اخوان بخصوص الفيزا السياحية الى تركيا منو عنده خبر جديد عنها ؟

[yasser805]

اخوان منو عنده علم بموضوع الفيزا السياحية الى تركيا ؟ هي على اساس انفتحت بس من اروح على اهل المكاتب يكولولي بعد ماكو حجز باصات ... وتالي شلون ؟؟ ... منو عندده اي معلومه يفيدنا بيها ؟

[اونزووو]

اخوية انت شعليك بحجز الباصات
ادخل على موقع السفارة وانت قدم على الفيزا بالانترنت وتطلعك ورقة اسحبها بالطابعة عندها وديها للباصات لان ان همة طلعوها الك ياخذون اتصور عشرة الاف منك مال الفيزا يعني شغلتها سهلة
تحياتي

[اوس العاني]

السلام عليكم
اخي العزيز الفيزا موجودة مثل ماكال اخوية تدخل على موقع السفارة وتقدم على الفيزا وتطلعلك معلومات تمليهة وتطلعلك الورقة وتسحبهة بس السفر حصرا على الطيارة لان اقليم كردستان ميخليك تعبر لتركيا بالباص لانك عربي بس اذا جنت تركماني او مسيحي او يزيدي ايخلوك تعبر حبي واني جاي احجيلك من مصارد مية بالمية صحيحة اوك حب تقبل مروري
اخوك اوس العاني

[yasser805]

شكرا على ردودكم اخوان ...... بس اني سمعت على اساس دا يفتحون الطريق للعرب ... من ساعة السودة اليثرنا بيها عرب وصرنا عراقيين ساعة السووووووده .. شلون حظ اكشر وين ما اولي اسم العراق التعبان لاطش بينا

[ammar_k_ar]

اخي العزيز الفيزة مثل ما كالوا الاخوة عن طريق النت او مراجعة الشركات واذا اتريد ادخل على الفيس صفحة ( شركة ضيوف العربية لنقل المسافرين ) لان عدهم رحلات برية الى اسطنبول بعد العيد https://www.facebook.com/pages/%D8%B4%D8%B1%D9%83%D8%A9-%D8%B6%D9%8A%D9%88%D9%81-%D8%A7%D9%84%D8%B9%D8%B1%D8%A8%D9%8A%D8%A9-%D9%84%D9%86%D9%82%D9%84-%D8%A7%D9%84%D9%85%D8%B3%D8%A7%D9%81%D8%B1%D9%8A%D9%86/100521350069219?hc_location=timeline

[SIV_Iraq]

اي انفتحت من خلال هذا الموقع https://www.evisa.gov.tr/en/ تكدر تسجل وتاخذ الفيزا ب 5 دقايق ولمدة 6 اشهر اختار New Application وبعدين العراق وادخل الرمز وبعدها معلومات الجواز

وتدلل

[yasser805]

اخوان والله اعرف انه الحصول على الفيزا بسيطه ... لكن المشكله هلي العرب ممنوع يطلعون بيها .. فقط للعرب الساكنين في (دولة) اقليم كردستان .. يعني اي واحد عربي من حارج الاقليم ممنوع..هاي الكااااارثه