احد المتطوعين بمساندة الجيش العراقي في حربة ضد الارهاب !
( في ساحة التدريب)
الضابط : شسمك أبني ؟
عبود سيدي .
عاشت الأسامي !
وانت العايش سيدي .
وشعندك اهنا عبود ؟
سيدي جاي حتى ادافع عن الوطن !.
عفية بالسبع : زين عبود اذا أجاك الارهابي شتسويلـه ؟
سيدي أحط طلقة براسه واكتلـه ! .
عفية بالسبع انتـه صدك شجاع : زين عبود اذا اجوك خمسة وانتـه عندك بس خمس طلقات شتسوي ؟
سيدي ارميهم صلي واكتلهم كلهم ! .
لك عبود انتـه صدك بطل ابن بطل : زين عبود واذا اجوك عشرة شتسوي ؟
سيدي اشمر رمانة واكتل خمسة والخمسة الباقيين ارميهم صلي ! .
عفيه عبود عاشت ايدك يابطل : زين عبود واذا اجوك خمسة وعشرين واحد شتسوي ؟
سيدي اشمر رمانتين واكتل عشرين وخمسة ارميهم صلي ! .
لك عبود انتـه شجاعتك ماتنوصف !! صدك انتـه سبع أبن سبع :
زين عبود واذا اجوك سبعين واحد واربع دبابات وطيارتين شتسوي ؟
سيدي أحط طلقة بـرأسي وأنعل أبو هيـچ دولة مابيهه بس عبود !!! .
