اخوي عدنان
الصراحة رئيس الوزراء حيدر العبادي انعش الحزب الشيوعي لان الحزب ما سوى شي زين من يوم سقوط بغداد 2003 ولحد الان فاتوزير السيد فارس ججو اجة بوكتهه حتى شوية تتحرك الاحاسيس يم الاخوة بالحزب الشيوعي ويصير عندهم فت حركة و دعاية السيد فارس ججو بالنسبة لتحالف حزب زوعا وقائمته الرافدين ويا الممثل اليزيدي والله ما خليت مكان ولا ستالايت ولا اقمار اصطناعية علمود اشوف التحالف حزب زوعا وقائمته الرافدين ويا الممثل اليزيدي ما لكيت شي وبالاخير حسيت بان ذاك الحجي جانت دعاية من السيد فارس ججو ومن خلالها ركض يم البطريركية الكلدانية وسوى اتصالات ويا سيادة البطريرك مارساكو وبالمسؤولين وتحالف ويا رئاسة المجلس الشعبي فصار وزير . يعني الاخ فارس ججو مو مستحق الوزارة لانها بواسطة ونتمنى من الحزب الشيوعي اللي هو حزب عراقي قومي ما يدخل نفسه بكوتا المسيحيين لانه حرام والله .هسة احنة المسيحيين عندنا بس الكوتا وهي همينة يريدون يبلعوها الاخوة جا وين نروح ووين ننتخب والله ابقى بدون انتخابات وما انطي صوتي للاحزاب العربية او الكردية ولا انطيه للحزب الشيوعي هسة عندنا 5 نواب خلونا ياجماعة الخير نفرح ونحزن وياهم هسة السيد فارس ججو مسيحي والله على راسي من فوك بس لمن يدخل انتخابات ويكون من ضمن التيار الديمقراطي ومن الوركاء الشيوعية الكردستاني ويدخل الكوتا مالتنة هاي ما نقبلهة ,ثاني شي لو الكوتا تلغي والله حتى صوت واحد ما يحصل المسيحي اللي هو عضو بالاحزاب العربية او الكردية او حزب الشيوعي بس لكون الكوتا المسيحية موجودة يريدون الاخوة يبلعوها .
اخوية عدنان السيد فارس ججو ما يستحق الوزارة وهو مو ممثل مالتنة لانه من الحزب الشيوعي اللي يجمع كل العراقيين وهو حزب عراقي قومي . هسة لو جان بدل السيد فارس ججو فت واحد مسيحي من لبنان او سوريا مثلا ومرشح نفسه من خلال الحزب الشيوعي وقائمة الوركاء جان خلوه يصير وزير وممثل المسيحيين ؟ فقضية كونه مسيحي فهاي الشغلة ما تدخل بالانتخابات لان الدين بعيد عن السياسة والا جان صارت عركة بين رجال الدين والسياسين على مود المنصب واخيرا السيد فارس ججو دخل الانتخابات بواسطة جهات مسيحية ورئيس الوزراء حيدر العبادي انعش الحزب الشيوعي وشكرا
