IOM بغداد ارجو المساعدة

[ahmed.alobydi@yahoo.com]

السلام عليكم,

الرجاء الي يعرف لا يبخل علينا بمساعدة اني مقدم من 2013 شهر الثامن و رقم الكيس 144xxx , حصلت على الكيس نمبر ورة شهر من التقديم و صار سنة و شهرين ماكو اي اتصال من المنظمة ولا اي ايميل ولا اي شي وعالموقع بس الكيس active  او فعال صارلة 5 اشهر و التشييك الامني بالانتظار والباقي كلة غير فعال وليهسة مقابلة اولى ماكو , الحل شنو نبقة ننتظر الى ما لا نهاية؟
سمعت اكو مقابلات باربيل و ناس هواية دتكمل الكيسات مناك شلون واحد يحول ملفة هناك؟
رجاءا الي يعرف لا يبخل علينا بالاجوبة.. شكرا

[متفائل جدا]

السلام عليكم
الاخ احمد اولا كان المفروض منك تراسلهم وتسأل عن وضع ملفك علمود تعرف شنو سبب عدم اعطائك موعد للمقابلة الاولى اما حاليا فمثل ما تعرف المقابلات متوقفة في بغداد.
ثانيا بخصوص المقابلات في اربيل بالنسبة الي ما عندي علم واتمنى يكون الخبر صحيح واذا كنت متأكد من هذا الخبر فتكدر ترسللهم رسالة تبين بيها خطورة وضعك الامني حاليا وانك على استعداد باجراء المقابلة في اربيل .
واذا امكن اخي العزيز حاول تتأكد من خبر اجراء المقابلات في اربيل و تعطينا خبر بذلك لان حسب ما اعرف في اربيل فقط اجراء الفحص الطبي.
تحياتي
 اخوك المتفائل 

[ahmed.alobydi@yahoo.com]

شكرا على ردك اخوية العزيز بالنسبة الي ماعرف اي شي عن تفاصيل ال IOM و طريقة تعملهم قدمت و صارت الكيس فعالة وكلش تفائلت بالموضوع بس وراها انتظار وليهسة بعدني انتظر و مجنت اعرف انو لازم ادزلهم ايميل
و بالنسبة لموضوع اربيل سمعت انو اكو مقابلات هناك بس ممتاكد من الموضوع..
متعرف شوكت ترجع المقابلات ببغداد؟

[متفائل جدا]

للأسف اخي العزيز لا اعلم متى ترجع المقابلات في بغداد وكلنا ننتظر هذا الخبر السار ......كان هناك بعض الاخوة يعملون في السفارة ينقلون لنا بعض الاخبار بخصوص قدوم كادر الIOM  لكن هذه الفترة لا توجد اي معلومات .....و نتمنى على الاخوة الذين لديهم اخبار بخصوص رجوع المقابلات ان لا يبخلوا بها علينا ......تحياتي

[ابو الامراء]

لا توجد مقابلات في اربيل حسب ما عرفت من اقاربي هناك