رجاء مساعدتي بخصوص رسالة اليوم

[atheer jbaar]

السلام عليكم ورحمة الله

اخواني اجتني رساله وبيها ملفيين واحد وورد وواحد ملف pdf 

الملف وورد بيه رساله وبدايتها هذا الكلام
  ( تم اعتماد طلبك للحصول على حالة لاجئ في الولايات المتحدة شرطياً بموجب المادة 207 (أ) من قانون الهجرة والجنسية الأمريكي. الاعتماد النهائي مشروط بنجاح إتمام أي موافقات أخرى متبقية مطلوبة لعملية الفحص. قد تشمل هذه الموافقات، الفحص الطبي من خلال لجنة أطباء معتمدة بالولايات المتحدة، إتمام إجراءات الموافقة الأمنية، المصادقة على علاقات الأسرة، واستلام ضمان الرعاية من الوكالة التطوعية لإعادة التوطين في الولايات المتحدة.)   

وملف pdf هم بي رساله وتواقيع والاسم .... 

معناها موافقه مشروطه مو صحيح ؟؟؟   

طيب كم المده المتوقعه للسفر ..؟ وهل من الممكن يجيلي رفض ؟؟؟

للعلم الفحص الطبي بعد شهر ويصير اكسباير ...

تحياتي للجميع

[العراااب]

ان شاء الله موافقه كامله
شنو عنوان الرساله ؟؟؟

[اونزووو]

اخي الكريم من كلامك يبدو هاي موافقة مشروطة بالامنية  او ما يسمى بالدفرل لتر وكان سابقا تقريبا وراها 60 يوم ويخلص الجيك الخاص بها بس بعد هالضروف شوي كام تطول بس على العموم تاخذ للملف الطبيعي ست اشهر وهو الجيك الامني الطويل وبنفس الوكت هم يتم استحصال المبالغ اللازمة للرحلة واما شغلة الرفض فهاي خليها ببالك حتى عند اعطاء موعد سفر ورحلة وايضا في المطار قد ياتيك رفض وحصلت مع ناس كثير عندهم موعد سفر وهمة بالمطار واجاهم رفض بس تفائل وان شاء الله خير وما يجيك رفض وهاي الجيك فد شغلة عادية الجميع يمر بها
وعند نهاية الجيك الامني الطويل يتم تحويل الملف الى منظمة الاي او ام مرة اخرى ويختم بختم المحلف وايضا يقدم عندها فورمة مبالغ الرحلة والتي تسير بنفس الوقت مع الجيك الامني وتنتهي بانتهائه وعند تحول الملف الى الاي او ام مرة اخلى عندها تدخل مرحلة الجيك الامني ماقبل السفر والي ما يطول وبوكتها من يجيك اسئل علي
تحياتي

[atheer jbaar]

اشكرككم ع ردكم اخوتي الغاليين ..

اخويه العراب عنوان الرساله
    (Eligibility Letter )

[sara51067]

اشكرككم ع ردكم اخوتي الغاليين ..

اخويه العراب عنوان الرساله
    (Eligibility Letter )

هاي معناها موافقة كاملة
مبرووووووووووووك

[العراااب]

موافقه كامله الف مبروك
هو كاتبيلك الاعتماد النهائي اني شكيت بيها موافقه كامله بس ردت اتاكد منك الف الف مبروك

[atheer jbaar]

ربي يبارك بيج اختي ساره اشكرج وان شاء الله السفر القريب للجميع

[atheer jbaar]

اخويه العراب ربي يحفظك ان شاء الله اشكرك ...

بس ياريت تفيدني بمعلوماتك شنو الفرق بين ( الموافقه الكامله والموافقه المشروطه )

تحياتي الك

[العراااب]

اخي المحترم اثير ...
الموافقه الكامله يعتي المحلف وافق عليك بدون شرط التجييك الامني يعني افتنع بكلامك و بقضيتك بدون ميحتاج تحقيق و مراجعات الي ياخذ وقت طويل قد يكون سنة في بعض الحالات او اكثر اني مثلا صار خمس سنين من مقدم و لحد الان تجيبك امني لان موافقه مشروطه
الموافقه الكامله يعني متدخل بهاي المعمعه مال تجييك الا شي بسيط و اذا الله سهلك ان شاء الله تمشي امورك بسرعه و تسافر خلال كم شهر

[iraqforme]

الف مبروك اخي اثير انشاءالله هاي موافقة كاملة بس اعتقد هاي كليشه تندز للجميع معناها بالعاميه ( لتلح وتخبصنه احنه من نكمل ملفك ونجهزه للسفر نتصل بيك ) 
تمنياتي الك بالموفقية والحياة السعيدة في بلدك الجديد .
تحياتي

[atheer jbaar]

شكرا الك اخي الغالي العراب ... بصراحه معلوماتك جداً فادتني ...

ولو ازعجتك بأسألتي  بس تحملني ههههههه

اخويه تاريخ الكتاب الي وصلني هو 11 مارس يعني شهر 3 ... وامس وصلني .. للعلم 11 مارس كان يوم مقابلتي مع المحلف ... شعجب الكتاب جاهز من 11 مارس والبارحه ارسلوه لي ! 

تحياتي الك اخويه

[atheer jbaar]

الف مبروك اخي اثير انشاءالله هاي موافقة كاملة بس اعتقد هاي كليشه تندز للجميع معناها بالعاميه ( لتلح وتخبصنه احنه من نكمل ملفك ونجهزه للسفر نتصل بيك ) 
تمنياتي الك بالموفقية والحياة السعيدة في بلدك الجديد .
تحياتي

ههههههههههه  والله يا اخويه ما ادزلهم رسائل ابد ولا اخابر واسال ع الملف ... اصلا يجوز اكثر ملف مرتاحيله ملفي لان ما اتصل بيهم ههههههههههههههه 

تحياتي الك