عدت من جديد .. للمساعدة !

[cristiano ronaldo]

السلاااااااام عليكم
طبعا اصعب واحلة ايام حياتي قضيتهة بهذا المنتدى الرائع وحسيت نفسي كلش اشتاقيتلة ودخلت شفت هواي اعضاء جديدين مراح يعرفوني اليعرفوني نعمة من الله صارلي سنة ونص بأمريكا, ولاية تكساس مدينة هيوستن الغالية :-) .. خلال هاي السنة ونص حققت انجازات ماحققهة بالعراق لسنين
اي سؤال او استفسار اني حاضر لاي شي
اخوكم كريستيانو رونالدو

[ضياع]

منور اخي العزيز وبالتوفيق يارب


اذا حضرتك تعرف معلومات عن دالاس

من ناحية الجو واسعار السيارات الاعتيادية والشغل


ورعاية الاطفال والدراسة اي شي تعرفة عن هذه المقاطعة ياريت تفيدني بي

تحياتي الك وربي يوفقك اخي

اختك ضياع

[apple iphone]

منور وردة لالا نتذكرك .. تحياتي الك

[cristiano ronaldo]

منور اخي العزيز وبالتوفيق يارب


اذا حضرتك تعرف معلومات عن دالاس

من ناحية الجو واسعار السيارات الاعتيادية والشغل


ورعاية الاطفال والدراسة اي شي تعرفة عن هذه المقاطعة ياريت تفيدني بي

تحياتي الك وربي يوفقك اخي

اختك ضياع





 اختي العزيزة
بالنسبة لدالاس, اني رحتلهة كم مرة وية اصدقائي للونسة مدينة جميلة وقضيت بيهة وقت كلش حلو
جوهة حار رطب بالصيف وتمطر مرات ومثل جو العراق بالشتة ومرات ابرد وينزل ثلج (احنة بهيوستن ماعدنة ثلج)
بالنسبة الي اني كلش احب جو هيوستن ودالاس لان عندي اصدقائي في ولايات شيكاغو ومنيسوتا وولاية مي ايضاً الحياة تنعدم عدهم بالشتة لان تصير عدهم ثلوج موطبيعية تغطي الطرق والسيارات ويعطلون مرات والى ماذلك بالنسبة النة ماعدنة مشكلة وية الشتة نهائياً

بالنسبة للسيارات هذا موضوع يعتمد على السيارة الي تريد تشتريهة مثلاً ياموديل,شنو نوعهة, كم مايل ماشية وأمين مشتريهة (ديلر او اون لاين او صديق) , وهنا السيارات الاغلة والاكثر شيوعاً هنة (الهوندا والتيوتا) يعني الياباني فيكون اغلة نسبياً من الامريكي والكوري

اما الشغل فهيوستن دائماً الاولى وهذا رابط اختيار هيوستن افضل مدينة في الولايات المتحدة سنة 2014 من حيث فرض العمل وقلة البطالة
 http://www.businessinsider.com/houston-best-city-in-america-2014-6?op=1
يعني من السهل جدا جدا ان تلكي شغل هنا ومشفت اي احد بدون شغل ورة شهر من دخولة هنا
وحتة الشغل في دالاس وعموم تكساس جيد

اما المدارس فأني اكثر واحد مقهور ومتندم لاني ملحكت ع الاعدادية هنا جنت جامعة مرحلة ثانية واجيت .. مدارس عملاقة وجميلة جدا البرامج روعة والاهتمام بالطالب يحسسك بقيمتك والاهتمام بالرياضة كلش حلو انشالله انزل صور المدارس وتشوفيهم

اي شي مو واضح اني حاضر للتوضيح اكثر
ملاحظة : هذا رأيي الشخصي مااريد احد كاره الحياة ب امريكا يطب يحجي ويعترض ع الموضوع ويعلق بطريقة بيئة اذا اكو نقد نتفاهم مومشكلة واي واحد حر برأية ويحجي من ناحيتة

اخوكم كريستيانو رونالدو

[cristiano ronaldo]

منور وردة لالا نتذكرك .. تحياتي الك

والله مرورك الي نورني , وهمزين لكيت واحد من الجيل القديم :-)

[ضياع]

مشكووور اخي على هذا الشرح الوافي رحمة الله والديك

واني كان كفيلنة الاول بشيكاغو بس لغينا من ورة الثلوج


صح هناك بلشمال عذاب الجو

واني قصدي ع السيارة سمعت هناك تدفع مقدمة والباقي اقساط لان الواحد ميكدر يستغني عن السيارة

والدراسة احنة مكملين اعدادي

ومشكوور وربي يوفقك بحياتك ومتشوف غير كل خير

ونورت المنتدى

تحياتي الحضرتك اختك ضياع

[اونزووو]

مرحبا اخي الكريم
بس حبيت اعرف عندك معلومات عن اوستن وهم هي بولاية تكساس من حيث الجو الشغل وغيرها من الامور والي اتصور بعد عن هيوستن ساعتين
تحياتي

[cristiano ronaldo]

تدللين اختي
واي سؤال ع الكليات والجامعات اني هم حاضر لاني دا ادرس هسة و كل هاي الامور مرت بية وهواي دخت وسألت يالة افتهمت
بالنسبة للاقساط
لازم يصيرلك فترة هنا حتة تبني كردت اوتشتغل حتة تكدر تاخذ فايننس

[cristiano ronaldo]

مرحبا اخي الكريم
بس حبيت اعرف عندك معلومات عن اوستن وهم هي بولاية تكساس من حيث الجو الشغل وغيرها من الامور والي اتصور بعد عن هيوستن ساعتين
تحياتي

اخي العزيز
اني كتبت فوك معلومات تشمل تكساس بصورة عامة واوستن هي عاصمة تكساس ومدينة جميلة جداً وبيهة اعرق جامعة في الولاية والشغل بيهة موجود بس اقل نسبياً من هيوستن ودالاس
تحياتي

[awssss]

بارك الله بعمرك وربي يسهل امرك ياطيب

[الصبر الجـميل]

أهلا بعودتك أخ رونالدو في بيتك العنكاوي الذي لاينساك            أهلا بعودتك أخ رونالدو في بيتك العنكاوي الذي لاينساكوهنيئا لك النجاح ثمرة الجهد والسعي الذي تحملت عناؤه
ومشقته لذا تحمل كلماتك نشوةالنصر ..وطوبى للمنتصرين
مع تحياتي
                    أبو روان

[ضياع]

تدللين اختي
واي سؤال ع الكليات والجامعات اني هم حاضر لاني دا ادرس هسة و كل هاي الامور مرت بية وهواي دخت وسألت يالة افتهمت
بالنسبة للاقساط
لازم يصيرلك فترة هنا حتة تبني كردت اوتشتغل حتة تكدر تاخذ فايننس

اهاا الله كريم وعندي سؤال صغيروني ولو ضوجتك

بس بلنسبة للعيشة هناك اذا اني وزوجي وعندي طفلة صغيرة معدل شكد يكفينة بلشهر شامل اجار وكلشي يعني شي تقريباً

لان عمدي حوالة كل شهر تاثر على وضعي لو اجمع الحوالة كل كم شهر استلمها مرة

وتعبتك وياية بس اني شوية أوهس واخاف من المجهول ف اسال هواية

ومشكور على رحابة صدرك وردودك القيمة

تحياتي

[steven_siv]

منورياحلو
خوب انته اختفيت
الحب اخذ كل وقتك 

[عراقي مغترب]

منور  كرستيانو.  عودة موفقة.  وتحياتى لك من تركيا  وتحياتى ايضا. للوالد

[عراقي مغترب]

منور  كرستيانو.  عودة موفقة.  وتحياتى لك من تركيا  وتحياتى ايضا. للوالد

[alihatef82]

خوية مبروووك عليك اني بعدني هنا 119

[cristiano ronaldo]

بارك الله بعمرك وربي يسهل امرك ياطيب

ويبارك بيك اخي العزيز ويسهل الجميع انشالله

[cristiano ronaldo]

أهلا بعودتك أخ رونالدو في بيتك العنكاوي الذي لاينساك            أهلا بعودتك أخ رونالدو في بيتك العنكاوي الذي لاينساكوهنيئا لك النجاح ثمرة الجهد والسعي الذي تحملت عناؤه
ومشقته لذا تحمل كلماتك نشوةالنصر ..وطوبى للمنتصرين
مع تحياتي
                    أبو روان

جزيل الشكر الك اخي العزيز

[cristiano ronaldo]

اكيد مضوجتيني ولاشكر على واجب
اذا انتي وزوجج والطفلة
يعني شقة غرفتين وتكدرين غرفة (حسب عمر الطفلة)
شقة غرفتين ب 800 دولار بمجمع زين والمنطقة زينة
واكو ب600 واقل للمناطق والمجماعات الي مو كلش زينة
كهرباء حسب الي تصرفو بس كمعدل يعني 100 بالشهر
مي المفروض وية الاجار بس اكو مجمعات يصير المي مالتهم وحد بس هو ميعبر ال 50 دولار
تأمين سيارة اذا يصير عدكم سيارة فد 60 بالشهر
بانزين فد 100 بالشهر
مراح احسب الاكل والشرب لان بأعتباركم راح تاخذون فود ستامب من تجون ولازم تبدون اتدفعون تكتات الطيارة اذا انتو iom بعد 6 اشهر من وصولكم وهي 47 دولار للنفر الواحد وانتو 3 نفرات يعني يصير 141 دولار

اي سؤال اخر اني حاضر
تحياتي

[cristiano ronaldo]

منورياحلو
خوب انته اختفيت
الحب اخذ كل وقتك 

ههههههههههههه هاهية هو بع كافي بعد

[cristiano ronaldo]

خوية مبروووك عليك اني بعدني هنا 119

خرررررررررب هااااااااي انت بعدك مطالع يالله ليش أجلت او شي

[cristiano ronaldo]

منور  كرستيانو.  عودة موفقة.  وتحياتى لك من تركيا  وتحياتى ايضا. للوالد

اخوية الغالي شكرااا جزيلاااا واتمنالك كل التوفيق

[ضياع]

اكيد مضوجتيني ولاشكر على واجب
اذا انتي وزوجج والطفلة
يعني شقة غرفتين وتكدرين غرفة (حسب عمر الطفلة)
شقة غرفتين ب 800 دولار بمجمع زين والمنطقة زينة
واكو ب600 واقل للمناطق والمجماعات الي مو كلش زينة
كهرباء حسب الي تصرفو بس كمعدل يعني 100 بالشهر
مي المفروض وية الاجار بس اكو مجمعات يصير المي مالتهم وحد بس هو ميعبر ال 50 دولار
تأمين سيارة اذا يصير عدكم سيارة فد 60 بالشهر
بانزين فد 100 بالشهر
مراح احسب الاكل والشرب لان بأعتباركم راح تاخذون فود ستامب من تجون ولازم تبدون اتدفعون تكتات الطيارة اذا انتو iom بعد 6 اشهر من وصولكم وهي 47 دولار للنفر الواحد وانتو 3 نفرات يعني يصير 141 دولار

اي سؤال اخر اني حاضر
تحياتي

عاشت ايدك ومقصرت ومشكوور من عمان ال تكساس على اجوبتك

يارب يوفقك والموفقية الدائمة

تقبل مروري اختك ضياع

[atheer jbaar]

السلام عليكم
شلونك اخويه ان شاء الله بخير ومرتاح

اخويه بس عندي سؤال عن ولاية ( تينيسي - ناشفيل ) اذا تعرف معلومات عنها ياريت تفيدني من ناحية الشغل او الايجارات بالنسبه للعازب ...
اخوك عازب مقدم وحدي مو مع الاهل  ....

تحياتي الك

[DR.ROMII]

أهلاً وسهلاً بيك بين اهلك وناسك

[هيا]

اهلا وسهلا بيك ببيتك الثاني . والله قبل يومين انته على بالي الله يوفقك وممنونين لمعلوماتك القيمه .
اتمنالك المستقبل الزاهر والنجاح المستمر .
اختك هيا

[alihatef82]

خرررررررررب هااااااااي انت بعدك مطالع يالله ليش أجلت او شي

ههههههههه حببب قلبي تدري اخوية راح يطلع بشهر العاشر واني قدمتلة واني بعدني ملفي معلق ومنتظر رحمة الله