية العزيز
اني جان عندي تقريبا نفس المشكلة بالبداية مال التقديم مالتي 
بس المشكلة مالتي جانت وية السوبر فايزر او ال بي او سي 
لا جان كلب مرة انطاني الايميل مالتة وكلي اذا تجتاج اي شي اتصل بية واني اساعدك
ومن احتاجيتة صدك دك بية الناقصة ولحد الان ممجاوبني الناقص ابن الناقص
بس اني اشسويت 
رسلت ايميلة واسمة ورتبتة وعنوانة الوضيفي الجان شاغلة وكل معلوماتة الي هو منطينياها شفويا 
المهم دزيتهه بالايميل لل اي او ام 
والله بعد فترة جان تجيني رسالة موضوع الرسالة تم اضافة معلومات ال بي او سي
والحمد لله نجح الامر وياية 
بعد انت ما ادري سوي وبلكت ينجح وياك
وسلامي

[رووز قمرين]

اخوية العزيز فتى المدينة. ..
اني زوجي عمل بعدة شركات لاكثر من خمس سنوات وعندة كافة الباجات والاوراق الثبوتية كافة ولكن الايميلات كلهن ميشتغلن وبقت شغلتنة متوقفة على تاكيد العمل ..الله يفرجها  ويسهيل الامر للجميع وبلكي الايميل مالتك يمشي وتخلص ...تقبل تحياتي