اول مشاركه لي بالمنتدى

[نسمه الليل]

 اخوان هاي اول مره اشارك بالمنتدى بس اني من المتابعين من زمان اني وصلت امريكا بلد الاحلام من حوالي شهرين اسكن في نيويورك / بافلو الي يحتاج اي سؤال عن هاي المدينه اني بالخدمه

[يمته تفرج]

الحمد لله على السلامة وان شاء الله تتوفقون بحياتكم بأمريكا ونيالكم يمكم شلالات نياغارا 

[slam hawk]

اهلا وسهلا بيك في المنتدى الغالي

[Ghassan2]

اهلا بيك و مبروك سفرك

[ابو الامراء]

اهلا وسهلا بيك وابن عمي موجود في بافلو ويقول ان اكثر سكانها من اصل ايطالي ودائما يضحكون ومرحين وتبعد 45كم عن شلالات نياكارا

[نسمه الليل]

شكرا للاخوان في المنتدى ( يمته تفرج و slam hawk وابو الامراء وGhassan2 على مرورهم العطر وان شاء الله السفر للجميع والحقيقه بافلو مدينه جميله والمساعدات بيها جيده والناس هنا اول مايشوفوك يبتسمون مثل ما كال اخوي ابو الامراء بس حسب قول اصدقائنا هنا شتاءها قاسي بعدنه ماجربنا اوافيكم بالاخبار من ينزل الثلج وشلالات نياغارا حلوه مسافه نص ساعه عن بافلو مره ثانيه شكرا للجميع

[العراقي11]

الحمد لله على سلامة الوصول والحياة السعيده انشاء الله

[ghassan_alabdi]

السلام عليكم . ممكن نعرف وضع المساعدات والعمل بالمدينة ؟ والايجارات اكيد ؟

[القلب المهاجر]

مبروك الوصول ويارب الحياة السعيدة المليئة بالنجاح والتوفيق
وشكرا لكم عى هذه المبادرة النبيلة
ممكن شرح عن هذه المدينة بشكل عام
ولاتنسونة من دعائكم

[ضياع]

اهلا وسهلا اختي نورتينا وشكرا على عرض مساعدتك للمحتاج

والف الحمدلله على سلامتكم

تحياتي اختك ضيااع

[نسمه الليل]

شكرا للاخوانghassan والقلب المهاجر وضياع وان شاء الله ربي يفرجه على الجميع اما بخصوص مدينه بافلو فهي تعتبر من مدن الشمال الي يتوفر العمل بيها والمساعدات ومدارسها جيده بس عيبها الطقس البارد بالشتا بالنسبه للمساعدات المنضمه ملزمه توفرلك بطاقه الطعام ( الفود ستامب )  وكاش مني الك ولاطفالك طيله ما انت بدون عمل بس بالمقابل هيه اطالبك ورى 3 اشهر من وصولك اما تروح مدرسه اذا كانت انكليزيتك قليله او تلتحق بعمل اذا كنت تتكلم انكليزي جيد ومن تبدي بالعمل حسب اجورك يبدون يكصون بالكاش بس الفود ستامب يبقى مايتاثر بالاضافه لذلك اكو كثير من الكنائس والمنضمات الي تطي مساعدات عينيه كان تكون اثاث وملابس وطعام وحتى لعب اطفال ممكن الي اول ما يوصل يستفاد من هاي الناحيه والعمل لازم واحد اول مايوصل يحاول قدر الامكان يرضى حتى ولو عمل بسيط حتى يكون اله تاريخ عمل بامريكا وبعدين حسب شطارته يبدي يطور  نفسه هذا الي اعرفه لحد الان عن بافلو.

[ghassan_alabdi]

شكرا للاخوانghassan والقلب المهاجر وضياع وان شاء الله ربي يفرجه على الجميع اما بخصوص مدينه بافلو فهي تعتبر من مدن الشمال الي يتوفر العمل بيها والمساعدات ومدارسها جيده بس عيبها الطقس البارد بالشتا بالنسبه للمساعدات المنضمه ملزمه توفرلك بطاقه الطعام ( الفود ستامب )  وكاش مني الك ولاطفالك طيله ما انت بدون عمل بس بالمقابل هيه اطالبك ورى 3 اشهر من وصولك اما تروح مدرسه اذا كانت انكليزيتك قليله او تلتحق بعمل اذا كنت تتكلم انكليزي جيد ومن تبدي بالعمل حسب اجورك يبدون يكصون بالكاش بس الفود ستامب يبقى مايتاثر بالاضافه لذلك اكو كثير من الكنائس والمنضمات الي تطي مساعدات عينيه كان تكون اثاث وملابس وطعام وحتى لعب اطفال ممكن الي اول ما يوصل يستفاد من هاي الناحيه والعمل لازم واحد اول مايوصل يحاول قدر الامكان يرضى حتى ولو عمل بسيط حتى يكون اله تاريخ عمل بامريكا وبعدين حسب شطارته يبدي يطور  نفسه هذا الي اعرفه لحد الان عن بافلو.

شكرا جزيلا  على الرد

[سبيس]

بس شغلة وحدة ومهمة ما عرجت عليها المنظمة وموظفيها من العراقيين
ابو الوليد

[نسمه الليل]

اخوي ابو الوليد احنا لحد الان كل الي تعاملنه وياهم من المنضمه امريكان ماكو عراقيين وتعاملهم فوق الجيد وهوايه ساعدونه مع خالص الشكر

[iraqforme]

بارك الله فيك . هذا العراقي الاصيل بي طيبة اهلنه حب الخير والمساعدة .
الله ينطيك على كد نيتك وماتقصر