استفسار من أصحاب الخبرة , الكليشة الامنية عن الاوضاع في العراق انغلت برأيكم معناها رجوع المنظمة قريب

[يمته تفرج]

السلام عليكم أخواني الاعزاء

استفسار لاصحاب الخبرة والباع الطويل مع المنظمة لاحظت لاكثر من مرة بأيميلات المنظمة ( الرد ) انه كليشة الامنية عن أوضاع العراق انلغت , برأيكم وحسب خبرتكم هاي بادرة خير لرجوع المنظمة لو ماتمثل شي ؟

[phpcomputer]

والله اخوية انشاالله بادرة خير واني سمعت انه يوم 25 بهذا الشهر راح يجون المحلفين لمدة شهر فقط والله كريم انشاالله تفرج على الجميع ونسالكم الدعاء انشاالله

[يمته تفرج]

اخوية يعني شنو لمدة شهر مفتهمتها لهاي , يعني يقابلون الكل بشهر واحد ؟ هاي شلون ترهم وشلون يلحكون ؟

[phpcomputer]

لاحبيبي مو هذي السالفة راح يجون شهر ويرجعون وبالسنة الجديدة يرجعون بس شوكت مانعرف
حبيبي انت ماتعرف المحلفين عدهم وقت ومدة يجون بيها ويرجعون هو هذا اللي يفتهمته اني

[يمته تفرج]

لا والله مااعرف يجون بوقت ويروحون بوقت واني كانت عندي مقابلة محلفين بس أجلوها اللي وتوسلت بيهم ان ميأجلوها وماقبلوا وكالوا هذا سياق يمشي على كل اللي عدهم مقابلة ومو بس انت أجلنا مقابلتك

[ryan dani]

اخوان الارضية للمقابلات جاهزه بس الجداول للمقابلات من عمان وبرامج المقابلات للان لاتوجد بادره وانشاء الله اول ما اسمع شئ للمقابلات ابلغكم بس مولوا يالله

[DR.ROMII]

ان شاء الله يسهل امور الكل يارب وتحقق كل الاماني ونخلص من هذا البلد الي استهلك صحتنا النفسية يارب

[يمته تفرج]

ryan dani شلون تبلغنا ؟ انت تشتغل بالمنظمة لو عندك معلومات شوكت يرجعون الموظفين ؟ اذا عندك معلومات نورنا بيها وفيد أخوانك اللي ينتظرون المقابلات ترجع

[slam hawk]

كل شيء بأذن الله ان اراد شيء قال له كن فيكن جلت قدرته

[يمته تفرج]

ونعم بالله , الله يفرج علينا وعليكم وعلى الجميع ان شاء الله

[ryan dani]

يمته الفرج ... احنه هسه نشغل الهم الكهرباء وضعيه حرجه بس من نشغل الهم الكهرباء مستمر مع الصيانه ..معناها تم العمل بصوره يوميه للمكاتب والمنام .. وانشائ الله خير ... واني ما اشتغل بالمنظمة

[يمته تفرج]

اخ ريان يعني حضرتك مسؤول عن الانارة مال موقع المنظمة ؟؟؟ هذا اللي افتهمته من كلامك وافتهمت انه الانارة مستمرة يعني موجودين موظفين صح ؟ زين ليش ميبلشون بالمقابلات اذا موجودين والانارة مشتغلة عليهم وانت تسوون اللها صيانة وادامة ؟؟؟ الله يخليك ماكو احد تسأله ؟ او تكدر تروح تشوف شنو الوضع هناك واكو محلفين لو ماكو محلفين لان اني انتظر مقابلة محلف وحددولي مقابلة محلف بس بسبب الاوضاع خابروني وكالوا تأجلت مقابلتك

[ryan dani]

يمته الفرج... اني اشتغل بالمولدات ... وصدكيني اني اسالهم من فتره واخرى وهمه تره موجودي بس جداول العمل والمقابلات تجي منعمان ..فاذا ماكو شغل يحولوهم لدولة ثانيه لو لاربيل ويرجعون وهمين ينتظرون الجداول والمقابلات اذا ماتجي من المكتب الاقليمي كلشي مايسسوون ...والارضية مالتهم جاهزه بس شوكت يبدون الله اعلم همه وحسب تقديراتهم ... ولاتضوجين الاثنين اداوم وهمين اسالهم الج