الى كل من يفكر برومانيا ... خلي يدخل ضروري ومنقول للفائده والله اعلم ...

[kosove84]

الموضوع منقول من صديق طلع من تركيا الى رومانيا عن طريق UN ويحب ينصح اخوانه وهذا الكلام نقلته للامانه ...

اخوان اني صاحب الموضوع أتمنى من الجميع الانتباه 
رومانيا جزاها الله خير قامت بما يلي 
اعطتنا راتب كل شخص 120 يورو لمدة 9 اشهر
طعام بمعدل 300 لي أي تقريبا اقل من 100 دولار بقليل لكل شخص بالشهر
وأجرت لنا سكن بمعدل 300 يورو للعائله يعني اجار الشقه 300 يورو لمدة سنه وبعد السنه يعطى نصف الاجار لمدة سنه أخرى
صرفت لنا مبالغ من اجل شراء الاجهزه الكهربائيه والمنزليه بمعدل 1000 دولار 
المهم 
العمل جدا ضعيف والأجور قليله جدا 300 يورو بالشهر اعلى شيء وطبعا هذا لايكفي لعيش حياة كريمه 
وطبعا 
والرعايه الصحيه معدومه محد بحال احد 
دولة ترهيب وتخويف الناس ويهددونا كلما قلنا ارجعونا الى تركيا بان يحجزونا ويرجعونا للعراق 
والوساخه في كل مكان اتكول بطوله اني ساكن ريحة المشروب والبول
الفساد لدرجه ماتصورها 
الفقر في كل مكان 
حقوق انسان معدومه 
المخابرات وكتابة التقارير فد شي كلش طبيعي عدهم بسبب خلفيتهم السياسيه 
يعني بين قوسين اتندمت ندم ماله اول ولا اخر
ولو حتى تطلع منا أراد تدخل اوربا كل 3 شهور لازم ترجع يعني هاي اذا ماحصلت عقد عمل 
واذا حصلت فمن حقك تبقى بالدوله التي تعمل فيها وطبعا متحصل عقد عمل لان ضريبه عليها وامور اهوايه منها يفضلون ابن البلد عليك
نصيحه من اخ الى اخوه ابلغ الاخوه العراقيين هنا لان بلغوني في الامس انه وضعو خط احمر على كل العراقيين القادمين من تركيا 

[iraqforme]

تسلم ايدك على المعلومة .. بس طالما همه هيج بشر ليش يقبلون اللاجئين ؟ اني هذا المعجبني ليش قبلو يفتحون الاستيطان عدهم

[ammar_k_ar]

مشكور اخي على هذه المعلومات القيمة وبصرتنا على مايجري

[kosove84]

تسلم ايدك على المعلومة .. بس طالما همه هيج بشر ليش يقبلون اللاجئين ؟ اني هذا المعجبني ليش قبلو يفتحون الاستيطان عدهم

ايديك السالمه ... وعلى راسي 

[kosove84]

مشكور اخي على هذه المعلومات القيمة وبصرتنا على مايجري

لا شكر على واجب وعلى راسي وهذه تكمله اليوم رسلها اليه ... والله على ما اقوله شهيد ..

اشكركم حبايبي على المشاركة ... واني للامانه نقلت الموضوع وهذه الرساله هم رسلها اليه البارحه لمن شاف نزلت الموضوع ...

ربي يباركم حيتاتكم ونبه كل عراقي على هاي الشغله لان اهنا كلنا انصبنا افايروس خاصة النساء وهذا كلام اتكلمه واني مسؤول امام الرب لان مالقحونا اول مادخلنا رومانيا وماوفرونا الخدمات الصحيه كالوا انتو فحصتوا بتركيا مابيكم شي واذا تريدون انوديكم للطبيب بس على حسابكم اضافه الى ان اثنين من اللاجئين في حاله خطره احدما حصوه في الكليه اجرى عمليه على حسابه لان نظامهم بيرقراطي جيب ورق وودي ورق والمريض ايموت والولد صاحب عائله وحالته بعد العمليه خطره والثاني بيه نزف بالمخ منعرف شبيه حتى الاطباء دايخه وعمليته 1500 يورو يكولون ماعدنا فلوس عمليه لان هاي اهوايه انتوا دفعوها 

[الصبر الجـميل]

بارك الله بك أخي الكريم على هذه النصيحة ولازم كل من يقرا هذا الموضوع ان ايسولفة للناس ويعلمهم به
بس سؤآل : لماذا يبقى الشخص بعد أن يرى وضع البلد سيء حتى يصبح فيها كالأسيرلايستطيع التحرك
أو التفكير في طريقة للخلاص؟؟قد يكون الجواب به فائدة مضافة للناس
                                               أبو روان

[abumustafa]

تحيه لصاحب الموضوع و مشكور عالمعلومات .. بس احب اضيف شغله.. بالنسبه الي عشت برومانيا سنه بس مو لجوء.. البلد جميل و امين  و الناس محترمين بس واقع الحال يكول انو اقتصادهم ضعيف  و ميكدرون ينطون مساعدات مثل بقية الدول بس مشكورين انو قبلوا يدخلون لاجئين لبلدهم و بالنتيجه المساعدات تعتبر افضل من امريكا اذا ينطون 300 يورو ايجار لمدة سنه و السنه الوراهه نصف المبلغ فهذا الشي محترم .. فاتصور مع كل الاحترام اماكو داعي ننسى شغله مهمه ان  كل دول اللجوء مشكورييين لان قبلوا يدخلون ناس غرباء عنهم و يوفرولهم الامن .. اتمنى من كل شخص يلجئ لبلد يفكر زين حتى ليتورط و بعدين يطلع العيب بالبلد .. تحياتي