لم يبقى سوى 3 ايام لموعد السفر

[نصبر والله كريم]

بقى وقت قصير جدا لموعد السفر .. ارجو بعض التوضيحات من الاخوه الاعضاء حول الجنط .. حيث خط الرحله لي هو (بغداد-عمان )  ( عمان-شيكاغو) ( شيكاغو _ تكساس دالاس).... وقت الاقلاع ليلا والوصول ليلا ايضا ..  شوكت استلم الجنط وارجع اسلمها في كل رحله .. حيث اني لم اسافر قبل ولا اعرف سياقات المطارات .. طبعا اني بلغوني بمسموحيه حمل جنطتين لكل شخص لوزن 23 للجنطه الواحده مع هاند باك لكل شخص وزن 5 كيلو.. يعني راح نحمل 4 جنط + جنطتين هاندباك احنه نفرين 2 اني وزوجتي .. يعني ياريت بعض النصائح والارشادات من الاخوه المسافرين قبل ولديهم معلومات لتجنب الاخطاء في السفر ..

[ghassan_alabdi]

السلام عليكم . اخي العزيز الحقائب ستعطيها للخطوط الجوية في بغداد ولن تستلمها حتى تصل امريكا لذلك ان كان لديك طفل فاجتياجاته الانية ضعها في الهاند باك (حقيبة اليد) اي عطور او ادوات كهربائية عدا الحاسبة اتركها في الحقاب الكبيرة الادوية ان اخذت معك دعها في الحقائب الكبيرة عدا ما تحتاجه للظرورة ان كنت مريضا وعلى مقدار الرحلة .الاشياء الثمينة والاوراق والمستمسكات ضعها في حقيبة اليد خشية فقدان الحقيبة الكبيرة او تاخرها (تحصل نادرا) لكن افضل الاحتياط. لاتحتاج الى ان تاخذ معاك اي طعام لانه ممنوع والمسموح حتى لاتحتاجه. اشتري حقيبة صغيرة من التي توضع حول الخصر (رجال) وضعها في خصرك وضع فيها المال والجوازات حتى لا تنخبص حين اخراجها وادخالها كل مطار لغرض تاشير الترانزيت. ان كانت معدتك غير مستقرة او من النوع اللذي يشعر بالتوتر لاتاكل كثيرا خلال السفر (امجربها) .ضع شاحنة الموبايل في حقيبة اليد لانك تحتاجها .لاتترك حقائبك الهاند باك ابدا لوحدها في المطار (لان هذا ممنوع لاسباب امنية).ارتدي ملابس مريحة كتي شيرت وبنطرون جينز لان السفر سيكون لساعات طويلة وان امكن خذ واحدا اخر في حقيبة اليد كي تغير التي شيرت ان احتجت .خذ قلما جاف لانك ستحتاجه . ورحلة موفقة وارجوا ان يفيدك باقي الاخوة

[نصبر والله كريم]

تسلم اخويه على الرد .. بس متأكد يعني من اسلمها بمطار بغداد مراح اخذها بمطار عمان .. لان سفرتي بالليل من بغداد لعمان واوصل بنصالليل وراح نبات بفندق للصبح .. بهاي الحاله الجنط هي تروح للطياره الثانيه .. مو اني تره ما مسافر وما اريد خربطات بالرحله مالتي لان عدنا اربع جنط

[ghassan_alabdi]

اخي اولا موظف ال IOM موجودج بعمان وراح يستقبلكم وتكدر تتاكد منه .ثانيا اذا رحلتك من الاردن الى امريكا بنفس الخطوط الاردنية فاكيد متاخذهن بس من توصل راح ياخذكم موظف المنظمة للكاونتر حتى تاخذون التكتات الجديدة وتاشرون مناك وهو الموظف راح يحول الحقائب الكترونيا 

[نصبر والله كريم]

ياريت المزيد من المشاركه من اصحاب الخبره بهذا الموضوع واني ذاكر بالتفصيل تفاصيل الرحله .. بالمناسبه  RJ ْْXXX هو خط الرحله من بغداد لعمان .. وال RJ ْXXX ايضا من عمان لشيكاغو 

[ابو الامراء]

ان شاء الله توصل بالسلامه

[abdualrahman.hussian]

السلام عليكم اخوية 
طبعا اني بعدني ممسافر لاميركا بس مسافر هواية واغلب سفري يكون بي ترانزيت وانام بالفندق يوم فاخوية لاتخاف جنطك تسلمهم بمطار بغداد وتستلم الجنط باميركا يعني دائما هيج يكون الترانزيت
ونشالله يارب توصل بالسلامة  

[متفائل جدا]

يا رب توصل بالسلامة وبالتوفيق اخي العزيز

[نصبر والله كريم]

الله يسلمكم ويحفظكم اخواني 

[URAL16]

اخي العزيز انشاء اللة توصل بالف سلامة ...
مثل ما تفضلوا الاخوة مشكورين بينوا لحظرتك كل المطلوب ولكن انا انصح قبل لتسلم الجنط الكبيرة اخذ معك بلاستر صمغ شفاف العريض
ولف الجنطة بالعرض كم لفة وارجع لفها بالطول  وكذلك اعمل مع الجنطة الثانية طبعا بعد انتهاء التفتيش وهذا يحافض على الجنط اثناء النقل وكتب عليها عنوانك او عنوان صديق عايش في امريكا قريب عليك وخلية في باج شفاف بمكان واضح في الجنطة خوفا من ان تفقدها حتى خدمات المطار يتصلون عليك وهذا نادرا ما يحدث مثل مشار الاخ الفاظل ..
التزم بتعليمات موضف iom واحفض المواعيد زين او سجلهن بدفتر زغير اخذة وياك . تكتات الرحلة بيها ارقام ورمز اعرف رقم الستيج داخل الطائرة ورمزة a b c وهكذا حسب نوع الطائرة واذا تكدر اشتري من مطار عمان او من بغدلد  مخدة مثل الهلال توضع خلف العنق اثناء السفر للحفاض على الرقبة من الالم اثناء الرحلة لان اكيد اتنام واعتذر من الاخوة وتكرمون احبائي انزع حذائك اثناء السفر للمحافظة على سريان الدم للقدمين ... ونسيت شغلة خلي فد شيء مميز بالجنطة يعني تعرفهن بسرعة شريط مدالية على اليدة مالتة حتى من توصل للمطار الامريكي تعرفهن اثناء المرور على القايش اتمنا اكون اضفت قليلا لحظرتك
يارب السفر الجميع
وسلامي للجميع ويوم السفر للكل

[نصبر والله كريم]

اخي العزيز انشاء اللة توصل بالف سلامة ...
مثل ما تفضلوا الاخوة مشكورين بينوا لحظرتك كل المطلوب ولكن انا انصح قبل لتسلم الجنط الكبيرة اخذ معك بلاستر صمغ شفاف العريض
ولف الجنطة بالعرض كم لفة وارجع لفها بالطول  وكذلك اعمل مع الجنطة الثانية طبعا بعد انتهاء التفتيش وهذا يحافض على الجنط اثناء النقل وكتب عليها عنوانك او عنوان صديق عايش في امريكا قريب عليك وخلية في باج شفاف بمكان واضح في الجنطة خوفا من ان تفقدها حتى خدمات المطار يتصلون عليك وهذا نادرا ما يحدث مثل مشار الاخ الفاظل ..
التزم بتعليمات موضف iom واحفض المواعيد زين او سجلهن بدفتر زغير اخذة وياك . تكتات الرحلة بيها ارقام ورمز اعرف رقم الستيج داخل الطائرة ورمزة a b c وهكذا حسب نوع الطائرة واذا تكدر اشتري من مطار عمان او من بغدلد  مخدة مثل الهلال توضع خلف العنق اثناء السفر للحفاض على الرقبة من الالم اثناء الرحلة لان اكيد اتنام واعتذر من الاخوة وتكرمون احبائي انزع حذائك اثناء السفر للمحافظة على سريان الدم للقدمين ... ونسيت شغلة خلي فد شيء مميز بالجنطة يعني تعرفهن بسرعة شريط مدالية على اليدة مالتة حتى من توصل للمطار الامريكي تعرفهن اثناء المرور على القايش اتمنا اكون اضفت قليلا لحظرتك
يارب السفر الجميع
وسلامي للجميع ويوم السفر للكل

ممنون منك اخويه العزيز على الشرح الواضج ولله وفيت وكفيت 

[star-x]

السلام عليكم كالولي تسافر من اربيل شلون اني اروح لو همه يسفروني من بغداد ل اربيل اذا احد يعرف تفاصيل بهل الموضوع يساعدني شكر