صورة قيد لخارج العراق

[ahmad salman]

تحية طيبة للجميع
احتاج صورة قيد لاستعمالها في بلد عربي يعني مااحتاجها لغرض الترجمة
بس احتاجها ان تكون مصدقة من الخارجية
فاني اعرف انه الموضوع بيه اربع خطوات
الاولى مراجعة مديرية النفوس الي بيها القيد مالتي
الثانية مااعرف شنو
الثالثة مصادقتها من الداخلية في زيونة
الرابعة المصادقة من الخارجية
فهسة اني من اروح اطلب صورة قيد لاغراض شنو ؟ اكو لاغراض التصديقات وليس الترجمة, والخطوة الثانية شنو هي
شكرا للجميع

[ammar_k_ar]

اخي العزيز ...
    مراحل استخراج صورة القيد لاي غرض كان اخذها مترجمة ومصدقة لان هيا بنفس الورقة عربي وانكليزي اذا كول للترجمة والتصديق .
اولا / تروح للجنسية وتقدم طلب صورة قيد مترجمة.
ثانيا/بعد استلامك للصورة القيد من الجنسية تذهب الى المديرية في شارع الرشيد مقابل مرطبات مشمشة وتقدمها وتمشي بيدك لان سهلة.
ثالثا/ بعد ميترجموها وختموها تروح للتصديقات بزيونة صدقهاوانت كاعد .
    رابعا/بعد استلامها من التصديق مال الداخلية تذهب للخارجية صدقها .
بس لاتنسى المستمسكات الاربعة وصور وخاصة الجواز حتى يترجم نفس الاسم.
 واذا تريده بس عربي هم يطوك بس عربي مصدقة   دلل حبي

[ahmad salman]

عزيزي اشكرك على هاي المعلومة , اني ماجنت ادري انه بنفس الورقة اكو عربي وانكليزي شكرا مرة ثانية

[ammar_k_ar]

دلل حبي اني بالخدمة