الفحص الطبي ماقبل السفر للكبار بالعمر

[Ghassan2]

السلام عليكم

اخوان الى عندهم شيوخ و عجايز او مرضى, لما رحتوا لابن البيطار لتشيك ماقبل السفر دزوكم الى عيادة و مختبر بالحارثية لتشيك القلب, ماقبل السفر!؟ حتى يحددولهم اذا يقدرون يطيرون !!!؟ اكو هيكي شي ؟!!

تحية طيبة

[2014human]

  نعم اخي اكو هالشكل اجراء اعرف جماعة ودوهم وسافروا وكانت حالتهم مستقره وخصوصا الضغط والسكر والقلب ... نتمنى الصحة للجميع

[Ghassan2]

شكرا اخ هيومن
انا خايف عبالي بس اهلي يسولهم هذا الفحص الاضافي, خايف لا يطلعولهم شي و يلغون السفر. واللة لعبوا بينا طوبة هلگد ما فحصنا و هسه النوب فحوصات خاصة بالقلب, ليش هاي الناس مو تطير و تسافر يومية حول العالم, شو ماشفنا واحد صار بي شي من وراء الطيران. بس هم يدورون حجج حتى يلغون السفر, لو يمكن الفلوس الي ياخذوها من المنظمة على كل فحص مخبلتهم.

[حسين الجبوري]

الاخ العزيز
من الطبيعي اجراء الفحص الطبي لكبار السن في كل الدول وهناك فحص ايضا للدول التي تكون فيها نزاعات مسلحه لفحصهم في الاذن بواسطة جهاز للاطمأنان من عدم اصابة احد الافراد بوباء معدي لاسامح الله

قد يتطلب مرافقة من قبل iom لبعض الحالات  فيما يخص كبار السن وبعض الحالات المرضيه مثل النفسيه

السلام عليكم

اخوان الى عندهم شيوخ و عجايز او مرضى, لما رحتوا لابن البيطار لتشيك ماقبل السفر دزوكم الى عيادة و مختبر بالحارثية لتشيك القلب, ماقبل السفر!؟ حتى يحددولهم اذا يقدرون يطيرون !!!؟ اكو هيكي شي ؟!!

تحية طيبة

[Ghassan2]

صح استاذ حسين, هذة هم قالوها بالمستشفى , ممكن ارسال طبيب مع المريض ولكن لا ادري اذا يسبب تأجيل او تأخير السفر.
شكرا

[ganat alward]

السلام عليكم
يارب الصحه والعافيه لجميع افراد عائلتك
ولتقلق اني هم اعرف ناس عدهم امهم مسنه
فحصت ونطوها موافقه وسافروا
بأذن الله كلشي ماكو وتسهل الامور
تحياتي
جنات

[Ghassan2]

شكرا اختي جنات
اسف ع التاخير هسه ياللة شفت.
اي فحصوا قلبهم و قالولهم ماكو شي و راح تسافرون.
شكرا