عودة بعد غياب استفسار اخوتي الاحبه

[علي ابوالحسن]

السلام عليكم ورحمة الله وبركاته تحية طيبة لكل اعضاء المنتدى الاعزاء اني اسف للانقطاع الطويل والسبب انتو تعرفوه بعد ارجاعي من مطار اربيل والغاء موعد سفري ورجوعي الى بيتي بدون غراض والبيت هيكل اشلون يصير الحال وانتو تعرفون النفسية الزفت اشلون اتصير وقلت بعد ما اكتب اي موضوع الا بعد اخراج جوازات جديدة والحمد لله اول امس يوم الاربعاء الماضي استخرجت جوازات جديدة صادرة من اربيل بس المشكلة صارلي يومين دا ابعثهن للهجرة الدولية على الايميل مالتهم الي دائما انراسله تجيني ثاني يوم رسال انو الرسالة ماتوصل وهاي الرسالة مال ياهو
Hi. This is the qmail-send program at yahoo.com.
I'm afraid I wasn't able to deliver your message to the following addresses.
This is a permanent error; I've given up. Sorry it didn't work out.
<IC@iom.int>:
Connected to 212.203.71.109 but connection died. broken pipe (#4.4.2)
I'm not going to try again; this message has been in the queue too long.
--- Below this line is a copy of the message

فشنوا القصة متغير الايميل لو شنو مساعدة اخوتي اخوكم علي ابو الحسن الرجل العراقي سابقا

[اونزووو]

ممكن توضح ايميلك شنو ياهو ام جي ميل
واول مبارح اني بعثت الهم رسالة واجاني ربلي بعد يوم مو راسا
وعلى نفس البريد الي تعرفه
تحياتي

[علي ابوالحسن]

 اونزووو
شكرا الك اخي الحبيب ايميلي ياهو ودا ابعث على ايميلهم الي دائما نبعث عليه الرسائل ic@iom.int هل تغير ام ماذا

[اونزووو]

IC@iom.int
هذه ايميلهم نسخة نفسه ودزه وشغلة اخرى غير المتصفح مثلا جنت على الفاير فوكس غير على الكوكل كروم ولو يبدو انت على الكوكل كروم تشتغل اذا غيره على الفاير فوكس
وابعث والله يسهل
تحياتي

[‗_ღ الحائر ღ_‗]

واللة اني  اضاهر نفس شغلتك  هم دا اراسلهم  ونفس رسالتك تجيني  يعني مو بس اني وشنو الحل  اذا  نرسلت ولكيت الحل  جاوبنة   او شلون تنطينة خبر واللة يفرجهة عليك  

[iraqforme]

ياشباب تره المتصفح ماله علاقة اني عندي كوكل كروم وفاير فوكس والاثنين ادز منهم وماكو اي اشكال
اللي صار يجوز صار لود عل ايميل او مشكلة وانحلت انشالله.. جربو دزو باوقات متاخرة يكون ماكو ضغط
تحياتي

[علي ابوالحسن]

جزاكم الله خير الجزاء على الردود اني ان شاء الله راح ادزها على الفايرفوكس واشوف شنو الفلم بارك الله بيكم

[علي ابوالحسن]

اخواني غيرت على غير متصفح ونفس الشغلة هم يرجعلي خطأ اذا احد عنده حل خلي يكتبه واني ممنون منه اخوكم علي ابو الحسن

[سوق الشيوخ]

اخي الكريم
اني ارسلت نفس الرسالة 4 مرات
3 ما وصلت وواحده اجاني اوتو ريبلاي

[اونزووو]

اخوية اذا بقت نفس المشكله ادخل على اي رسالة مجاوبيك بيها الاي او ام سابقا واعمل بيها ربلي بس امسح مضمونها القديم وخلي كلامك الي تريده وجرب ويارييت تغير الحاسبة او شبكة النت تدزها من غير شبكة
تحياتي

[علي ابوالحسن]

الحمد لله اليوم مكتب الهجرة بعنكاوا يم نادي اكد الرياضي رحتله واستقبلني استقبال جيد جدا جزاه الله خير خابرت الموظف الي قابلنه بالمطار اسمه عبد الله اخ كردي وطيب وينحط بنص القلب من خابرته كلي هسه تجيني الساعة 2ظهرا اني بمكتب الهجرة الدولية بعينكاوا مقابل نادي اكد الرياضي خطية استقبلني استقبال جيد جدا وعلى السريع نسخ الجوازات وبعثهن عن طريق الايميل مالته الى عمان وخله بيه توصية وهسه خابرته كال والله دزيته والهجرة الدولية عمان هم وصت بملفك لان اني الفحص مالتي يصير اكسباير يوم 16-10-2014 وكال ان شاء الله تسافر قبل انتهاء هذا الموعد لان عدنه زخم بالسفر موطبيعي وهسه مقابلات جديدة ماكو اخوان بالعراق كال الموظفين اغلبيتها امسافرة والحمد لله على كل حال اخوكم علي ابو الحسن

[MUN]

اهلا بعودتك اخي العزيز
ومبروك عليك اصدار الجوازات
اخي انصحك ومع احترامي للاخ عبد الله انصحك بان ترسل الجوازات انت  بنفسك ...وحاول من اكثر من اميل (اقصد من جي ميل وياهو ميل وهوت ميل على ان ترسل الكيس نمبر الخاص بك)
واكثر من متصفح ...واكثر من وقت .... حتى وان بلغك الاخ عبد الله بان الجوازات وصلت ...قد لا سامح الله يحدث امر اخر خلال موعد السفر القادم ويعاد نفس الموضوع .... فيجب ان تتاكد بنفسك انت ....
واود منك اخي ان ترد على رسالتي الخاصة التي ارسلتها لك منذ اكثر من شهر ...

مع شكري وتقديري 
 

[علي ابوالحسن]

الحمد لله اخي الحبيب دزيتهن البارحة بالايميل مالتي وجاني الرد الاوتوربلي والحمد لله اليوم دزولي رساله كالوا ضفنه المستندات الجديدة على ملفك والحمد لله 

[طنةطنة]

بالتوفيق