الولايات الامريكيه المناسبه للعيش الرجاء اهل الخبرة الدخول

[سعد الدليمي]

االسلام عليكم ورحمة الله وبركاته:-الاخوة اعضاء المنتدى المحترمين ارجو من حضراتكم للي داخل امريكا الان واللي عنده خبره من اللي بتركيا ارشادي حول اختيار الولايه المناسبه في اميركا ان شاءاللله شاركوا بخبراتكم القيمه والاهم انكم تنوروا الموظوع. تحياتي لكل من شارك 
اخوكم سعد الدليمي / تركيا

[iraqforme]

حبي سعودي هو اكو مكان اتعس من العراق !!
كل الاراضي الامريكية جيده جدا من ناحية السكن والمعيشه  بس اكو الجيد واكو الممتاز
عموماً اذا متحب البرد وتحب الشغل  روح تكساس لان بيها شغل هواية ولو حارة عبالك البصرة
اما اذا متحب الحر فه روح ل مينيسوتا  ولايه شمالية ومابيها زخم عراقيين مثل كاليفورنيا وتكساس وشيكاغو
هاي نصيحتي بهاي الولايتين وعن تجارب لاصدقاء صادقون  مو يبجون بوجهك 
مودتي

[سعد الدليمي]

ممنون منك عزيزي بس اريد اعرف شكد مده المساعدات في مينيسوتا طويله الامد؟ وهل يوجد فيها شهل هوايه اني سمعت ان الولايات الشماليه مساعداتها تطول وعمل فيها . تجياتي الك
سعد الدليمي/تركيا

[ابو الين]

سلام عليكم
اكو امور لازم تعرفه انت وكل الاخوان الي على وشك السفر الى الولايات المتحدة
لا تفكر بمدة المساعدات لأن المساعدات عبارة عن مغذي يعني مجرد تبقه عايش فكر بالعمل اولا لأن انت اذا عزابي مثلا في ولايتي ( داكوتا الشمالية ) راح ينطوك 335 دولار كاش كل شهر وفود ستامب 189دولار لمدة ست اشهر وتكون قابلة للتمديد اذا لم تحصل على عمل بس بولايتي الشغل خير من الله اما اذا حصلت شغل راح ينقطع عليك 335 واذا كان عملك زين راح ينقطع حتى 189 او يقللو الى 120 بس مثلا اني قطعو هن كلهن عليه بس عادي لأن انت اذا تشتغل وتحصلك اسبوعيا 500 دولار ما راح تهتم
على العموم اخوان العمل يغنيك عن كل هذه التسائلات وبعد انت مو بحال اي واحد
بالنسبة للولايات القديمة والمعروفة مثل ديترويت وشيكاغو ولوس انجلس وكل الولايات والمدن المحاذية الى الاطلسي تكون غالية وصعوبة الحصول على العمل بس جوه يخبل
اما الولايات الشمالية الغربية  والوسط توفر فرص العمل اكثر ولكن ذو طقس بارد جدا و قلت الاماكن الترفيهية
اني حاليا في العراق واني حاضر لاي سؤال
تحياتي الى الجميع

[rami alkhafaji]

 السلام عليكم
ممكن اعرف العيش بالنسبة الك شنو؟  شون نمض الحياة لان اكو  ناس تسئل ومن انجاوبها اتكولك اني مقصدي هيجي حياة  فة ممكن اعرف صورة العيش المناسب الك حتى اكدر اجاوبك

[سعد الدليمي]

شكرا لمروركن اعزائي واخواني اول شئ اني عائله مو عزابي وعندي اطفال 2 اريد اعرف ولايه مناسبه للعيشه مايهم الجو بارد اوحار لان سمعت الولايات الشماليه البارده تكون للعمل افضل بهوايه مثل ماتفضل الاخ(ابو الين) المحترم بس ممكن ابو الين عزيزي تخبرني كم ولايه وتكتبهن بلا زحمة عليك حتى اسوي بحث عليهن بالنت من حيث العمل والاجواء والمساعدات. سلمت يداك انت والاخ رامي طبعا مشتركين بالموظوع ولكم الحديث معا طبعا. اخوكم سعد الدليمي. تركيا

[أبو توفي]

السلام عليكم ورحمة الله وبركاته
يابه اني سوف اسرد لكم ما يدور في داخل اخونه الورده ابو سيف الذهب ...هو لا يريد ان يعيش على المساعدات ويكون انسان كسول الفكرة بالمساعدات هو انه انت تبحث عن ولاية توجد بها المساعدات على امد بعيد لكي تبحث عن العمل الذي يوافق طموحك وانا اقصد طموحك لا اريد ان افهم من كلامي يعين مدير او مسؤول بمكان لا بل بعمل يكون هو صاحب القرار وليس الوضع العام الذي يفرضه عليه ان يقبل بأي عمل هذا يعود للشخص نفسه كل انسان ويعرف قدراته وامكانياته وهو الذي سيرسم مستقبله وكيفما يكون وانا من مؤيدي مثل هكذا افكار حتى لا نجبر انفسنا بمكان ممكن التغير ليس صعباً جداً، لكن عندما تتأقلم ممكن يصبح عندك ضجر من التغيير فتضطر ان تبقى كما انت بسبب الاختيار منذ البداية اما اذا توجد امامك عدة خيرات اكيد سوف تفكر افضل وتخرج بنتائج افضل لك ولعائلتك ..
يمكن الشاب اذا خرج وحده يمكن لا فرق عنده بالبداية كيفما يكون عمله لكن وهذه وجهة نظري صاحب العائلة يفكر ألف مرة من اجل استقرار العائلة والعيش بصورة افضل وهذا لا يعني الشاب لا يفكر مثل المتزوج بالعكس ولا انصح عليها بذلك لان يجب ان نحترم الزمن وخصوصاً هذه الايام الزمن يمر بسرعة لكن الشاب يكون مرتاح لعدم وجود (( علاكه ))ههههه في رقبته بالبداية فيكون بوضع افضل من صاحب العائلة وان شاء الله ربي ايوفقك يا ابو سيف الغالي وربي يعطيك على نيتك بكل الخير وبجميع اشكاله ولك مني كل الود والاحترام والتقدير يا ابن يلدي الغالي



                أخوك أبو توفي

[سعد الدليمي]

كل الهلا ابو توفي كفيت ووفيت بالتحدث عني واوصلت الفكرة اللي انا ناوي اوصلها للمقابل لك مني كل التحيه والتقدير.
اخوك سعد الدليمي

[Hasan&Yaseen]

اخي العزيز بما انه عندك اطفال فما انصحك بالولايات الشمالية لان البرد قارس ومؤذي يعني  توصل ل 20 c  تحت الصفر لو تحبسهم الشته كله بالبيت لان الامراض الرئوية الخطرة تنتشر بهاي الفترة والاطفال ميتحملون . انصحك اتشوف ولاية بالوسط يعني لا حارة مثل العراق ولا الشتة كلة صقيع 

[Sala Ahmed]

تكساس (دلاس, اوستن, سان انتونيو), كلرادو, فرجينيا, جورجيا ,كنساس............

[rami alkhafaji]

السلام عليكم حبي سعد 
شوف اني رح اكولك وجهة نضري   الشخص او العائلة لمن يجي لا اميركا المفروض اخر شي ايفكر بية هوة الونسة ليش ؟؟ لان هوة مجاي زيارة وراجع هوة جاي ديبني حياة جديدة هنا   وبمكان يختلف عن وطنا من السما للكع   الونسة موجودة  ومتروح 

نصيحتي لكل اعزب او مزوج المحطة الاولى الي المفروض ايفكر بيها حتى يبدي حياتة ويتعلم وميتعب زيادة  ويكلة الفرص الي ايريدها  ورخيصة  والجو عادي طبيعي جدا وشغل متوفر وحياة رخيصة هية 
تكساس هيوستن 
 بالموفقية يارب 

[سعد الدليمي]

شكرا لمروركم الجميل ونورتوني اخواني للاعزاء بتعليقاتكم الجميله واخ رامي كلامك عين الصواب والله وماقصرت ممنون جدا منك تحياتي لكم.

[سعد الدليمي]

اللي عنده مداخلات خل يتفضل

[awssss]

نعم اخي سعد مثل متفضل الاخ رامي تكساس افضل والعمل بها متوفر بكثرة ورخيصة مقارنة بباقي الولايات.والافضل العاصمة اوستن ثم-هيوستن-دالاس.احترامي

[سعد الدليمي]

والنعم منك اخ اوس بس كالوا تكساس حاره جدا وفيها عدد كبير من للعراقيين وفيها كثير مشاكل