اخوان عندي سؤال بس هوة يرهم قصة خيالية مو بس سؤال .. ارجو الاجابة ؟

[رامي سامي]

السلام عليكم اخوان عندي سؤال بس هوة يرهم قصة مو بس سؤال ...
عندي اقاربي عندة موعد سفر هو وزوجته في 22/9 وكذلك امة وابوة وياه بنفس اليوم وكان هوة بكيس نمبر وابو وامة بكيس ثاني قبل اسبوع من السفر الوالد توفاة الله تعالى ( عيون الناس ) المهم اتصلنا بالمنظمة كالوا الوالد وزجته يسافرون وامة تبقة متسافر وونطيها كيس نمبر ثاني وتصير هيه صاحبة الكيس ولازم تقابل المهم الولد كاللهم بعد ماكدر اسافر بدون امي فكالوله اطلب ربط قوي وهسا طلب ربط قوية ورجع حالة الكيس مالتة بالانتظار فشنو تتوقعون راح يصير وشنو تنصحو يسوي اذا تكدرون تساعدونة بهذا الموضوع

[phpcomputer]

حبي عند ولد صاحبي صار عندة العكس حددوا موعد سفر لوالدته وكال الهم اني مااكدر بدون امي ونفس الحالة كالوله دز النا ايميل سوي ربط قوي انت وياها وبقى هو وياها ينتظرون اكثر من سنة يله كمل الملف وهسه يلة انطوهم موعد سفر جديد يعني الشغلة هوايه تتاخر اخوية اني اكول انت اذا تطلع الشغلة تصير اسهل

[رامي سامي]

اخوان وينهم اهل الخبر النصيحة الموضوع محزن

[Ghassan2]

اخي
مثل ماقالتلهم المنظمة الام يجب ان تقابل مرة اخرى بعد رجوع المحلفين الى بغداد(هذا في حال هم في بغداد) و ثم تدخل مراحل التشييك الامني و الطبي لكي ينطوها موعد اخر و هذا يطول كثير.
اما الولد هو مادام ربط وياها فراح ينتظر الى ما هي تكمل كلشي ولكن مراح يقابل مرة اخرى و فقط ينعاد الفحص الطبي و امنية ماقبل السفر و يسافر وياها انشاءاللة.
هذة الشغلة تطول كثير اذا من بغداد.
نصيحتي : اذا امه قوية و بيها حيل و عندهم اقارب يديرون بالهم عليها !! فخلي يراسل المنظمة و يفك الربط القوى حتى يحددوله موعد ثاني فقط اله و امة تنضم له بعدما تكمل انشاءاللة.

الموفقية

[رامي سامي]

شكرا لك حبيبي