شلونكم يا حلوين اني وصلت أمريكا

[emperor pedawi]

السلام عليكم 
بالبداية احمد الله على وصولي لأمريكا بدون اية عراقيل الرحلة طويلة شاقة و متعبة لكن سلسة كانت من حيث المطارات
الفيزة مالتي زيارة نعم و حجزت تكت مرجع نعم فادني بالمطار و طلب مني ان اشوفه تكت الرجعة و شوفته وسألني مدة الزيارة كلتله شهر وتكت الرجعة تاريخه بعد وصولي بشهر ومع ذلك انطاني اقامة 6 شهور هذا الحجي بمطار شيكاغو اني الخميس الفائت 28 اب وصلت امريكا واليوم رحت و سألت عن كيفية البقاء وتقديم طلب اللجوء و باجر هم راح اروح لمحامي و ان شاء الله شيصير وياي راح اكتبه فقط اكو شغلة احب انوه عليها الجميع الا و هي اثناء التوجه لامريكا وانت على متن الطائرة ينطوك فد ورقة ورقة كمارك بيها كم سؤال بسيط اجاوب و اختيارات حيل بسيطة اجاوب عليها والورقة تبقى يمك من تصل المطار بعد متخلص ضابط التأشيرة و تأخذ جنطك قبل الخروج من المطار تسلمهم هالورقة اكو موظفين كمارك 
و تقبلوا تحياتي واتمنى للجميع الموفقية والسعادة .

[greenmind]

الحمد لله على سلامتك
وبالتوفيق يارب
اي والله ياريت تكتبلنه كولشي بتفاصيله من مقابلات ومعاملات
وشغل شون؟؟؟
وسكن؟؟؟
ننتظر منك استاذ
تحياتي

[red-alert8]

 :(حمد الله علة السلامة اريد اكلك هاي الورقة الي امليتهة كلش مهمة هاي اي ٩٤ وراح بعدين يسئلون عنهة بس عادي همة يكدرون يطلعوهة علة ما اعتقد و بالتوفيق ان شاء الله و و خلينة علة تواصل 

[ghost of baghdad]

حمد لله على السلامة اخي 
انطينة كل اخبارك اول باول 
وانت حاليا بيا مدينة استقريت

سلامي لك

[emperor pedawi]

اشكركم اخوان عالردود اللطيفة والطيبة ..ان شاء الله اكتبلكم اول بأول 
اني استقريت بولاية تينسي والسبب لأن جماعة شيكاغو صعبوها جماعة كاليفورنيا صعبوها ازيد اما جماعة تينسي همة اللي الحوا وكالوا تعال واحنا نسهل امورك وهمة ما قصروا ومع العلم عدهم اشغالهم وبقدر المستطاع ديعلموني و يساعدوني وينطوني معلومات ولهذا السبب رحت تينسي مدينة ناشفيل والجماعة مجرد اصدقاء بس صدكوا احسن حتى من الكرايب ..وتمنياتي للجميع بالموفقية

[ghost of baghdad]

الله يوفقك يا ريت تنقل النة تفاصيل سفرك
ولحظة وصولك
وما هو شعورك
وكيف هي الحالة في امريكا
مصاريفك
اجارك شقة لو بيت
مي كهرباء غاز
كل التفاصيل رجاءً
اشكد اتكفيك بالشهر
؟؟؟؟؟؟؟؟؟
اهريك بالاسئلة
هههههههه

سلامي

[ibo86]

الحمدلله على السلامة ومبروك ان شاءالله تستقر وترتاح ...
بس استفسار مهم ونزلت بيه موضوع محد جاوبني لحد الان :
شلون حصلت فيزا سياحية او زيارة مثل مدتكول ؟
ياريت التفاصيل ان امكن ولو بيها زحمة بس ولله صارلي شهرين ادور طريقة احصل فيزا سياحية ماكو لا من السفارة ولا من القنصلية .
مشكور على الرد مسبقا ...

[dole79]

السلام عليكم
بالبداية احمد الله على وصولي لأمريكا بدون اية عراقيل الرحلة طويلة شاقة و متعبة لكن سلسة كانت من حيث المطارات
الفيزة مالتي زيارة نعم و حجزت تكت مرجع نعم فادني بالمطار و طلب مني ان اشوفه تكت الرجعة و شوفته وسألني مدة الزيارة كلتله شهر وتكت الرجعة تاريخه بعد وصولي بشهر ومع ذلك انطاني اقامة 6 شهور هذا الحجي بمطار شيكاغو اني الخميس الفائت 28 اب وصلت امريكا واليوم رحت و سألت عن كيفية البقاء وتقديم طلب اللجوء و باجر هم راح اروح لمحامي و ان شاء الله شيصير وياي راح اكتبه فقط اكو شغلة احب انوه عليها الجميع الا و هي اثناء التوجه لامريكا وانت على متن الطائرة ينطوك فد ورقة ورقة كمارك بيها كم سؤال بسيط اجاوب و اختيارات حيل بسيطة اجاوب عليها والورقة تبقى يمك من تصل المطار بعد متخلص ضابط التأشيرة و تأخذ جنطك قبل الخروج من المطار تسلمهم هالورقة اكو موظفين كمارك
و تقبلوا تحياتي واتمنى للجميع الموفقية والسعادة .

الف الف الف مبروك اخي الغالي ويارب بالتوفيق والله عاشت ايدك  :Dعلى هاي الخطوة ويارب يسهل امورك واتمنة اتشاركني تجربتك لانه اريد اخطو نفس الخطوة   ومن الله التوفيق للجميع

[مستر اكس]

الف الف مبروووك حبي

[emperor pedawi]

حبايبي الحمدلله وصلت 
ابديلكم من البداية قدمت عالفيزا عن طريق مكتب سياحة وسفر و هو نفسه مكتب DHL اني قدمت بدهوك المهم حضرت هوايا اوراق ومستمسكات و تأييد مصرف تاليها ابو المكتب بعد مرور 20 يوم خابرني وانطاني موعد المقابلة رحت للقنصلية بعينكاوه وماخذ هوايا شغلات قبل لا اكمل طبعا عند ابو المكتب تملي فورما و دخلت عنوان صديق عايش بأمريكا وبعده ممتجنس للعلم المهم رحت للمقابلة طبعا مطلبوا اي شي مجرد يسألوني اسئلة متعلقة بالفورما المليتها بالمكتب و شنو شغلي انطيتهم بزنس كارت فقط وراها اسئلة روتينية مثلا انت جنت مسجون قبل الجواب لا ارهابي لا منتمي لحزب لا وراها كالت اوك اتفضل خلصت المقابلة طلعت وبقى الجواز يمهم وراها ب20 يوم دزولي الجواز لدهوك عن طريق DHL هاي فايدة بريد دي اج ال 
وبعدها حجزت طيارة ون وي بعدين سألت لان الفيزا زيارة لازم تو وي رحت حجزت تكت رجعة المهم من اربيل انطلقنا ونزلنا بعمان اردن و وراها شيكاغو وبعدين لولاية تينسي لان اصدقائي هناك 
وصلت هناك هاي صارلي اسبوع رحت لمكتب وبعد جم. يوم اروح لمحامي استشير وانطيكم جواب وتحياتي للجميع بالموفقية شحن مبقى بالجهاز بعدين اكمل هههههههه

[dole79]

مبروك يا وردة ويارب يسهل عليك واتحصل اللجوء باسرع وقت وبارك الله بالي يساعدك ويقدم الدعم باي طريقة ويارب يفرج عنا 

عاشت ايدك شبوحي على كولت رامي ههههه    على الاسالة 

[ghost of baghdad]

مبروك يا وردة ويارب يسهل عليك واتحصل اللجوء باسرع وقت وبارك الله بالي يساعدك ويقدم الدعم باي طريقة ويارب يفرج عنا

عاشت ايدك شبوحي على كولت رامي ههههه    على الاسالة

حبيبي دوول

اتمنى يجاوبني اخونة العزير صاحب الموضوع على اسئلتي حتى يغطي اغلب الجوانب ويخلص من الاسئلة الفرعية

وهذا رامي موتني يطلعلي القاب من جوة الكاع ...ابو الرور
ههههههههه
سلامي

[emperor pedawi]

معيشة امريكا غالية و حصوصا اذا متعرف بالماركيتات مالت المنطقة يعني لازم فترة تتعلم يا ماركيت عنده فلان غرض ارخص من البقية الثاني عنده غير غرض ارخص منه و ماعدا ذلك الاكل الحلال والماركيتات الشرقية وجماعتنا اسعارهم غالية وبالنسبة للسكن والله حسب ما انت تحب بس نسبيا غالي لان مجمع مو هلكد امين ومو هلكد راقي ايجاره يوصل 600 دولار اما اذا تريد راقي لا يوصل لحد 3000 و 4000 دولار بالشهر طبعا وبصراحة متعبة المعيشة اهنا يعني اذا تجي هجرة انت هوايا احسن من ان تجي فيزا و بعدين تقدم لجوء لان ميشغلوك لان معندك سوشيال ولا تشتغل بلا علم الحكومة ومحد يشغلك غير العراقي واذا شغلك علمود يستغلك شغل راتبه 3000 بالشهر او مثلا بالساعة راتبها 11 دولار راح يشغلك ينطيك بالساعة 7.50 ولذلك اذا تجي سياحة لازم تحسب حساب متلاكي شقة تكعد فندق جم يوم علما تلاكي شقة والشقة مينطوك اذا معندك كفيل وماعدا السكن اللي يجي سياحة و يريد لجوء خلي يجيب وياه بالقليل 15000 يعني دفتر ونص ..حسب مداعيش اني وتكدر تقتصد باليوم تاكل وجبة وحدة ..وحسب الولاية اني عايش بناشفيل متكدر تروح وتجي الا عندك سيارة لان التكسيات مكلفة و قليلة جدا الباصات وماكو ترام ماكو سب وي ميترو ههههههه عاد مدري بعد .

[ضياع]

الف الف الحمدلله ع السلامة ويارب المحامي يكمل شغلكم

وتاخذون لجوء وجنسية ويارب الحياة حلوة كدامكم

[ghost of baghdad]

والله امريكا موتت الشباب 
ياهو التلزمة يحجي على امريكا 
وياهو التكلة اتروح لامريكا يركض ركض
ههههههههه
صدك شيزوفرينية
سلامي

[dole79]

شبوحي هذا الواقع انريد تخلص من العراق ومن نوصل امريكا الحياة صعبة ترة خصوصا باول سنة لانه حياة مختلفة ومجتمع مختلف ولغة مختلفة الخ فا عبالك الشغلة سهلة ؟

[ghost of baghdad]

لا ابدا مو سهلة 
تعب تعب
والله كريم

[emperor pedawi]

اوك اوك هاي عدلت البوست وتحياتي للجميع 

[dole79]

حبيبي كوست تريد اهمبل مثلا و اسويلك هي العالم الوردي هاي صوج اللي ينصح و يحجي تاليها تتهمنا بأنفصام الشخصية ماهذا الهراء بحق الجحيم ..

حبي معليك بشبوحي طالعة روحة من 2012 مو قصدة عليك انتة رحمة الوالديك شاركتنة تجربتك ويارب يوفقك 

[ghost of baghdad]

حبيبي كوست تريد اهمبل مثلا و اسويلك هي العالم الوردي هاي صوج اللي ينصح و يحجي تاليها تتهمنا بأنفصام الشخصية ماهذا الهراء بحق الجحيم ..

لا لا هاي وين رحت انت ههههههه
مو عليك الانفصام الشخصية ....هذا اني موضوع ناشرة اسمة انفصام الشخصية الامريكية.
اما بالنسبة للرد ف مو حظرتك المقصود
المقصود الوضع عموما وتضارب الاراء حول امريكا
حبيبي  لتاخذ على نفسك
ههههههه
سلامي ياوردة وان شاء الموفقية والنجاح ببلدك الجديد 
واسال الله ان الحك بيك واسكن ببلدي الجديد ايضا
سلامي

[ghost of baghdad]

وشكراً الك لان نعتت كلامي بالهراء 
واني مالي ذنب سوى سوء فهم من حظرتك الكريمة

اشكرك
وسلامي يالغالي

[جوكر الهندسة]

هههههههههههههههههه طبعا هذا الموضوع الي جنت اريد اقراه من دخلت هسه للمنتدى
اريد اشوف الدخول لامريكا عن طريق فيزا سياحية عليه تشديدات بالمطار او لا خصوصا بهاي الفترة لان اني قبل 5 اشهر دخلت و طلعت و عادي مصار اي شي بس هسه حجزت وبسبب الاحداث الحالية بالشرق الاوسط حبيت اعرف مطارات امريكا شلونها عليها تشديدات لو لا
هسه اني ارتاحيت نوعا ما بس اني حاجز تو وي و سفرتي جدا جدا جدا قريبة بس اني جاجز الرجعه بداية شهر ال2 سنة 2015 و بالتكت مكتوب تاريخ الرجعه يعني فترة بقائي مايقارب4 اشهر هل هذا الشي رح يأثر او لا ؟؟؟؟؟؟؟؟؟؟؟؟؟؟
ادعولي ادخل بسلام هههههههههههههههههه

[dole79]

عيني جوكر الهندسة 
يارب يارب يسهل عليك وتوصل بالسلامة وتدخل امريكا بدون تاخير ومشاكل واطمنا مناك امين يا رب

[emperor pedawi]

حبيبي جوكر مراح يأثر ابد واصلا همة ينطون اقامة 6 شهور اني  تكت الرجعة مسويه بعد شهر هو انطاني اقامة 6 شهور… اما كوست شبح عيني اوك مصار شي و ماكو اي هراء ولا اكو شيزوفرينيا بالموضوع 

[جوكر الهندسة]

اشكرك اخوية ع الرد السريع و التفاعل مع حالتي
بس حبيت اكولك اولا ترا كوست جدا انسان رائع و هو مجان يقصدك بشي بس هو منزل موضوع حول هيج حالة اتمنى يعني ميصير اختلاف بوجهات النظر
ثانيا ترا اني داخل امريكا و ناطيني هم ست اشهر و هاي الست اشهر تعرف شوكت تنتهي ؟؟؟ تنتهي بنص شهر العاشر بس اني بوكتها بقيت شهر تقريبا  و طلعت و هسه رح ارجع ادخل و ماعرف بقت يم ربنا التساهيل
هههههههههههه بصراحة مش متفائل بس انت شوية رجعتلي بعض الامل ههههههههههههههههه

[ghost of baghdad]

اشكرك اخوية ع الرد السريع و التفاعل مع حالتي
بس حبيت اكولك اولا ترا كوست جدا انسان رائع و هو مجان يقصدك بشي بس هو منزل موضوع حول هيج حالة اتمنى يعني ميصير اختلاف بوجهات النظر
ثانيا ترا اني داخل امريكا و ناطيني هم ست اشهر و هاي الست اشهر تعرف شوكت تنتهي ؟؟؟ تنتهي بنص شهر العاشر بس اني بوكتها بقيت شهر تقريبا  و طلعت و هسه رح ارجع ادخل و ماعرف بقت يم ربنا التساهيل
هههههههههههه بصراحة مش متفائل بس انت شوية رجعتلي بعض الامل ههههههههههههههههه


[/q
السلام عليكم
اشكرك اخوية انت الرائع وذوقك الرائع 
واخوية emperor  حقة من فرحتة كام ميجمع هههههههههههه
الله يدم فرحتك اخي
وانت اخوية العزيز ان شاء الله تدخل بسلام وامن مؤمن يا رب العالمين

سلامي

[dole79]

emperor pedawi

عزيزي شلونك شخبارك طمنا اسويت ما سويت بالتوفيق

[CivilEng]

الحمد لله على سلامة الوصول و بالتوفيق ان شاء الله .

[عباس التميمي]

حبي بس سؤال شكد كلفتك الفيزا و الطيران لحد ما وصلت لمريكا شكد التكلفه ؟
يعني كل المصاريف شكد صارف لحد الان ؟
اتمنى اجاوب لان ياهوه الي اسئله يكول 18 او 20 مليون محد انطاني سعر مضمون .

[عباس التميمي]

انتو فين 

[star_usa]

الف مبروك حبي ننتظر منك المزيد من التفاصيل

[texasddddd]

شنو ١٨ مليون ؟؟؟؟
الفيزا يمكن ١٦٠ دولار
والتكت حسب من الاْردن تحصل  حدود ٨٠٠
انشالله يذكر الأخ الأسعار المضبوطة
وحمدلله ع سلامه يارب انشالله يكون مرتاح