السلام عليكم جميعا طبعا اني من جماعة 2010 وسافرت يوم 20/09/2013 من عمان لمصر لنيويورك لمدينتي طبعا المدينة صغيرة وشغل بيها قليل بس اني اتصارعت وية الحياة هناك 6 اشهر بدون شغل عايش على المساعدات بعدها اشتغلت بمصنع بلاستك سكند شفت والصبح ادرس انكليزي لان الانكليزية مالتي زفت الحمد لله تركت الشغل بمصنع اشتغلت بمحل اسمة كرسمس تري بارت تايم واشتغل بمكان ثاني بارت تايم طبعا بواسطة الشغل اقدم ابلكيشن واحد من اصدقائي هناك ينطي باص لسوبر فايزر ويشغلني الحمدلله قدمت على الغرين كارد من شهر ووصلتني رسالة انواستلمو المعاملة منتظر بصمات الان عندي سيارة وكان عندي بيرمت وهسة اخذت الاجازة لان جنت مو قوي بس الحمد لله اتعلمت بوجد العراقيين جماعتنا شكد احجي وادعيلهم راح اكون مقصر وياهم طبعن العراقيين هنا سنة وشيعة وصابئة ومسيح وكراد كلهم متعاونيين وخاصة اخوانا جماعة رفحاء عدنا جامع كلش جبير يجمع من كل الطوائف وحتى الاديان الثانية هم تجي لان ماكو فرق بعض بس الشي الي كرهتةبمدينتي قلة الشغل والثلج الي يكرهك بامريكا وانشالله راح اغير ولاية بس راح اخسر الطيبيين الي هنا واي سؤال اني موجود مح تحياتي الكم والله يسهللكم وتجون هنا وتشفون الحياة الحلوة والاحترام من الدولة والشعب
