عودة المقابلات في بغداد iom -- من لديه معلومة ؟ يرجى مشاركتها ...

[abu mustafa]

السلام عليكم

استلمت هذا الرد اليوم عند أرسال استفسار حول قضيتي ... ماذا يعني هذا
لاتوجد الكليشه بخصوص الأوضاع الأمنية في العراق ؟؟؟ !!!!

هل سيتم استئناف المقابلات ؟ أم ماذا ؟

يرجى الاطلاع والمشاركة بالمستجدات

شكرا لاتصالكم بمركز معلومات مركز دعم اعادة التوطين للشرق الأوسط وشمال أفريقيا بشأن البرنامج الأميركي لقبول اللاجئين  (USRAP). هذه الرسالة لتأكيد استلامنا رسالتكم الالكترونية.

ان مركز معلومات مركز دعم اعادة التوطين للشرق الأوسط وشمال أفريقيا يتلقى كميات كبيرة جداً من الرسائل الإلكترونية. سيتم الرد على رسالتك في الترتيب الذي وردت فيه. يرجى العلم أن المدة المتوقعة للرد على رسالتكم هي اسبوعان. الرجاء عدم القيام بإعادة إرسال الرسالة. شكراً على تعاونكم وصبركم معنا.
 

تحذير

يرجى العلم بأن اي شخص يقوم بالاتصال مع اللاجئين لتقديم المساعده مقابل المال ليس بجزء من المنظمة الدولية للهجرة، مركز دعم اعادة التوطين للشرق الأوسط وشمال أفريقيا أوالحكومة الأمريكية  لأنهما لا تتقاضيان أي رسوم في أي مرحلة من المراحل التي يمر بها الملف (تقديم الطلبات، مقابلات المحلفين أوالسفر).

مع تحيات،

مركز معلومات مركز دعم اعادة التوطين للشرق الأوسط وشمال أفريقيا
 
http://www.iom.int
 

[اونزووو]

هو المعروف انه الموظفين التابعين للاي او ام عادو في شهر التاسع الفات الى العراق ولكن لم ياستئنفو المقابلات لحد الان ولكن هالايام الكلام انه تبدي المقابلات يوم 18/10 حيث اعطو موعد لشخص بهذا التاريخ وايضا اكو من عنده مقابلة فيزا في السفارة يوم 13 فيبدو بادرة عودة العمل ويارب يسهل الامور للجميع ومع هذا كل هالكلام احتمال صح واحتمال مو صح فاقتضى التنويه.
تحياتي

[predator]

نتمنى نسمع اخبار عن عودة المقابلات..تعبنة من الانتظار من يوم 12-6

[phpcomputer]

السلام عليكم
اخوان اني هم ارسلت الهم رسالة لان اني اجاني تلفون من رقم غريب وتم تهديدي وهسه اني ماادري شسوي طلعت من البيت اللي كاعد بي وعائلتي وديتهم لبيت جدهم واني هس بمكان واهلي بمكان وبلغت المنظمة بهذا الشي وجان جوابهم
سيدي/سيدتي،

 



نشكركم على رسالتكم التي أرسلتموها إلينا بالبريد الإلكتروني،

لقد قمنا بتدقيق طلبكم وهو الآن قيد المراجعه والتنفيذ.



يرجى العلم بأن مدة دراسة الطلب تتفاوت من حالة إلى أخرى.


وماادري شسوي بلكي هذا الخبر يطلع صحيح ويجون ونخلص من هذا الرعب اللي عايشي

[nemro]

اجاني هذا رد قبل سبوع اوخابرو اهلي ونفس رسالتك اني اهلي كان عدهم مقابلة يوم 22 /6 وتاجلت وليهسة ماكو شي وخابرتهم منظمة وكالت غير معلوم  بعودة المقابلات وجتني نفس رسالتك
المشكلة من تفتح موقع بعد مكتوب بالاحمر لحد الان منشال غير لازم يشيلون هذة ملاحظة حتى يبن ترجع مقابلات

[abu mustafa]

أشكر الجميع على التفاعل مع الموضوع...

يرجى أضافة أي معلومة جديدة حتى وان كانت غير مهمة وذلك لكي يبقي الأمل والتفائل  عند المقدمين

[جاسمين]

من خلال متابعتي لهذا الموقع اكو مشاركة تكول اكو مقابلةثانيةلاحد الاشخاص يوم 18\10 

[عراقي 90]

اخوان اعتقد المقابلات تُستَأنَف من تنشال الملاحظة الحمرة (مال تأجيل المقابلات) من موقع عمان.

[ابو الامراء]

اخونه اللي كال ان احد اصدقائه عنده مقابله 10/18 يكدر يتأكد من صديقه عن المقابله هل هي اولى ام ثانيه وهل ارسلوا اليه ورقة الدخول

[phpcomputer]

انشاالله يارب يكون الخبر صحيح وانشاالله الاخ االلي صديقة ناطي موعد 18/10 يأكد الخبر

[abu mustafa]

نتمنى أن نسمع أخبار جديدة

ألي عندة أي خبر ،، ليبخل رجاءا ونرجو المشاركة والتفاعل مع الموضوع...

شكرا جزيلا لكل المشاركين والمتابعين
أبو مصطفى

[اونزووو]

اخونه اللي كال ان احد اصدقائه عنده مقابله 10/18 يكدر يتأكد من صديقه عن المقابله هل هي اولى ام ثانيه وهل ارسلوا اليه ورقة الدخول

لمعرفة الموضوع اتبع الرابط
http://www.ankawa.com/forum/index.php?topic=755238.msg7319411#msg7319411
تحياتي

[احمد الراقي]

السلام عليكم جميعا ومساكم الله بالخير خبر بالباكيت
قريبي عنده مقابلة اولى في 12/6/2014 وتأجلت بسبب الاوضاع الامنية وتم الاتصال به بتاريخ 17/10/2014 وسألوه عن حاله واخبروه ان له اولوية وسوف يتصلون به لتحديد مقابلة في اربيل او تركيا وانا قابلت اولى في شهر 10 2013 اتصلوا بي اليوم 20/10/2014 الساعة الثالثة والنصف بعد الظهر ثلاث مرات وكنت نائما وحاولت الاتصال بهم اكثر من مرة فيجيبني المجيب الآلي ما من احد يرد وسوف اتصل بهم هاتفيا غدا انشاء الله ادعولي كون يحددولي مقابل  وسوف ابلغكم بكل جديد التوفيق للجميع

[Auoob81]

اخي وين اكوا مقابلة بتركيا اصلا اي شخص مسجل  بالاي  او ام ويروح على تركيا  يغلق الملف

[يمته تفرج]

اني اتصلوا بية أسبوع اللي فات وسألتهم اكثر من مرة على رجوع المنظمة وعودة المقابلات وكلولي ماعدنا رجعة حالية للعراق بسبب الاوضاع وماعدنا اي تخطيط لنقل المقابلات لمكان اخر واللي يريد ينقل ملفه يكدر ينقله لعمان على مسؤوليته ولازم يكون متواجد بعمان يعني مو ينقل ملفه ويرجع للعراق , لا لازم يكون موجود ومستقر بعمان , اني هيجي كلولي