IOM إستشارة من أصحاب الخبرة

[Medo78]

قدمنا  لIOM وقبل فترة  إستلمنا الكيس نمبر  وبسبب الوضع الحالي والتهديد قررنا السفر الى الأردن لمتابعة الكيس ..الحالة الي أريد أخذ رأي جنابكم بيها هي انو أحد أخوتي مهندس بشركة نفط أمريكية بالبصرةوأسمة موجود بالكيس وهو ما يريد يترك شغلةالي تعب سنين حتى يحصلة  فالسوأل هو  يكدر أخي يسافر بين العراق والأردن خلال فترة المعاملة؟ لو يحصل منع دخول حالة حال جماعة ال UN ؟ لو الحل الأفضل هو نطلب حذف أسمة من الكيس ... أكون ممنون لأي نصيحة من أصحاب الخبرة مع جزيل الشكر

[اسعد العراقي]

اعتقد تحذفة من البداية افضل لان اذا قابلت راح. يثبت بالملف فالافضل تحذفة وبعد متسافر اتسويلة ملف خاص من بغداد .هذا رئيي الشخصي
اخوك/اسعد

[Ghassan2]

اخي
انا ماادري عن السفر بين الاردن و العراق و انشاءاللة جماعة الاردن راح يجاوبوك ولكن , انتو لا تحتاجون حذف اي شخص بالغ (21 سنة) لأن كل شخص عنده كيس نامبر خاص بي و ما له علاقة بالكيس نامبر الثاني, بمعنى اذا هو راح وياكم الى الاردن او رجع او بقى .... هذة الامور لا تأثر عليكم انتم الباقي, يعني فقط تأثر على هو و على زوجته و اطفاله اذا متزوج.

[Medo78]

  تحياتي ومشكوريين إخوان على الإجابة...عندي إستفسار آخر وهو هل يجب على جميع الاشخاص بالكيس المقابلة بنفس اليوم لو ممكن إجراء المقابلة الأولى لأحد أفراد الكيس في موعد ثاني؟

[um shaheen]

اخي العزيز
حسب معلوماتي المتواضعه انه بالمقابله يجب ان يكون كل افراد الكيس موجودين
ويارب يسهلها ألكم ويفرجها بأذن الله
تحياتي واعذرني من التقصير
اختك ام شاهين

[Medo78]

اخي العزيز
حسب معلوماتي المتواضعه انه بالمقابله يجب ان يكون كل افراد الكيس موجودين
ويارب يسهلها ألكم ويفرجها بأذن الله
تحياتي واعذرني من التقصير
اختك ام شاهين

 جزيل الشكر أخت ام شاهين ويارب كل التوفيق إلك ولكل أهلنا الطيبين الصابرين

[اونزووو]

اطلب فصلة بكيس نمبر بوحدة ويتابع القضية من بغداد او كلش كلش يجي يقابل المقابلات من يمكم ويرجع ثم يطلب تحويل ملفه الى بغداد بس لازم كيس نمبر وحدة والربط ضعيف او يقدم منن بغداد وهو الافضل اله لكن تطول شوي الشغلة
تحياتي

[ganat alward]

السلام عليكم حسب معلوماتي البسيطه ان الافضل يسوي ملف وحده وضروري جدا الربط
يكون ضعيف لان هاي عن تجربه الربط القوي
كلش اذيه وتأخير ويارب تسهل اموركم والسفر القريب

[Medo78]

السلام عليكم حسب معلوماتي البسيطه ان الافضل يسوي ملف وحده وضروري جدا الربط
يكون ضعيف لان هاي عن تجربه الربط القوي
كلش اذيه وتأخير ويارب تسهل اموركم والسفر القريب

مشكورة أختي Ganat على النصيحة .. ممكن توضحين شنو المقصود بالربط الضعيف والربط القوي؟ مع جزيل الشكر

[Medo78]

مشكور ماقصرت ..  ممكن توضح شنو المقصود بالربط الضعيف والربط القوي؟ مع جزيل الشكر

[امين عبد الله]

قدمنا  لIOM وقبل فترة  إستلمنا الكيس نمبر  وبسبب الوضع الحالي والتهديد قررنا السفر الى الأردن لمتابعة الكيس ..الحالة الي أريد أخذ رأي جنابكم بيها هي انو أحد أخوتي مهندس بشركة نفط أمريكية بالبصرةوأسمة موجود بالكيس وهو ما يريد يترك شغلةالي تعب سنين حتى يحصلة  فالسوأل هو  يكدر أخي يسافر بين العراق والأردن خلال فترة المعاملة؟ لو يحصل منع دخول حالة حال جماعة ال UN ؟ لو الحل الأفضل هو نطلب حذف أسمة من الكيس ... أكون ممنون لأي نصيحة من أصحاب الخبرة مع جزيل الشكر

اخي الكريم
احسن شئ تسويه ان تحذف اخوك من الكيس وخليه يقدم من العراق بدون ان ينتقل بين العراق والاردن لان انتقاله بين البلدين يلغي السبب الذي من اجله تقدم بطلب اللجوء، بمعنى اخر ان سفره بين العراق والاردن باستمرار ينفي موضوع التهديد.
اما سؤالك حول الفرق بين الربط الضعيف والربط القوي،، ففي حالة الربط القوي معناه ان انكم تطلبون السفر سوية وهذا يؤدي الى تاخير السفر لانك لاتضمن تشابه الاسماء بين افراد عائلتك واسماء احد المطلوبين للولايات المتحدة الامر الذي سيحتاج الى مزيد الوقت ( ربما لاشهر او لسنوات ) من التجيك الامني على الشخص الذي ورد تشابه في اسمه مع احد المطلوبين مما سيؤدي الى نفاذ صلاحية الموافقة الامنية بالنسبة للاشخاص الذين صدرت موافقتهم الامنية.
اما الربط الضعيف فمعناه ان العائلة التي تكتمل موافقاتها الامنية تسافر وتبقى العائلة او الشخص الذي عمره 21 سنة فما فوق بانتظار استكمال التجيك الامني.