حديثي عن تجربه عام كامل في امريكا
في البدايه الحمدلله على الوصول وان شاء الله جميع من ينتظر سفر الى المريكا يسهل امره
ابدء بالكلام عندما وصلنا الى الرض الاحلى وكان تاريخ السفر هوه 21\8\2013 سافرت من تركيا اسطنبول الى المانيا فرانك فورت او بعدين الى نيويورك او بعدين بتنه يوم او ليلى واحده في انيويور او غادرنه الى شيكاغو او بعدين الى ان يومكسيكو مدينه البو كركي الي اني حاليا بيه
طبعا البدايه كانت كولش صعبه لان الجود جديد او الغه غير الغه المهم قام بستقبالنا الكيس وركر الي مسؤل علينا او كان انسان حقير بمعنى الكلمه الي يتوقعه واحد شخص عراقي
المهم احنى كنى لى منظمه الكاثولك جرز هيه المسؤله علينه المهم وصلنى الى الشقه طبعن احنى عائله من خمس اولاد او اني او زوجتي
من وصلنا الى البيت بقينه في للبيت بدون ما نعرف اي احد في المدينه للعلم اني بدون كفيل بقيت اضرب اخماس اب اسداس بدون ما اعرف اي شخص او اتكلم معه اي شخص للعم كانو في الجه المقابيلي من المجمع عائله عراقييه بس حشاك احقر من الكيس وركر مالتي الله يغفر الهم ما ساعدونه حتى ابسؤال من تسئلهم ما يجاوبوك اليكول السؤال بفلوس والمشكله انو همه مو قديمين لا جايين قبلي اب 5 اشهر او ما يتحاجون ليش لحد هاي الحضه ما اعرف المهم
او كانت اكو عائلع عراقيين بالجه الي قيل ابنفس المجمع ولاكن قدماء قبلي اب سنتين المهم الله ينطيهم الصحه والعافيه همه وكفونه بس قبل ما اتعرف على هاي العائل الي بالجه القبل اني كنت امراسل شخص عن طريق المنتى عيكاوا نفسه الله يستر عليه ويخليه ويحفظه هذا الشخص وكفلي وكفه والله ما انساها لان هوه انسان اكثر من رائع او هوه معروف بالمنتدى اسمه صفاء الكرخي الف تحيا الى الاخ صفاء الغالي
في بدايه الحياة في امريكا صعبا والصعوبه بيه انو الامريكان مو ناس اجتماعيين مثل العراقيين الي متعلمين على العشره والطبه والطلعه الامريكا كلمنه ملتهي ابنفسه او عيشته يعني اكو عمليين او اكو متشردين
المهم ضليت اراجع المنظمه او دخلت دروس الغه الانكليزي او حولوني على برنامج الولفر الي يدفعلي كاش مني او الفود استام الي يدفعلي الاكل الي بيه تقريبا اسد الايجار او الاكل كانت الحيات تقريبا صعبا لاكن سرعان ما مشت الامور شيئا فشيأ او اشتغلت اول شغله في شهر 12 يعني ابنهايه السنه عندما كملت كل اوراقي من اسوشل او هويات العمل الى اخ
طبعا هاي الشغله الي اشتغلت بيه شهر واحد بس لان اصادف ويه الاعياد الكرسمس لان كانو يحتاجون عمال اهوايه او احنه صرنه بيه المهم كانت وقتيه ااشغلت اني او زوجتي المهم كان الاعمل مو طويل ولاكن لمينه كم فلس او بعدين انتهت السنه او انتهى العمل رجعت الى المربع الاول الي هوه بدون عمل بقيت اروح الى الدراسه من اجل التعلم الغه الانكليزيا او الماهد الحد ما كان اكو شخص عراقي يشتغل بالمطار الله يوفقه لكالي شغله بالمطار ابشكره مال مطاعم المهم الحمدلله اشتغلت بيه لاكن كان العمل يادوب يسد الايجار الي هوه 818 $ بالشهر او اني يادوب اشتغل 1000$ بالشهر طبعن الولفر ما كطع عني المساعدا لطيلت اربع اشهر ليش ما كنت اعلم للعلم اني بلغتهم اوره اربع اشهر دزو عليه او كالولي انته جاي تشتغل كلتلهم اي اني اعمل او اني بالغت من اول يوم اني اشتغلت بيه فظلو مندهشين انو اني ابلغ ما كانت عدهم اي فكرهاو كلتلهم اني كل شهر ابلغ او اسلم الجكات مالتي فظل الموضف صافن لان اني كانت كل الاوراق الي امسلمه للولفر موجوده عندي من دورو بالملف مالتي لكوني امسلم اوراقي بالكامل او ملتزم بلتبليغ عن اي مستجد كالي صار عدنه خطء او كان هذا الخطء من جانبك المهم ما اطول عليكم قللو عليه المساعدات الي اني كنت اخذه الى اقل من النص اسويت اختصرته او لغيته كله ابيوم الي اني لغيت المساعدات يا سبحان الله اني كنت امقدم على بيت مال الحكومه للي قليل الدخل اتصلو بيه انو انته على السره يردون كافت التفاصيل العمل مالتي او او اوراقي او رحت كملت اوراقي او جيب اودي او روح او تعال استلمت البيت الي مدعوم من الحكومه او صار ايجاري من 818 دولار بالشهر الى 267 دولار بالشهر الحمد لله صارلي تقريبا شهرين ابهذا البيت والله بدت حياتي تستقر شيئا فشئ
الحمللد اولادي الكل في المدرسه لاكن رجعوهم الى الصف التاسع او حاليا همه في الصف العاشر والصغير في الصف الثامن وبداو بالتاقلم معه المجتمع والدراسه
اخوان امريكا جميله او ابنفس الوقت صعبا للي ما يبحث عن عمل العمل في امريكا يحدد مستقبلك او طريقك في الاتجاه الصحيح او نصيحه الى الاخوه الي بعدهم ما واصلين خلي يتعلمون الغه الانكليزي حتلو كلمات بصيطه تره والله اتفيد او نصيحه للاخوه انو لا يعتمدون على المساعدات لفتره طويله او يخلي المساعدات اساسيه عنه لا خلي يخليه وسيله مساعده الحد ما يلكه عمل او بعدين يلغيه لان هيه مزعجه اصلا
او حبيت اضيف انو اني املك سيارتين في امريكا وحده اليه اوحد الزوجتي طبعا اشتريناهن وحده اول ما اجيت او الثانيه قبل فتره الحد ما اتحسنت اموري
او اني حاليا اني او عائلتي بالبيت او قررت ان اكتب خلاصت سنه كامله في امريكا
بس حبيت اقرب الفكره الكم ان شاء الله يسهل امركم وتخلصون من الانتظار او تجون تبدون حياتكم من جديد لان امركا بيه اهواي فرص حسب ما جاي اشوفه او اسمعه من العراقيين الموجودين يمنه او الي يملك بانزين خانه او الي يملك محلات عربيه او الي يملك معارض سيارات او محلات فيتريه او الى اخ
او اغلب العراقيين يملكون بيوت جميله احلى من الي بغداد بس السؤال هل هاي المحلات او البانزين خانه او البيوت اجتي من عدم العمل الجواب لا الكل ملتهي بالشغل اول شي الشغل او بعدين الراسه امريكا هاي نضامه يقدسون العمل بس يعني ما تلكه عراقيين صارلهم اكثر من عشرات السنين او كلشي ما عدهم اي موجودين او بكثره لان همه الي يردون يعيشون هاي العيشه
سلامي على المنتدى الرائع بوجه العموم وكروب تركيا بوجه الخصوص لان كان هذا البيت مالتي
اخوان اعذروني اجه العشا
اخوكم احمد نومكسيكو
