السلام عليكم ...
أخواني , أخواتي
اليوم فتحت الموقع لكيته مغلق و فتحت الأيميل لكيت رسالة الرفض و الأسباب ( أخرى ) ... أني تقديم 14 شباط 2010 ,, و عايد فحص 3 مرات .. ولا مرة أكتملت الأمنية و الفحص الأخير أنتهى يوم 18 آب الماضي ...
من قدمت أضفت أخويه للملف .. أخويه بعد يومين يكمل سنتين في أميركا ... آني لا مترجم و لا هم يحزنون و لا بلاك لست و سيرتي معهم مضبوطة ... حياتي توقفت صار حوالي خمس سنوات ... لا شغل لا تطور بالبيت لا خلفة ...
طبعا مراح أقدم أستئناف لأن من قدمت دعيت رب العالمين أنه أذا ما ألي بيها خير أو ممكن أتعذب بيها .. أنه متصير ... ومادام صار رفض أذن ما بيها صالح ألي و لا لعائلتي والله أعلم ... الظاهر قدري أنه أبقى بهذا البلد ... والله المستعان و الحمد لله ....
تحياتي لكم أخواني و أخواتي ... أرجو أن لا أكون يوم أزعجت واحد من اللي يعرفوني كعضو هنا ... صار أكثر من سنه ما أدخل الا كزائر بعد ما أصبح السفر عندي مجرد وهم ... وفعلا اليوم أصبح الوهم حقيقة ...
تقبلوا أحترامي و ربي يقضي حوائجكم بالخير ....
محمدأبو مصطفى
