اخوان مساعدتكم رحمة لوالديكم

[apolo]

السلام عليكم اخواني قابلت يوم 24-8 محلفين بعمان ولحد هسة ماخابروني على فحص طبي واستلام النتيجة يوم 12-10 وهواية ناس دااسالهم يكلولي الي يخابرون عليه على فحص طبي بعد مقابلة المحلف يعني موافقين عليه مبدئيا والي مامخابرين عليه يكعد يلطم على حالة صدك هذا الحجي راح اتخبل

[ضياع]

لا اخي خلي املك ب رب العالمين كبير

لان احتمال اكو ثغرات بملفك ديدرسوها او اذا كنت خادم عسكرية او مسافر قبل الاوربا


وديبحوشون عن السوابق ويسالون لان الي وياك يجوز ملفاتهم سهلة واندرست بسرعة

ف ليظل بالك يارب يتصلون بيك ب اقرب وقت ويحددولك موعد وتسافر ب اقرب وقت بس صلي واكثر من الدعاء 

وربي يسهل اموورك

بس اخي سوال ولو خارج الموضوع من رحت قابلت محلفين ناخذ اطفالنة ويانة مثل جوة عمر السنتين لو بس اني وزوجي نروح

وتحياتي الك وربي يوفقك

اختك ضياع

[ابو الامراء]

ان شاء الله يتصلون بك قريبا واصبر كما صبرت سابقا لتنال المقابلات 

[iraqforme]

عن اذن الاخ ابولو اني اجاوب الاخ ضياع
قلبي تاخذ كل افراد اسرتك حتى لو طفل عمرة اسبوع  لان هذا الشي صار وياية بنتي عمرها شهر واخذتها وياية والهدف من هذا الشي حتى يتأكدون بوجود جميع افراد الاسرة ماكو احد متخلف عن المقابلة او لاسامح الله بي شي وانتو ضامين الخبر
تحياتي لك

[apolo]

الاخت ضياع المحترمة نعم يجب حظور جميع الافراد ومن ظمنهم الاطفال حتى لو كانو رضع وانا جلبت بناتي التوءام وعمرهم ٦ اشهر وشافهم المحلف بعينة

[ضياع]

شكراً الكم على الرد وشكراً لصاحب الموضوع على رحابة صدره واستقبال سؤالي

ومشكور على الاجابة وربي يوفقك ويتصلون بيك بـ اقرب وقت

[ابو شموسه]

السلام عليكم اخواني قابلت يوم 24-8 محلفين بعمان ولحد هسة ماخابروني على فحص طبي واستلام النتيجة يوم 12-10 وهواية ناس دااسالهم يكلولي الي يخابرون عليه على فحص طبي بعد مقابلة المحلف يعني موافقين عليه مبدئيا والي مامخابرين عليه يكعد يلطم على حالة صدك هذا الحجي راح اتخبل

 الى الأخ المحترم ( apolo ) , تحيه طيبه .. اخي العزيز , بعد مشيأة الله عز وجل , سوف ابسط لك الموضوع ببعض الشرح , اخي الكريم , من بوادر قبول المحلف بموافقه مشروطه بالتجييك الأمني ,هي الحالات التاليه ,  فبعد المقابله , يمكنك متابعة حقل حالة المحلفين في الملف من خلال الموقع , اذا اتحولت حالة مقابلة المحلفين الى مكتمل فهذا او دليل على قبول الضابط المحلف واقتناعه بالقصه وقبوله على المقابله , وان شاء الله ستكون النتيجه الموافقه المشروطه بالأمنيه ,, وايضاً هناك امر آخر في بعض الحالات يتم الأتصال بصاحب الملف لغرض ابلاغه بموعد الفحص الطبي , وهذا طبعاً قبل صدور النتيجه اي قبل موعد اعلان نتائج المحلفين ,,, واود ان أُشير الى امر مهم جداً , إلا   , وهو , ليس شرطاً ان لم يحصل كل الأمور التي ذكرته آنفاً , على ان النتيجه ستكون رفض , كلا , كلا , هذا مفهوم خاطأ ( وعذراً على قولي هذا ) , ولكني احببت ان انوه على هذا الأمر , وهنا اقصد ان لكل ملف له خاصيه , وله وضعه الخاص به ... ( فمثلاً يوم من الأيام كنا ننتظر صدور النتيجه وكان عددنا تقريباً اكثر من 250 ملف , كلنا ينتظلر صدور النتيجه , واني اعرف عدد لابأس به قد تم الأتصال بهم قبل صدور النتيجه بعشرة ايام لغرض ابلاغهم بموعد الفحص الطبي ,, المهم ارجع الى الموضوع ,,  فعندما كنا ننتظر النتيجه خرجت الموظفه  وقالت لنا جميعاً ,, ارجوا منكم الأطمئنان فلا تخافوا فلا توجد اليوم نتيجه واحده فيها رفض , فكلكم نتائجكم قبول ) ,, والحمد لله كانت كل النتائج قبول ,,,,,,, فهنا نستنتج ان ليس شرطاً ان لم تكتمل مقابله المحلفين في الومقع قبل النتائج ,, او ان لم يتصلوا على صاحب الملف لغرض ابلاغه بموعد الفحص الطبي قبل موعد نتائج المحلفين ,,,, ,, ان يكون كل ماذكرته  معناه  النتيجه رفض ,, كلا ,, فهذا مفهوم خاطأ ,, والدليل التجربه التي حدثت معي اكبر برهان ,,,,,, وأخيراً وليس آخراً تمنياتي لك ولكل من ينتظر نتيجة مقابلتهُ في يوم 12 / 10 / 2014 ,, واتمنى للجميع موافقة المحلفين على جميع مقابلاتهم ......اخوكم ابو شموسه 

[apolo]

الاخ العزيز الغالي ابو شموسة المحترم
السلام عليكم ورحمة الله وبركاته
بارك الله فيك وزاد من ميزان حسناتك يارب وشكرا لجهودك لمساعدتك اخوانك العراقيين الذين غدرت بهم الغربة وطحنت  بهم الحروب والعذاب صدقني يااخي العزيز حالتي النفسية السيئة والتفكير القاتل ماذا فعل بي وانا اب لطفلتين عمرهما 6 شهور ومن خوفي عليهما ومحاولتي ايجاد حياة افضل من الحياة التي عشتها  وللاسف سالت احد الاصدقاء وقال لي ان لم يتصل بك بعد مقابلة المحلفين بمدة اسبوعين فااعتبر ملفك مرفوضا وهذا الكلام مرضني وانا اصلا مريض بالسكري  واشكرك لانه اعطيتني امل اتشبث به

[ابو شموسه]

ان شاء الله سبحانه وتعالى مقبول ,, فلا شكر على واجب ..... اخوك ابو شموسه 

[حياتي 1]

السلام عليكم اني هم قابلت بهاي الفترة وخابروني كالوا اكو نقص اوراق ووديت الورقة الهم ولحد الان ماكو جواب ___ بس ما أصور خابروا احد على الفحص هسه لان همه كالوا النتيجة يوم 12-10-2014. وأصور وراها يبدي الفحص

[apolo]

اخواني الي مقابلين شهر ال 8 وال 9 محلفين بعمان منو خابروه منكم هسة على فحص طبي خلي نتواصل