المقابلةا لاولى في IOM ماهي وماذا بها؟

[الكندي المعذب]

السلام عليكم اخواني الاعزاء واخواتي العزيزات
ارجو ان تشرحولي ماهي المقابلة الاولى بال IOM ومع من ستكون وشنو نوعية وطبيعة الاسئلة التي سوف اسال عنها
اترجاكم ساعدوني
مع بالغ شكري و تقديري لكم

اخوكم احمد

[Auoob81]

الى الاخ المحترم تقديم بغداد لو عمان 

[الكندي المعذب]

عزيزي واخي ايوب اني تقديم عمان
ونورتني بدخولك للموضوع
تحياتي

[ضياع]

عفوا اخي بس انت جنت un وحولو اوراقك لل iom

لو تقديم مباشر لل iom

[الكندي المعذب]

عزيزي ضياع لا اني يو ان وتحول ملفي الى اي او ام

[ابن الصويرة]

السلام عليكم
اخي العزيز .. ارفقتلك ملف وورد يحتوي مجموعة اسئلة هي بالضبط ستسأل عنها في مقابلتك الاولى ... املأ المعلومات واحفظها وخصوصا التواريخ وبامكانك اخذ النسخة معك الى المقابلة الاولى..  لكن لايمكنك الاستعانة بها مستقبلا في مقابلة المحلف لذلك احفظ الفورما مطبوعة في حاسوبك فالانسان معرض للنسيان واختلاف الاقوال بين المقابلتين سيضعك باحراج امام المحلف.. تحياتي

[ضياع]

اخي يعني انت مثل ملفنة هسة تروح ان شاء الله فد ساعة ٨ الاربع انت هناك 

لان تنفتح الباب مرة وحدة والكل يدخلون راح ياخذولكم صور بلبداية وتكعد تنتضر

وراها يصيحوك انت وعائلتك يسالون زوجتك عن مراحل الدراسة من الابتدائية للجامعة واسماء المدارس كلها 

لازم تكون محضرتها وتذكرها بلظبط

ويسالوها على افراد اسرتها ووين ساكنين 

وراها تطلع زوجتك وتبقى حضرتك نفس الاسئلة مال جميع 

المقابلات يسالوها الك بتوسيع شوية 

حاول نذكر كل الكلام الي حجيتة قبل وبلمظبوط

وراها راح ياخذ منك عنوان الكفيل اذا عدكم ويكولك روحو واحنة نخابركم

بس خابر المنضمة مال ال iom واخذ رفم ملفك الجديد

علمود تراسلهم بعد عن طريق النت وتعرف ملفك ليوين واصل

تحياتي الك وشنو تحتاج اني بخدمتك

اختك ضياع

[الكندي المعذب]

تحياتي للاخت ضياع الوردة
تحياتي لكل اخواني اللي ما قصرو وخاصة اخًوي العزيز 
ابن الصويرة 
ربي يسهل امركم وامر الجميع ويسهل السفر يارب 
اخوكم احمد