ياجماعة الخير العمل بامريكا شنو اخبارة يعني اكو شغل لولا عمري 40 سنة ارجو مساعدة اهل الخبرة الاصلاء

[احمدابوزينب]

اخواني الاعزاء العمل والعمر هم الة علاقة اني عمري 40 سنة اكو عمل لو لا الهيج عمر يعني اتورط لو اتوكل على الله تعالى .

[أبو توفي]

السلام عليكم ورحمة الله وبركاته
حبيبي ابو زنوبه يابه اي دخلي الله ايسر علينه بالوصول بالسلامه وبعدين انتو الشياب فكرو بالشغل هههههههه ...حبيبي الغالي يعني كلي هل تعرف السياقه توجد شغله جداً سهله بالنسبة للاعمار الكبيرة هاي شغلة اجتني واني كاعد ارد على سؤلك... واقولها بصراحة لك الذي متعلم حياته على العمل وعنده عقل لا يقف عن التفكير فصدقني سوف تخلق الشغل من تحت الارض لكن يا ابو زنوبه وحاشاك اذا انت بالعراقي (( خدجي )) والكلام ليس موجه لك فالامثال تضرب ولا تقاس فأنا اخاطب الجميع فأكيد اي شغله تحصلها سوف لن تعجبك وانت منذ البداية وضعت مسألة العمر وللعلم ابو زنوبه عمر الاربعين هو في قمة الشباب فلا تضع العمر عائق لاي عمل مستقبلاً ومثل ما بدات (( خلي نوصل ابو زنوبه وبعدين انفكر ماذا نشتغل )) وتقبل احتراماتي وتقديري العالي لجنابك الكريم



              أخوك أبو توفي

[Auoob81]

مرحبا اخوية ابو توفي الورد سويتا شياب  اني عمري دخلت 45 سنة  واشرب  جكاير  ونركض اني وياك  شو ياهو اللي يغلب  ونسبح بالبحر ونشوف ياهو   اللي يتعب  وسلامي لجميع الاخوة والاخوات  شويه طلعت عن طريق الهجرة واللجوء  وشكرا

[احمدابوزينب]

شرفتني اخي العزيز ابو توفي بس الجماعة خوفوني كالوا هيج اعمار محد ايشغلهم وصعدوا الضغط عدي وحسسوني اني شايب هههههههههههه ياريت اكو واحد ابو خبرة عايش بامريكا اسولفنة اكو هيج حجي لو لا .شرفتني اخوية ابو توفي . 

[احمدابوزينب]

عاش حلكك اخي ايوب 81  ههههههههههههههههههههههه

[snono32]

والله ابو زينب اني هم عندي نفس الخوفة اكول خاف ما الكي شغل علما انت اصغر مني بالعمر اني طبيت بعمر 48 سنة ...... ربي يسرها علينا ان شاء الله

[abosaef]

هذا خوش سوال مجنت حاسبلة حساب ؟؟؟
ابوتوفي اني من المؤسسين الاوائل للخدة والخدر وهسه نبهني ابو زنوبة شلون ؟؟؟
يعني خلي الاخوان يلكونه حل بالنسبة للشياب من 40 سنة فما فوق وين يرحون وشنو يشتغلون
والله خلص العمر بالانتظار يعني اني عله ما اخذ الجنسية يصير عمري 47 حته مالحك افرح بيهه واحتمال اموت وممحصل بس الكرين كارت والله قهر ياربي
ابوزنوبه هسه وكتهه مو اني جنت مغلس عله السالفه
وملاحظة بسيطة للاخ ابوتوفي بالنسبة العمر الاربعين بحساب الدول الاوربية يعني بداية الشباب بس بحساب العراق يعني شايب لأن الضيم والقهر ينضرب في 2 يعني ابو ال 40 يطلع 80 
تحياتي لكم
عمكم الشايب ابوسيف/تركيا

[abosaef]

هلا هلا والله بينو الشياب الي بالمنتدى منوررررررررين

[steven_siv]

هههههه حلوة هاي مال ال 40
عمي الامريكان هنا بل 60 يدور زواج
ال 40 قمة الشباب ابو الحب
وماكو اي تخوف من العمر هنا
اهم شي اذا الواحد يعرف يحجي او لا هذا ياثر
والصنعه اهم شي هم
اذا عندك صنعه الامور تمام

[Auoob81]

هسة ا ني طبيت ب45  وانتظر  10 سنين اللخ  واكول ماكو مشكلة  ولا اضوج  واريد اقوي معنوياتكم  لان شون ماتحسبها ازمة واتعدي بس اذا واحد مايكدر عالغربة  افضل لايكمل المشوار لان راح يبقى بنفس التفكير وما راح يكدر يغير والتجربة الاولى هي تركيا اذا كدر  سيطر  باعتبار نجح 

[أبو توفي]

السلام عليكم ورحمة الله وبركاته
يابه اولاً ارد على صاحب الموضوع لان الظاهر أخوانا الشياب صارت عدهم حساسية ورأساً الربع كله كامت اتعلق وأحنه نترخص من الادارة الموقرة بهذه المداخلة والمفروض نطلع على الدردشة ونتكلم براحتنه ولا ايزعلون أخوانا الشياب خلونه انسويلكم كروب الشياب وهم بالاصل قمة الشباب ...
أخي العزيز الغالي أبو سيوف الورة مو اني وضحت من خلال مشاركتي انه عمر الاربعين سنة هو قمة الشباب والعمل في أميركا عليه فقط نطلب من الله أنه نخرج دفعه واحدة ونؤسس في عين كاوا الراقي كروب للشياب والذين يتحرجون بالعمل بسبب اعمارهم في أميركا ...هناك لا يوجد عمر محدد للعمل مع احترامي لاصحاب الاعمار الكبيرة لكن العمل هناك متعة لقضاء الوقت ممكن سوف نلاقي صعوبة في بادىء الامر بسبب الوضع العراقي الذي جعل همنا هو كيف نحافظ على العائلة وكيف نؤمن مستقبل الاطفال ووووو ...لكن وانا متأكد اته مجرد ان نصل بألف سلامه جميعنا ونستقر سوف نجد الشياب وابداعاتهم لاننا ابناء الرافدين وعقولنا تزن بلدان فأخوتي الشباب ابو زنوبة الوردة واخي وحبيبي الغالي أبو سيوف الراقي وحبيبي الغالي استاذ ايوب الراقي والاخ سنونو32 والاخ العزيزستيفن كلكم بكم البركة والشباب الواعي ونحن جميعاً كسلسلة نكمل بعضنا الاخر ولا احد يفكر فأن لها مدبر اسمه الكريم وأرحم الراحمين وهو الرزاق المتين ...
وأعتذر مرة اخرى من الادارة الموقرة لهذه المداخلة لكي نلطف الاجواء على أخوتنا واخواننا اللاجئين وكل عام والجميع بألف خير وسلامة وصحة دائمة ومباركة بأعماركم جميعاً



               أخوكم أبو توفي

[*Ray]

الاخ ابو زينب وابوسيف

طبعا كلام الاخ ابو ليونا مضبوط اكيد
الاعمال الي اني شفتهه للناس الي اعمارهم بالاربعينات  هي اول شي سواق بالمطار او ع العربات الي بي او الي يوصلون من بوابه الى بوابه للمطارات الكبيره
  واعمال الكاشير بالمحلات العربيه وغيرهه او بالكاز ستيشن  او بالمعامل في حاله وجود معامل بالمدينه مثل معامل الابواب والالمنيوم والخشب او الكيك  او الدجاج
 او في  فني تبريد  او كهرباء بالفنادق  او سيكيورتي  او بتنظيف السجاد بالشركات بعد انتهاء اوقات الدوام الرسمي
او سائق لتوصيل الاثاث   
او في غسل السيارات  او يسوي تقارير في حاله كونه عنده امراض ويطلع اله راتب وما يشتغل  او ما يشتغل لان يجي وارد شهري من العراق او اذا لغته ضعيفه يشتغل بالمطاعم
او اذا لغته جيده يشتغل مترجم مع العوائل العراقيه  لقاء مبلغ   
هاي جزء من الاعمال الي شفتهه لهكذا اعمار 

اختكم راي

[abosaef]

الاخ ابو زينب وابوسيف

طبعا كلام الاخ ابو ليونا مضبوط اكيد
الاعمال الي اني شفتهه للناس الي اعمارهم بالاربعينات  هي اول شي سواق بالمطار او ع العربات الي بي او الي يوصلون من بوابه الى بوابه للمطارات الكبيره
  واعمال الكاشير بالمحلات العربيه وغيرهه او بالكاز ستيشن  او بالمعامل في حاله وجود معامل بالمدينه مثل معامل الابواب والالمنيوم والخشب او الكيك  او الدجاج
 او في  فني تبريد  او كهرباء بالفنادق  او سيكيورتي  او بتنظيف السجاد بالشركات بعد انتهاء اوقات الدوام الرسمي
او سائق لتوصيل الاثاث   
او في غسل السيارات  او يسوي تقارير في حاله كونه عنده امراض ويطلع اله راتب وما يشتغل  او ما يشتغل لان يجي وارد شهري من العراق او اذا لغته ضعيفه يشتغل بالمطاعم
او اذا لغته جيده يشتغل مترجم مع العوائل العراقيه  لقاء مبلغ   
هاي جزء من الاعمال الي شفتهه لهكذا اعمار 

اختكم راي

السالفة موزينة ادري بروحي راح ابيع( حب جكاير علج) ....بس ميخالف غير كون نطلع ونخلص والله تعبت كلش ربي فرجهه
منورة [/b]راي شكراً للمداخلة

[تفرج]

شرفتني اخي العزيز ابو توفي بس الجماعة خوفوني كالوا هيج اعمار محد ايشغلهم وصعدوا الضغط عدي وحسسوني اني شايب هههههههههههه ياريت اكو واحد ابو خبرة عايش بامريكا اسولفنة اكو هيج حجي لو لا .شرفتني اخوية ابو توفي .

اخوية الرزق على الله واكو شغل حتى لو 50 واكو 70 وعدهم تقاعد ويشتغلون يامعود توكل على الله وروح هسة انت شخسران توصل بالسلامة وخير ان شاء الله

[احمدابوزينب]

اي والله برتوا قلبي الله يبرد كلوبكم او بس نوصل بالسلامة ادور عل شغل او اكلة اكل هههههههههههه نورتوني احبابي ابو توفي وابو سيف وري وايوب ورماد العمر وتفرج

[موزارت]

الله ينطيكم الصحة والعافية
بالنسبة للعمر ماكو اي قانون يحدد عمر معين للعمل
ويانا ناس بال 65 ويشتغلون ويمكن اكبر من هالعمر همين
بس شدو حيلكم باللغة هاي اولا وثانيا حاولو تختارون ولاية بيها شغل مو ترحون كاليفورنيا اللي الامريكان نفسهم ميكدرون يعيشون بيها
والرزق على الله اولا واخيرا
اللي دا اشوفه هنا ان اللي عنده صنعة محترف بيها اموره تصير جدا تمام مثلا نجار او خلفة او فني تكييف او اي شي من الاختصاصات الحرفية والمهنية
اللي مشلوع قلبه هما الدكاترة والمهندسين
اللي عنده خبرة ولو بسيطة بالحاسبات انصحه يطور نفسه باي شكل ويدخل دورات ويصرف عليها لان تستحق وتستاهل وممكن يلكا شغل مرتب مباشرة
يمكن اغلى دورة بالحاسبات بعمان متكلف 500 دولار بينما هنا تكلف 4000 اقل شي

[espero]

اول شي انت من توصل هنا وتشم هوى امريكا النقي ترجع خمس سنين ...وراها من تشوف المعامله والاحترام ترجع خمس سنبن لخ ..هاي صارت عشره ...ومن تشوف الوجه الحسن ترجع عشرة مره وحده .....يعني ايصير عمرك عشرين سنه ........وين المشكله ؟؟؟!!!!!!!
عزيزي الشغل موجود ولكل الاعمار ..انا عمري سبعه واربعين واعمل فول تايم والف الحمد لله والشكر من يكون بالك مرتاح وبالشغل مرتاح صدكني متحس بتعب .... واكو ويانه شياب والله ايديهم ترجف ويدكون شغل من الصبح لليل ......واذا كلش كلش درب السيكيورتي موجود .......انت بس تعال والباقي سهل

[Auoob81]

ممنون على الايجابة  وحضرتك اكول بس تعال ليش بيدي لو بيدي احبي حبي 

[Air force]

السلام عليكم اخوتي الاعزاء احب اضيف لكلام اخوتي انو اني رحت لامريكا دراسة سنة 2010 ولكيت جماعتي الاطباء لان اني طبيب ومحصلين لجوء اهناك ديشتغلون في البنوك لو مساعدين للاطباء وبالنسبة للي مو طبيب فابسط شغلة عندهم اهناكة هي سائق تكسي واذا كتلي شلون واني واصل جديد وما اعرف الطرق ووين اروح واجي فاكولك انو عندهم شي يخلو بسيارات الاجرة اسمهة الجي بي اس فبس تدخل العنوان وهوة يطلعلك وين تروح ووين تجي واتمنى دعواتكم لان اني من رجعت للعراق قدمت علة IOM من 2011 ولحد هسة منتظر الفرج

[اسعد العراقي]

   شباب الله ينطيكم الصحة والعافية من ناحية الشغل ابدا لتشيلون ههم لان الرزاق موجود والي يرزقك بدوله مثل امريكا اكيد مراح يبخل عليك بالعيشة وهو اسمة الر زاق الكريم. بس لانه احنه مهمومين انحس انه اعمارنة. كبيرة وبعد مابينة فايدة لكن الله ايسهل على الجميع وتسافرون واول كم شهر خليها للاستجمام والراحة وبعدها نفسسيتك راح تستعدل وتجيب الشغل لويطير هههههههههه.تحياتي شباب