عن الامم المتحدة في مصر

[ام عبير]

سلام عليكم اخواني لدي سؤال جزاكم الله خير( عند تقديم طلب لجوء من قبل العائلة العراقية المتكونه من سته اشخاص (ام-اب-اربعه اطفال لا يتجاوز اعمارهم بين 17-14-10-4) ماهي الساعدة التي سوف تقدم لهم حتى قبولهم

[ام عبير]

لوسمحتو ممكن تردو عليه

[iraqforme]

اخت ام عبير ياريت الايضاح بالسؤال  حتى نعرف نرد عليج
يعني حضرتج في مصر او ناوية تجين  واي مساعدة تقصدين ؟؟

[ام عبير]

لا انا مو بمصر واحب اني اروح مصر اطلب لجوء هناك 
بس حابه اعرف يعني ايش راح يوفر لي وعائلتي من مستلزمات العيشة بمصر يعني راح يسكنوني في بيت 

[iraqforme]

اختي ام عبير  بالبداية احب اكلج انو اليوان مصر ابطئ من السلحفاة وتبقى بعد انتي وظروف قصتج  يعني اذا كيسج قوي احتمال مطولين ويقابلوج توطين  ويجوز تنامين مثلي 6 سنوات يلا تحولت توطين  والقصه طويلة
ثانيا بعد متسجلين بل يوان مصر  يتم توفير مايأتي :
تكاليف الدواء تدفعها منظمة كاريتاس (( منظمة تابعة لل يوان )) بنسبة 70% والباقي عليج  يعني مثلا الدواء اذا كلف 100 دولار هيه تدفع 70 والباقي عليج  بما يشمل العمليات لاسامح الله ومراجعات الاطباء والخ ...
تكاليف المدارس تدفع من الكنيسة الكاثوليكية ( سي ار اس ) بنسبة محدودة  يعني مالهم علاقة اذا المدرسة حتى لو بمليون دولار  هو ينطيج 700 جنيه يعني حوالي 95 دولار والباقي عليج
وتعيشين وتسلمين  وماكو شي اسمة يسكنوج  مالهم علاقة بشي اسمة سكن
تحياتي

[ام عبير]

طيب اخوي بس اللي انا اعرفة انو هم يأخرو العزابي بس العائلة ما يأخروها في شخص كال لي اذا طلبت الجوء اني وعائلتي اكيد انهم راح يأخذونا خلال 18 شهر والله اعلم

اوكي ممكن اعرف انت شخص واحد عشان كذا اخروك ولا لا ..وممكن اعرف كيف عايش بمصر يعني من وين تصرف على نفسك لانو اللي ينطونك باليوان مايكفي حد والحياة بمصر صعبة

[iraqforme]

اختي ام عبير احنه عائلة هنا  واكو مثلي مئاات الملفات نايمة عليها الطابوكه بمصر بل يوان وكلهم عدهم ظروف صعبه حيل وصارلهم اكثر من خمس سنوات 
وهم اكلج كل واحد وحظه .. تعاي جربي  بس لازم قبل متفكرين بلتوطين فكري شلون تدخلين مصر لان الاجراءات حيييل تغيرت وصار من الصعب على العراقيين دخول مصر

[ام عبير]

انا أسفة اخوي شكلي ازعجتك .اخر سؤال ممكن اعرف يعني نقدر نحصل اعمال نصرف فيها على نفسنا هناك

[iraqforme]

لاعادي ولايهمج 
اذا عندج فلوس تكدرون تفتحون هنا اي محل مناسب تكدرون تمشون اموركم بي  بس يجب اختيار المكان المناسب لان مثل ماتعرفين مصر كبيرة  ومكان تمركز العراقيين بمنطقة واحد فقط تقريبا
تحياتي

[ام عبير]

مشكور اخوي كل الشكر 

[iraqforme]

ادللي اختي 

[akam jee]

لاعادي ولايهمج 
اذا عندج فلوس تكدرون تفتحون هنا اي محل مناسب تكدرون تمشون اموركم بي  بس يجب اختيار المكان المناسب لان مثل ماتعرفين مصر كبيرة  ومكان تمركز العراقيين بمنطقة واحد فقط تقريبا
تحياتي
[/quote] يعني من الممكن التقديم على الـــ un ومزاولة العمل مثل ماوضحت اخ iraqforme كفتح مطعم او مني ماركت........ الخ

[iraqforme]

اي حبيبي تكدر تفتح ميني ماركت  او مطعم او اي شي يعجبك
تحياتي

[akam jee]

اني اشكرك على الاجابة ...... اذا مابيها زحمة عليك تحكي لنا عن مصر من ناحية السكن , المعيشة , اجور المدارس , اجور الكهرباء والماء.. اي شي ممكن ايفيدنا او يخطر على بالك اذكره ممكن يكون بي الفائدة للجميع

[iraqforme]

ولو حجينا بهذا الموضوع بما فيه الكفاية لكن رح انطيك نبذه مختصرة
اجور المدارس غالية نوعا ما اذا تريد تخلي اطفالك بمدارس نظيفة جدا ويطمأن قلبك فه مواقل من 10000 جنيه للنفر بما يعادل 1300 دولار
اما الكهرباء فه انت واستهلاكك ممكن تجيك اعلى شي 500 جنيه بالنسبة لاستهلاك متوسط بما يعادل 70 دولار
المي رخيص  السكن هم الشقة المفروشة هنا بالمنطقة اللي احنة بيها  وهي منطقة تبعد عن وسط القاهرة حوالي 40 كيلو  تبدي من 1000 لحد 3500 جنية بما يعادل بالمتوسط 250$  والتكسيات موغالية كلش لان اكو عداد  والاكل مثل العراق تقريبا
تحياتي للجميع

[متفائل جدا]

الاخ العزيزiraqforme هل يوجد جديد بخصوص الفيزا من العراق الى مصر او لازال الامر معقد؟؟........شكرا على هذا الجهد المميز  

[iraqforme]

والله ياحبيبي متفائل  اني دااسأل لان كرايبي اريد اجيبهم هنا  ومدااعرف شنو السالفة كلها خايفة تسوي الفيزا  بس اني مااكل ولا امل دادور واذا اكو جديد اكلك
مودتي

[متفائل جدا]

والله ياحبيبي متفائل  اني دااسأل لان كرايبي اريد اجيبهم هنا  ومدااعرف شنو السالفة كلها خايفة تسوي الفيزا  بس اني مااكل ولا امل دادور واذا اكو جديد اكلك
مودتي

كفو منك اخي العزيز ما تقصر.............شكرا جزيلا