قابلت مرة وحدة واستلم نتيجة المحلفين مرتين؟!!!

[GraphicDesigner]

مرحبا
استلمت موافقة المحلفين بالـ 2009 وبانتظار الامنية من ذاك الواقت
واتصلوا عليه الخميس يقولولي يوم 13/10 تجي للاي او ام تستلم نتيجة المحلفين
سالته قلتله اني مستلمه من 2009، قلي ما اعرف من تجي انت تعرف
شنو الموضوع ياجماعة الخير؟!!!
عندي صديق نفس الفقرة مر بيه دينتظر الامنية بعدين اتصلو عليه واجاه رفض
بس اني اني همين

[sindbad2014]

طيب اخي حاله الملف بموقع عمان شلونها
اي
 حالة الملف
حالة مقابلة المحلف  هل مكتملة ام كانت مستمرة فعال
الفحص الطبي .... الخ

انشا ءلله خير ويارب متسمع خبر موزين

[GraphicDesigner]

والله ياصديقي مفاتح الموقع لان ناسي الباسوورد
وحاير ليش هيج صار
معقولة انو اجاني رفض بسبب الامنية؟!

[sindbad2014]

حسب الي نسمعه والي قاري من متابعاتنا لذوي الخبرة بالهجرة انو الرفض ميجي بسهوله الا اذا كان الشخص حزبي سابق واله دور بارز بالنظام السابق او اكو نقاط سوداء في عسكريته كان يكون من فدائيي صدام او من شارك بعمليات الابادة الجماعيه او من كان في الحرس الجمهوري فاذا انت انشاءلله ماعدك اي وحده من النقاط اعلاه ما اعتقد يجيك رفض فاتفائل خير والله كريم ماعدك غير الصبر

يارب تفرج عليك وعلينه وعلى كل ابناء بلدنا

تحياتي

[iraqforme]

حسب الي نسمعه والي قاري من متابعاتنا لذوي الخبرة بالهجرة انو الرفض ميجي بسهوله الا اذا كان الشخص حزبي سابق واله دور بارز بالنظام السابق او اكو نقاط سوداء في عسكريته كان يكون من فدائيي صدام او من شارك بعمليات الابادة الجماعيه او من كان في الحرس الجمهوري فاذا انت انشاءلله ماعدك اي وحده من النقاط اعلاه ما اعتقد يجيك رفض فاتفائل خير والله كريم ماعدك غير الصبر

يارب تفرج عليك وعلينه وعلى كل ابناء بلدنا

تحياتي

حبي الرفض ثبت انو ماله علاقة لا حزبي ولا امن ولا مخابرات ولا قائد قوات ذيج الصفحه .. الرفض هو للتخلص من كم الملفات الضخمه اللي تكدست على راسهم ومديعرفون شنو السالفه والدليل اعرف عائلة بس همه كل واحد ملف مستقل  ابنهم اجا رفض وهو هسه عمره 24 سنه وطالع من العراق قبل عشر سنين يعني جان عمره 14 سنه واجا رفض امني !!!! شنو رأيك  وعجايز وشياب هم اجاهم رفض امني !!
اما حالتك هيه نفس حالات الاخوه بما فيهم اني  هم مستلمين الموافقة ووره سنتين هم دزو علينه لأستلام النتيجه
الله يسهلها على الجميع

[GraphicDesigner]

والله ياشباب اني مينطبق عليه هاي الاوصاف
اني اشتغل بالاعلام، واصدقائي كنا نعمل سوى وطلعوا بدون مشاكل
بس هي قضية نصيب لا اكثر
بس كون يجي باجر

[al nasser]

اخي كول يالله وباجر تبين النتائج اني هم نفس الحال وياك وهم كلولي تعال يوم ١٣ وكلهة كم ساعة وتبين وطمئن انشاء الله خير

[GraphicDesigner]

al nasser
اخويه انت هم مستلم موافقة قبل ودتنتظر الامنية وهم خابروك؟

[al nasser]

اي والله اخوية نفس الحالة مستلم نتيجة وكانت موافقة واتصلوا علية واستلم النتيجة باجر الي هوة يوم ١٣ بل الشهر

[GraphicDesigner]

يله الله كريم
الله يسهل للجميع

[GraphicDesigner]

خمس سنوات انتظر الموافقة الامنية وشهر
واليوم استلمت النتيجة ( مرفوض )
منقهرت عالمستقبل الي بانيه على اللجوء ، مقهور على السنوات الي فاتت ومقدرت اتقدم خطوة بسبب هذا الامل.
بس اني متيقن من شي
( لعله خير )
الموفقية للجميع

[Ms.sabbah]

الله ييسر امرك انشا الله خير هية مشكلتنة الانتظار اني رصار 3 سنوات واخاف من هذا اليوم ومكدرت اتقدم خطوة لان افكر اليوم باجر يتصلون بينة وعل هل الرنة