لاجئين الاردن استفسار رجاءءءءءءءءا مستعجل

[ammar_k_ar]

السلام عليكم ...
    اخوان كلنا نعرف الزخم الحاصل في تركيا ... ممكن اعرف الاوضاع في الاردن من حيث الفترة التقريبية شلونها المعاملات بالنسبة  un لان نجن عائلة متكونة من 7 افراد وحسب معرفت في تركيا اصبحت المعاملات اكثر من 4 سنوات والتساهيل من الله ... شباب الموجودين بالاردن بشرونا بالمعلومات الله يبشركم لان بعد اكمالي جميع المستمسكات وتعرفون اشكد اطول لم استطع اللحاق بركب تركيا . فعسى فترة الانتظار في الادن اقل .

[New Day]

تحية طيبة اخ عمار

بالنسبة لأوضاع المفوضية بالاردن نوعاً ما أفضل وأسرع من ناحية ألمقابلات يعني بعد وصولك للأردن تسجل بالمفوضية وأعتقد حالياً يعطوك المقابلة الاولى بعد أيام من التسجيل وبعدها ينطوك موعد المقابلة الثانية ورة 3 أشهر تقريباً وبهاي المقابلة اذا حصلت على أعتراف أللجوء راح يتحول ملفك للتوطين وتبقى تنتظر اتصال من قسم التوطين وتختلف من حالة لحالة يعني ما أكدر أكلك شكد الفترة حتى تتوطن لبلد ثالث لأن هاي أمور وأولويات ألمفوضية تحددها
وهذا رابط خاص للاجئين في عمان بي مواضيع وتفاصيل تستفاد منها أن شاء الله
http://www.ankawa.com/forum/index.php/topic,744724.0.html

تقبل تحياتي

[ammar_k_ar]

شكرا جزيلا اخي New Day على الاجابة الرائعة والله كريم ... اني حاير بين تركيا او اردن .

[ضياع]

اهلا بك اخي وكلام الاخ new day كلة صحيح

اهلي اجوي قبل كم شهر قدمو انطوهم موعد ورة ٣ ايام وراحو قابلو مقابلة تعريفية واخذو ورقة الحماية

وانطوهم موعد ورة ٣ شهور المقابلة الثانية ووراها بعد يطلعلك التوطين ماكو وقت محدد كل واحد حسب الكيس مالتة

وتركيا صعبة جداً حالياً بلنسبة للاجيء الجديد

مومثل قبل ف هنا اسرعلكم

تحياتي الك اخي وربي يوفقكم

اختك ضياع

[apple iphone]

مثل ماكالو الاخوان قبلي المقابلتين الاولية تخلصها خلال فترة اربعة اشهر وربما اقل وتبقة اهم شي المقابلة الثانية اللي تحاول قدر الامكان خلالها اقناعهم بقصتك ومن يوافقون عليك ان شاء الله تبقة تنتظر الاتصال للتوطين وهاي الفترة قبل كانت من 3 الى 6 اشهر حاليا يعني ممعلومة يعني اني صارلي 7 اشهر انتظر اتصال وماكو .. وتبقة التساهيل من الله .. تحياتي

[ammar_k_ar]

شكرا لكم ( اخت ضياع والاخ apple iphone  على الرد والمرور الرائع...

[atheer jbaar]

اخويه العزيز تحيه طيبه
بالنسبه للاردن ولل UN مو شرط التوطين بعد كم مقابله  ...

انا من 2007 الى 2012 يالله تحول ملفي توطين !!! 

واعرف ناس من التسعينات لليوم لم يتحول ملفهم للتوطين !!

واعرف ناس خلال سنتين حصلوا ع التوطين وسافرو

يعني الي اريد اوصلك ياه مو شرط حسب قصتك وحسب اقناعهم

تحياتي الك

[DN-DN]

وعليكم السلام اخويه عمار

بداية انت لازم تستخير رب العالمين  لانه محد يقدر يقولك منو احسن الادن لو تركيا
هوالاخوان قبلي متفائلين بيو ان الاردن وهمه يشوفوه اسرع بحكم انهم جدد واتموا اول
مقابلتين بسرعة بس المشكلة الحقيقة بيو ان الاردن بالتوطين وتحويل الملف لدولة
يعني بدون سبب مقنع او مبرر ممكن تقعد سنين مو شهور تنتظر توطين ومالك غير التلفون
تستفسر منه وللاسف ما عندهم معلومات تريحك واني قدامك صارلي سنتين ونص تقريبا من دخلت
الاردن وبعدني بانتظار التوطين والاردن غالية والله ارحم الراحمين .
بالتوفيق