موظفي منظمة الهجرة الدولية والرد على الاستفسارات

[sara51067]

للاسف موظفين الهجرة الدولية ما ينطون معلومات اكثر من انه ملفك في انتظار الامنية او اكتملت الامنية في ملفك
حتى لو كان نفس الكلام يتكرر اكثر من سنة مو مهم عدهم
لذالك لا تستغربون او يصير عدكم احباط اذا اتصلتوا في المنظمة لان مراح يبلغك اكثر من هل كلام حتى لو كان ملفك على وشك الانتهاء
وهذا الكلام يكدرون ياكدوا الاخوة الي وصلوا الى امريكا
صارت حالات هواي انه الشخص يسال على ملفه قبل يوم يبلغوا بانتظار الامنية
وثاني يوم يتصلون عليه لتحديد موعد السفر
على العموم نتمنى التوفيق للجميع

[ganat alward]

فعلا اخت ساره المشكله من نتصل عليهم مينطونه رد شافي صارلنه خمس سنوات كلما نتصل يكولون المراحل الاخيره للامنيه
ماعدنه غير الصبر والله المستعان
مودتي
جنات

[اونزووو]

هو شلون واحد واكع بفوهة بركان ولكه خيط يضن ان راح يطلعة وجلب بي ويخاف لا ينكطع هالخيط وضل يجر بي ويصعد لحد ما وصل الحافة مال النجاة وهناك اتصل بالمنظمة يطلع اله الموظف وبكل بساطة يكله للخيط طككككك
ويكطعة وهو ديحجي وياه يمعود بس خلي نفتهم شي ملفي ملف مل م ممممم وانكطع الخيط واخخخخخخخخخخخخ للكاع مرة ثانية داخل الفوهة
تحياتي

[العراااب]

Tاصلا اني نا اصدك يجاوبوني شكد احضر حجي و اسئلة و يظل التلفون يدك و ميشيلوه بعدين وره كم نره اذا شالوه وطلعلي الموظف شكله كاعد من النوم و ضايج انسى كلشي كل مره اكوله اريد اسال عن رقم الملف اقصدد المممملف اقصد وضع الملف  كلشي بعد ما اعرف احجي و يجاوبني امنيه و مندري و منعرف و مو يمنا

[adnan alnuaimi]

http://www.ankawa.com/forum/index.php/topic,722296.0.html

[adnan alnuaimi]

اخي هذا الرجل كان جاري قبل ما اسافر وهو صاحب فضل جبير عليه  واذا بيه اخطاء املائيه المهم الفكره صحيحه وشنو الي افتهمته بله  بجوابك الي كبل هذا واذا كنت تقصد شخص الاخ الجبوري في موضوعك فهذ ميصير اخي

اخ عدنان موضوع حسين الجبوري  كله اخطاء إملائيه ومترجم من مواقع رسميه
عموما شكرًا

[adnan alnuaimi]

اخويه هسه نكوم نجادل على شنو اذا منقول او لا الرجل  ينقل مينقل  انته هم جيب وانقل المهم تفيد الناس  وللعلم الجبوري نضره ضعيف وشوفه يغلط بالكتابه الله يخليه ويحفضه واذا عندك مشكله وياه هاي انته وياه اني عليه اكول الحق والرجل ساعدني هواي

الفضل لرب العالمين مو لشخص
والفكره صحيحه لان منقوله

[adnan alnuaimi]

بارك الله بيك اخوي واعذرني  عمك عمره عبر الستين

اخي من هو حسين الجبوري كي يذكر أمامي
هو إنسان محترم وقيمته بإنسانيته وعراقيته وليس بالأوهام التي يصدقها البسطاء أمثالك
عموما موضوع اجده اصغر من ان أتناقش به

[ghassan_alabdi]

السلام عليكم .ساجيب ليس دفاعا لكن احقاقا للحق ان مسالة الجواب بان الامنية انتظار هذا امر هم مبلغون به والامر اجباري ليس اختياري والاخوة الي مشتغلين بالمنظمات يعرفون شنو معنى تعليمات لان المخالفة معناها طرد. لكن ان سالت عن امر اخر فاعتقد ان الجواب سيكون افضل لان المدة الماضية عانيت بشكل كبير بفحص بنتي الصغرى وما اتصلوا واتصلت بموظف الله يوفقه بقاني على الخط وسمعته يخابر منا ومنا ويسال وبعدها حولني على القسم الطبي والحظ العاثر خلى ملفها يوصل بدون رقم ورجع للاردن واتصلت والحمد لله نفس الموظف جاوب ونفس التفاعل والحمد لله نجحت الجهود وفحصت بنتي .والحمد لله بفظل الله وفظل هذا الموظف ولا انسى القسم الطبي الي تحمل لزكتي والحاحي هههههههههههه

[العراااب]

القسم الطبي ورده مال الله يجاوب و يتفاعل بس قسم المعلومات مينطون حجايه و لا ناخذ منهم حق او باطل

[ضياع]

كلامك كلة صحيح بس اعتقد موضفين المنظمة محدودين بل اجوبة

ماعدهم صلاحيات بلرد اكثر من المطلوب منهم

لان هية منظمة انسانية ومكالمات كلها متسجلة يمهم ماعتقد اذا همة قاصدين مينطون رد


لكل الي يتصلون جان حاسبوهم

بس اكيد عدهم سستم يمشون علية

هذا رائي بلموضوع

تحياتي الحضرتك

اختك ضياع