رحمه لاهلكم اكو احد مشتغل مع prt فريق الاعمار او يعرف اي معلومه جزاكم الله الف خير ويسر الله اموركم

[مهند القطان]

السلام عليكم انا عملت مع prt فريق الاعمار وعندي ركمنديشن من المشرف ولكن لايملك اميل رسمي والمشكله ان prt انتهى عملهم بالعراق ولا اعرف كيف احصل على تأكيد عمل ارجو من كل الشرفاء مساعدتي وجزاكم الله الخير

[امين عبد الله]

اخي الكريم

انهت منظمة PRT عملها في العراق من مدة طويلة جدا، كما وان عملها في العراق مع المجالس البلدية لم يستمر طويلا لذلك اقترح عليك بالاتصال هاتفيا بالسفارة الامريكية والاستفسار منهم على المعلومات التي تريدها. سؤالي هل كنت تعمل معهم في بغداد؟؟

[مهند القطان]

نعم في بغداد وكيف اتصل بالسفاره وهل سيعطيوني معلومه

[امين عبد الله]

اخي الكريم

تستطيع الدخول على الويب سايت الخاص بالسفارة.
عن اي شخص بالذات من جماعة ال PRT تبحث؟؟ فلربما استطيع مساعدتك

[مهند القطان]

لانس داورتي او اي موظف امريكي ب تيم بغداد فياريت اذا تعرف اميلات موظفي بالprt ترسلهم الي

[امين عبد الله]

لانس داورتي او اي موظف امريكي ب تيم بغداد فياريت اذا تعرف اميلات موظفي بالprt ترسلهم الي

اخي الكريم
ان شاء الله لا تشيل هم، بس اعطيني كم معلومة حتى اعرف باي اتجاه ادور. سؤالي مع اي مجلس بلدي كنت انت ولانس داورتي تشتغلون؟؟ واعطيني يومين بس

[امين عبد الله]

اخي الكريم
اليوم اتصلت باحد اعضاء المجلس الذي كنتَ تعمل معه ووعدني خيرا ان شاء الله.
وان شاء الله بالليل اتصل بشخص اخر من مجلس اخر وان شاء الله احصل لك عناوين المسؤولين بال PRT.

بالمناسبة، هل ان Dan Bisbee دان بيزبي كان من ضمن فريق ال PRT ام لا؟

[ابن الصويرة]

اخي مهند .. الله يوفقك وتلكه طريقة لاثبات عملك ... لان اني وياك مرينه بنفس المعاناة ... لانس صديقي واذا تعرف ثاد هماتين كلش صديقي بس للاسف مكدرو يساعدوني لان جون اليرمن ما قبل والمصيبة ميملكون ايميلات رسمية .. طبعا اني بهالمنتدى الراقي تعرفت بناس قمة بالطيبة ومنهم شخص الله يوفقه سافر حاليا تراسلنه عالخاص وكدر يقنع السوبر فايزر مالته وسوالي ايميل اثبات عمل رغم هو مو ب PRT بس الحمد لله مشت وكملت مقابلة اولى ومنتظر المحلفين .. اتصور نصحتك ضمنيا شراح تسوي .. وصلت الفكرة مو ... تحياتي

[مهند القطان]

لا ثاد ولا لانس عدهم اميلات صح هالشي وانته لكيتلك واحد يرتب الك تأكيد عمل واني مسحيل حلكه هيج شي وذوله ال prt الله ينتقم منهم ميأكدون عملنه الي الله بعد

[حسين عزيز]

السلام عليكم اخوتي الاعزاء الله يخليكم ارجو المساعدة نزلت حوالي ٥ مواضيع بس ماكو احد كدر يساعدني ارجوكم ساعدوتي . والله من ال ٢٠١١ لحد الان شغلتي واكفة على تأكيد العمل اني عملت مع الprt عقد رسمي على مشروع وانجزته وعندي ايميلاتهم القديمة بس المشكلة مغلقة كلها اكو احد يكدر يساعدني للوصول الهم وملفي انغلق كالو لان ماكو تأكيد عمل اخوان الله يخليكم ساعدوني ..
مع جزيل شكري

[ابن الصويرة]

السلام عليكم .. اخوتي الاحبة مهند القطان وحسين عزيز .. ارفقتلكم صورة لبعض الايميلات الرسمية لــ PRT عسى ولعل تنفعكم واعتذر من الاخ مهند لعدم مقدرتي ابداء المساعدة .. ربي يوفقكم ويسهل امركم

[امين عبد الله]

شكرا لك اخي الكريم ابن الصويرة لهذه المعلومة الرائعة.. طبعا لك ولجميع الاخوة المحتاجين لتأييد عملهم مع ال PRT. تستطيعون ان تراسلون بيتر بولس Peter Pollis ودان بيزبي Dan Bisbee عن طريق الفيسبوك فلهم صفحات في موقع التواصل الاجتماعي.

              وتتدللللللللللوووووووووووووووووووووووون

[مهند القطان]

شكرا اخي ابن الصويره بالعكس الله يجازيك بالخير ويسهل امرك

[مهند القطان]

اشكرك اخويه امين لكن هل هؤلاء بالفيس لديهم اميل رسمي ويتقبلو طلب تاكيد العمل ام لا

[امين عبد الله]

اشكرك اخويه امين لكن هل هؤلاء بالفيس لديهم اميل رسمي ويتقبلو طلب تاكيد العمل ام لا

اخي الكريم
تستطيع ان تراسلهم عن طريق الفيسبوك وتشرح معانتك ومعاناة الكثير ممن كان يشتغل مع ال PRT كذلك نزلت موضوع ثاني مقتبس عن الاخ Sparky اقرأه فابمكانه مساعدتكم.

[ابن الصويرة]

تحية لك من القلب اخي امين عبد الله لاهتمامك وابداء المساعدة لاخوانك .. بارك الله بيك . تقبل تحياتي

[مهند القطان]

رحم والديكم اخوان امين وابن الصويره وادعو من الله ييسر امركم وامري

[مهند القطان]

ماكو اي احد رد عليه من الميلات وقسم منهه مقفوله رحمه لاهلكم ماكو غير حل مو والله متت

[امين عبد الله]

ماكو اي احد رد عليه من الميلات وقسم منهه مقفوله رحمه لاهلكم ماكو غير حل مو والله متت

اخي الكريم
اكتب الى بيتر بولس Peter Poliss او دان بيزبي Dn Bisbee عن طريق الفيسبوك.
وعندما ترسل لهما ركز جيدا بان لا تتكلم عن نفسك وعن طلبك لانهم حتما لايعرفوك ولكن اخبرهم بان الكثير ممن عملوا مع ال PRT يواجهون المشكلة كذا وكذاوتطلب  منهم ان يجدوا حلا لجميع الاشخاص الذين عملوا مع ال PRT.

[مهند القطان]

حبيبي امين بيتر بولس ملكيته ودان بسبي لكيته ودزيتله ومثل مفهمتني قبل وهسه محجيت عن نفسي حجيت بصيغة الجمع لكل من عمل مع prt و ووصله الاميل ومجاوبني

[مهند القطان]

وكلش اشكر اهتمامك امين واشكر تواصلك والله ما اعرف شأجازيك واتمنى الله يقدرني واخدمك

[امين عبد الله]

حبيبي امين بيتر بولس ملكيته ودان بسبي لكيته ودزيتله ومثل مفهمتني قبل وهسه محجيت عن نفسي حجيت بصيغة الجمع لكل من عمل مع prt و ووصله الاميل ومجاوبني

اخي الكريم
بيتر بولس موجود بالفيسبوك، اما عن دان فانتظر لان حيجاوبك

[مهند القطان]

والله ياريت يجاوب وحدوره لبيتر بالفيس هسه من جديد