السلام عليكم اعضاء المنتدى، اني عضوه جديده بالمنتدى اتمنى استفيد من اهل الخبره
اني اريد احصل فيزا سياحيه لامريكا وهناك اقدم على لجوء لان اريد اوصل لهناك باسرع وقت ماكدر اقدم عن طريق بلد اخر مثل تركيا والاردن
التقديم عالفيزا كان اون لاين عن طريق مليء استماره الكترونيه وبعدها تحديد موعد مقابله بالقنصليه الامريكيه وعده خطوات، اني لحد الان مليت الاستماره عن طريق موقع القنصليه الامريكيه في اربيل لان بغداد غير متاح التقديم منها حاليا، قدمت الاستماره فقط لكن مدااكدر احدد موعد لان الموقع يگول كل ايام شهر التاسع مملوءه مع انه كنت على طول افتح التقويم مال مواعيد يكول الايام غير متوفره وفجاه صارت كلها مملوءه زين شلون تمكن الناس من تحديد مواعيد الهم رغم كانت غير متوفره!! اكو طريقه اخرى؟ ارجوكم فيدوني لان لازم اعرف شلون احدد موعد مقابله، وطبعا كل الاشهر القادمه يكول الايام غير متوفره لهذا ماعندي امل احدد موعد باي شهر اخر مثلا عاشر لو دعش لو ١٢ لو حته السنه الجديده. ارجوكم الي يعرف بهالموضوع يجاوبني واتمنى الكي جواب وافي
وشكرا مقدما
