محتاج مساعدة ؟

[samer87]

السلام عليكم
اول شي اني دخلت امريكا بفيزا سياحية وهسة دخلت لامريكا . فسؤالي اكدر اقدم على لجوء واني اقدر اقدم قضية لان تعرضت للخطف ؟
شنو اجراءات اللجوء ؟
واذا تزوجت بامريكا والبنت عدهة جنسية امريكا ؟ شنو الاجراء واني احصل على اقامة او كرين كارد ؟
اي وحدة بيهن اضمن وشكد الفترة محتاج لكل وحدة ؟ مع العلم الفيزا السياحية عندي سنة ؟
الرجاء المساعدة
واشكركم

[Medo78]

الزواج أسرع وأضمن لأن موضوع الاسايلم ياخذ  مصاريف محامي وفترة طويلة وفي حالة الرفض تحول للمحكمة وفي حالة القبول هم لازم تنتظر سنة حتى تحصل الكرين كارد .. أتزوج أحسن وأضرب عصفورين بحجر واحد هم تكمل نص دينك وهم تاخذ كرين كارد بأقل من 3 أشهر بالتوفيق
ا

[samer87]

زين اخوي اني اشكرك بس شنو اجراءات الزواج وشغلة الاسايلم شكد يعني تطول .

[abosaef]

اخي العزيز مبروك الوصول وبالتوفيق
لدي صديقي قبل ايام رجع للعراق ونفس سالفتك بالضبك وسوة شغلتين هم وكل محامي وهم راد يتزوج
لكن مشكلة صديقي هو انسان جدا عاطفي ومتعلق باهله وماكدر على الغربة فرجع بدون ميكلي لأن يدري مراح اخلي وهسه يكول مراتاح حسب كلامة ؟؟؟؟المهم سالفتنه ومربط الفرس
اخي من خلال تجربته 
اولا بالنسبة للمحامي عندما تقدم تحتاج من 6 اشهر الى سنة للحصول على قرار مبدئي من قبل الهجرة وتطول المعاملة لفترة اكبر كل هذه المدة تعيش على نفقتك الخاصة وتصرف فلوس كلش هواي ومايحقلك تشتغل اله ورة 6اشهر المحامي يقدملك ورقة عمل واقامتك تتجدد مجرد ان يقدم ملفك للهجرة
ثانيا/موضوع الزواج طبعاً هو الاسرع والارجح لكونك تحصل على الاقامة خلال ثلاث اشهر وحتى موضوع العقد والمحكمة كلهه بسيطة مجرد تاخذ موعد وظروري تعقد يجامع يم شيخ ومخول من الحكومة تاخذ ورقة الشيخ للمحكمة لأن معترف بيهه وتفيدك لكي لايشكوا بأمرك؟؟؟؟
لكن انا لدي ملاحظة بسيطة على الزواج اخي انت راح تصرف هواية فلوس فأنا من وجهة نظري خلي يصير زواجك من انسانة  تستمر معها مو زواج منفعة يعني مو ورة الاقامة وتعوفهه شوفلك بنت حلال وياريت تكون من عوائلنه العراقية هم تستر عليهه وهيه في الغربة وهم انته ترتاح وتكمل طريقك ورب العالمين يوفقك اكيد
صديقي راد يتزوج وحدة بفلوس واتفقوا واني ماخليته كتله صعبه وراح تخسر ومنو يكول مراح تقفص عليك بعدين وضلينه ندور بنت حلال والكينه هواي بس المشكلة هوه ماكدر يقاوم الغربة
هذا ملخص سريع عسى ان تستفيد منه وتقرء مابين الاسطر؟؟؟؟؟
ابوسيف/تركيا

[Medo78]

حبيبي كل المعلومات متوفرة اون لان ادخل على us-immigration.com وابحث عن Green Card Through Marriage Application وراح تشوف كل التفاصيل
بالنسبة للاسايلم فلازم تشوفلك محامي شاطر متخصص بلجوء العراقيين

[samer87]

شكرا اخي لا بالعكس اني زواجي من بنت عراقية . وبالعكس اهلي كلهم ساكنين ومستقرين هنا واني اشكركم على المعلومات المفيدة