السلام عليكم اخوتي وخواتي الغالين بالنسبة لموضوع الكفيل فالوضع كالاتي :
اولا هل تحتاج الكفيل لو لا اي ولا وراح تكلولي شلون اكللكم لا لان مو شرط يكون عندكم كفيل لان المنظمة هية ممكن تختار الكم كفيل وغالبا مثل ما كالو اخوتي بالتعليقات السابقة سيكون المنظمة اللي راح تكون مسؤولة عنكم بمدينتكم وولايتكم المعنية .
وأي لان الكفيل مهم بأمور عدة وهية انو ممكن يستقبلكم بالمطار وممكن يضيفكم عندة وممكن يدليكم علة اماكن مدينتكم الجديدة واماكن التسوق وبدء اجراءات عمل رقم الضمان الاجتماعي وفتح رصيد بالبنك ...الخ.
هسة نجي للكفيل اخوتي الكفيل نوعان كفيل معنوي وكفيل مادي ,الكفيل المعنوي هوة الكفيل اللي ماألة شغل بيك يعني اسمهة كفيلك بس ميضيفك او يساعدك بأن يستضيفك يمة ويوكلك ويشربك ببيته بس طبعا لازم تشترك وياه بمصرف ولو قليل بالبيت لحد جم يوم يلة يلكولك شقة خاصة بيك وتتحول بيهة والكفيل الثاني وهو الكفيل المادي هو اللي يستقبلك بالمطار وية ممثل المنظمة وممكن يستقبلك ببيته اذا عندك علاقة بيه كقرابه او معرفة قوية وميانة كم يوم لحد ميسكونك بشقة مستقلة وهوة ممكن ياخذك بسيارته الخاصة الى مكتب تسجيل قسائم الطعام ومكتب تسجيل رقم الضمان الاجتماعي والى البنك لفتح حساب طبعا هذا كله على حسب امكانيته تعرفون الامريكان مشغولين دوما وممكن يساعدك بأيجاد الاسواق المناسبة والمدارس للاطفال الجيدة ...الخ.
واخيرا اتمنى ان اكون اجبت على استفساراتكم اخواني والموفقية للكل يارب.
