نصيحه للي عدهم مقابلة محلفين /عمان

[abumustafa]

الاعزاء أعضاء المنتدى المحترمين. . احب انبه الاخوه اللي عدهم مقابلة محلفين بعمان الايام الجايه .. اكو مقابلتين وحده محلفين و الثانيه مثل التحقيق بالاخص جماعة iom تقديم مباشر .. و الحضه حلو يقابل محلفين بالبدايه .. لان المقابله الثانيه مقابلة يتاكدون بيهه من العمل من قبل ضابط تحقيق شغلته   اسلوبه و اسالته استفزازيه تخليك في شك دائم .. ارجو الانتباه اخوان و خليكم هادئين و  مبتسمين و حاولوا مهما كانت الاسئله استفزازيه لحد يتنرفز مثل مصار ويايه .. و ابسط شي يكلك اوراقك مزوره و سالنه عنك كالوا ماكو هيجي شخص و انتوا تخيلوا شيصير بالواحد.. ارجو التوفيق للجميع

[ابو هناوي]

رحم الله والديك حبيبي زين شنو تحقيق بعد

[الكندي المعذب]

الله يحفظك ابو مصطااااااااااااف الورد ممنونين منك يا غالي
وان شاء الله كلامك علىا لعين وعلى الراس
وناخذ بنصيحتك
الله يوفقك يارب وييسر لك حالك ويوم اللي تفرحنا بسفرك يارب

[al nasser]

اخي اني رحت سويت اعادة مقابلة وكانت اسئلة روتينية ومطولت المقابلة ونشاء الله وكالو خلال اسابيع نطيكم القرار والله كريم

[ضياع]

مشكور اخي على نصيحتك بس عندي سوال الحضرتك

انت من سويت البصمات ورة شكد حددولك موعد محلفين

واحنة تقديم un وحولونة iom هم نقابل مقابلتين لو بس محلفين

وشنو نوع الاسئلة الغريبة الي سألوها الحضرتك

وتمنياتي الحضرتك السفر السريع تحياتي