موعد سفر الى ابن عمي

[ابو الامراء]

البارحه ساعه 11 ليلا اتصلوا بأبن عمي وحددوله موعد سفر وهم عائله 4 اشخاص و2كيس وفتحت الموقع اليوم الصبح المدينه والمطار نازلات والتجييك الامني بالانتظار والسفر غير فعال ورقم الكيس 137 بغداد

[Ghassan2]

الف مبروك
اكو ناس تاريخ السفر ينزل بالموقع قبل لا يخابرهم و اكو ينطوهم موعد و ماينزل بالموقع ولا حتى السفر يتحول انتظار !!! خربطة واللة.

[Baguncero]

مبارك أخي
جعلها الله بداية حياة سعيدة لأبن عمك ولكم قريبآ أن شاء الله
الغريب أن المنظمة تعمل بالليل؟ هل من عمان الأتصال؟ أم من بغداد؟؟
بالتوفيق للجميع

أخوكم

Baguncero

[ضياع]

الف الف مبروك الابن عمك

ويارب السفر للجميع الى بلاد الاحلام

تحياتي اختك ضياع

[عراقي مغترب]

مبروووك بالموفقية  ان شاء الله

[ghfreen]

الف مبروك لابن عمك

[ابو الامراء]

ان الاتصال من عمان وقالوا له حضر نفسك للسفر يوم 15 الشهر القادم وشكرا لكم وان شاء الله يسهل امور الجميع ويفرحهم

[Rashaا]

الف الف مبروك يارب زيد من هالاخبار المفرحه، إن شاء الله الكل يجيها موعد سفر. اللهم آمين

[ضياء الامل]

1000 مبروك يا رب يوم السفر

[2014human]

  الف الف مبروك وسفر ميمون ان شاء الله ويارب للجميع

[ابو الامراء]

حتى الان موقع عمان السفر غيرفعال والامنيه بالانتظار

[‗_ღ الحائر ღ_‗]

بالتوفيق والله يجعله باب خيرعليه وعلى رواد الموقع

[قلوب بيضاء]

ألف مبروك وان شاء الله للجميع إخوان ممكن سؤال الى الأعضاء الموجودين وأرجو الرد ،احنه تحددت النه موعد مقابله محلفين ببغداد وبسبب الظروف بالعراق تم إلغاؤها إذا سافرنا لعمان متى ممكن يحددولنا موعد لمقابلة المحلفين ؟؟وهل يوجد حاليا مقابلات محلفين بالأشهر القريبة الاتيه ام على السنه الجديده اي هل يوجد احد سيقابل محلفين عن قريب بعمان وشكرا للجميع

[sindbad2014]

مرحبا اخي العزيز
نعم تستطيع نقل ملفك الی عمان وانا عن نفسي كنت مقدم من بغداد وممقابل اي مقابه وصلت بشهر تموز وراجعتهم بشهر اب ويوم 24 اب قابلة الاولی و 15 ايلول قابلت المحلفين فتعال والله بسهل الك اذا باقي هنا ومطول اكيد حيسوولك مقابله قريبه

وامنياتي بالتوفيق

[قلوب بيضاء]

شكرا أخ سند باد على الجواب والله يسهل أمورك بس بدون زحمه سؤال بالوقت الحالي يوجد محلفين بعمان لو الهم أوقات محدده فقط يتواجدون بيهه بعمان لان وضعيتنه حيل تعبانه وبنتي تعاني من المرض وتحتاج علاج طول الوقت فما اكدر أبقى فتره طويله انتضرهم لحد ميرجعون لعمان وخصوصا اني سمعت عالسنه الجديده يرجعون إذا طلعوا من عمان وممنون منك وآسف على الاطاله

[sindbad2014]

السلام عليكم
علی حد علمي حاليا موجودين لكن يجب ان ترتب امورك لان في كل الاحوال اذا جيت ونقل ملفك فليس من صالحك ان تعود الی العراق لان المفروض انت طلعت من العراق لان حياتك مهددة وهنا حتی لو فرضا قابلت محلفين اكيد انت تعرف محد يدري شوكت تنتهي الاجراءات وشوكت يتحدد السفر بمعنی اذا قررت تغادر العراق لازم ترتب امورك لان العودة ليس بصالحك وربما تخسر ملفك وتنحرم من تحقيق الهدف
تحباتي واسف للاطالة فواجبي ان اكون صريح وامين وواضح معاك بنقل الصورة

[قلوب بيضاء]

شكرا جزيلا أخ سندباد على الإجابة بارك الله بيك

[sindbad2014]

وبيك اكثر ويارب تنكتب السلامه للجميع والكل تحقق حلمها وتسافر.
واصير هاي كلها سوالف

تحياتي

[ganat alward]

الف مبروك وبالتوفيق
وان شاء الله سلامة الوصول
تحياتي
جنات

[قلوب بيضاء]

أخ سندباد بلا زحمه ممكن سؤال عن المعيشه في عمان يعني اسعار ايجارات الشقق الصغيره وتكاليف المعيشه كمعدل شهريا لان بصراحه ما عندي علم عن هذا الشي ونحن عائله صغيره ٢اطفال صغار عدنه،

[sindbad2014]

مساء الخير اخي العزيز
عمان تقسم الی قسمين الشرقيه والغربيه اني مواصل ابد لشرق عمان بس حسب سمعي هي ارخص من الغربيه وطبعا السكن خارج عمان والمحافظات اكيد ارخص احكيلك عن تجربتي لان تعبت يله لكيت سكن قنعني وبمنطقة قنعتني لان اني اعرف صحيح مهم نقتصد بس بنفس الوقت لان شغلتنه طويله ومحد يعرف يجوز تكمل بسنه بسنتين او حتی يجوز اشهر والله يسهل فلذلك لازم الواحد يكون مرتاح حتی يكدر يقاوم فان تسكن في منطقة جيدة ومريحه حيل مهم لراحتك وراحة الاهل بالذات وخصوصا الاطفال حتی لايصير تذمر ويشلعون كلبك.
بالنسبه للسكن وبعمان الغربيه وحسب ماكنت ادور في وقتها الفارغ كان ممكن يحصل من 250 دينار الی حتی 600 دينار حسب المنطقة طبعا ومساحة الشقه والاثاث اكدر اكول يكلفك الف دينار يكون الجديد منه هو الاسرة واني كاعد اتكلم عن عدد افراد اسرتك مع الفرش والحفان ولوازم المطبخ الاواني وغيرها والمستعمل باقي الاشياء الثلاجة والطباخ والتلفزيون مع تخم قنفات والغسالة يعني تكدر اجهز بيت كامل بالف دينار هاي اذا فكرت تاخذ فارغ
طبعا اقصد شقة هنا كله نظام شقق
اني بالنسبه الي مقتنعت بالفارغ وشفت انو ممكن مع البحث والتعب ممكن يحصل شقه مفروشة من ثلاثمائة دينار فما فوق وماكو داعي لدوخة الاثاث الي بعدين حينباع برخص
طبعا ملاحظتين مهمه
الاولی اني كنت جاي موسم سياحه بشهر سبعه وطبعا تكون الايجارات حيل صاعدة
الثانية انو من تاجر وتتفق عن مدة الايجار سنوي بس طريقة الدفع مثلا كل ثلاث  ثلاث شهور او اربعه مع بعض بكوم ينزلك من الايجار وهكذا كل متزيد الدفعة كل مالايجار يقل
لذلك اني تحملت شهرين لان كتلك كنت جاي بالموسم وكنت ساكن بشقه بمنطقه راقيه ب سبعماءة دينار شهريا وبنفس الوقت حجزت شقه شويه اصغر منها وبنفس المنطقه بايجار سنوي كل ثلاث شهور دفعه بمبلغ اربعماءة دينار شهريا استلمتها ب بشهر تسعه وكانت متاجرة ب خمسماءة وخمسون ظينار هذا الفرق صار بسبب قرب انتهاء الموسم وفرصة ايجار لمدة سنه من صالح صاحب الشقه لان ممكن تبقه الشته كله فارغه
هذا من ناحية السكن اما المواد الغذاءية اني اشوف بالنسبه للخضار قريبه من اسعار بغداد او ارخص لكن الفاكهه تعتبر اغلی لكن اذا كان المسواك من وسط البلد حيكون هناك فرق جدا واضح وحتی اللحوم والدجاج اسعارها مثل بغداد  ويبقه كل واحد وصرفه وهنا يجي دور ام البيت
اني اكلك شغلات الاطفال يعني الجبس والنساتل كلش غاليه مقارنه باسعارنا وكذلك اذا انت ادخن هم مشكله لان هنا كلش غاليه
اتمنی اكون انطيت سؤالك حقه واذا اني نسيت شي او انت عندك اي سؤال اخر اني بالخدمة

تحياتي
سندباد العراق

 

[قلوب بيضاء]

مشكور أخ سندباد العراق ومقصرت يا ربي يسهل أمورك وأمور الناس المتغربه جميعا

[sindbad2014]

تسلم اخي والله يسهل امرك وامر الجميع

تحياتي

[anmar.aliraqii]

الف مبروك لابن عمك اني أجلوني قبل سبع ايام ولحد هسه محد متصل ولا كايلي اي شي والله اعلم بحالتي

[ابو الامراء]

ابن عمي اجلوا سفره الى 10/26 والحبايه 10/25 والموقع بعمان السفر غير فعال لحد اليوم علما ان المدينه والمطار نازلات

[anmar.aliraqii]

ابو الامراء عادي تره اني عندي واحد منزلين موعد سفره علي الموقع وممتصلين بيه واكو ناس يتصلون بيها ومينزلوها بالموقع خربطه عادي يوصل بالسلامه