السلام عليكم ورحمة الله وبركاته
خلي اشرحلكم حالة ملفي شويه ....
اني تقديم عمان من ... 2007 قدمت ع ال UN .. وبسنة 2012 شهر 2 تحول ملفي الى ال IOM
وقابلت مقابلة اول مقابله في 2012 ... واخذوا من عندي البصمات كذلك في 2012
وصارت عندي ظروف وفي 2013 شهر 3 انجبرت ارجع للعراق بسبب ظروفي ... وكانت علي غرامات ... ( علماً ان الغرامات قليله يعني حوالي 1100$ ولم ادفعهم بسبب .. ناس قالو لي متى ماتحب ترجع ع الاردن تكدر تدفعهن بالحدود وتدخل )
بس اخبرت ال IOM بسفري الى العراق ...
وصلت للعراق ولفتره قليله حبيت ان ارجع للاردن لاكمال ملفي ... واتصلت لالسفاره الاردنيه بغداد وقلت لهم حالتي وسألتهم ( هل اقدر ان ارجع للاردن وادفع الغراامات بالحدود ؟) ... قالو لي ( لا ) تقدم طلب للقنصل والقنصل ينظر لحالتك وتقدم كتاب مع الغرامات للقنصل ( ويشيل الابعادعنك ! ) وفعلا قدمت كتاب وراح شهر وشهرين ولم يتصلوا علي السفاره الاردنيه ... رحت لهم في المنطقه الخضراء ولم يدخلوني من الباب الخضراء الرئيسي !!!! ...
يعني بالخط العريض شلت فكرة السفر ولغيتها من راسي لان (عقدوني )
وفعلا اتصلوا بي منظمة IOM >>> وقالوا لي متى ترجع ع عمان حتى تكمل ملفك ...
سولفتلهم التعقيدات الي مرت بيه وقلت لهم ياريت تساعدوني ...
بعد نص ساعه رجعت المؤضفه اتصلت بي وقالت لي ( نعتذر ما نقدر نلغي الابعاد !)
بس تكدر تحول ملفك الى سوريا او تركيا او العراق ....
قلتلها حوليه الى العراق ....
وبعد ايام اتصلوا بي لاعادة المقابله الاولى ويوم ثاني مقابلة المحلفين ( يوم بعد يوم ) بشهر 3 /2014 ... وبشهر 5 الفحص الطبي .... وبشهر ال7 اتصلوا بالكفيل ( اتصال فقط ) ....
وهسه حالة ملفي
المقابله الاولى مكتمل >> مقابلة المحلفين مكتمل >>> الفحص الطبي مكتمل >>> المدينه والمطار نازلات >>> التشييك الامني بالانتظار >> السفر غير فعال
علماً لم ياتي لي رد المحلف الى الان !!! من شهر ( 3 ) الى الان !!!
وارسلت لهم رساله وقلت لهم لم ياتي لي رد المحلف وكان جوابهم هكذا
This website is designed to provide information to applicants regarding the current status of their cases with IOM- RSC Middle East and North Africa.
Kind Regards,
IOM Info Center
سيدي/سيدتي,
نشكركم على رسالتكم التي أرسلتموها إلينا بالبريد الإلكتروني.
نحيطكم علماً بأنه حالما يتم اتخاذ قرار بشأن معاملتكم، سيتم تزويدكم بخطاب من دائرة الأمن الداخلي الأمريكي.
ياريت اصحاب الخبره يردون ويفسرولي وجهات نظرهم
وشكرا الكم
