موضوع مهم للي على وشك السفر يرجى الدخول من الي سافرو الفائدة للجميع

[Carloiraqi]

السلام عليكم اني نزلت هذا الموضوع لان حسب ما اشوف اكو هواي سفر والحمد لله وبالاخص هاي الفترة واكو مواضيع اني الصراحة دورت عليه بالمنتدى بس ملكيتهه وحبيت اسوي موضوع شامل هنا الموضوع يكون كول شخص سافر والحمد لله يكتب تفاصيل السفر مالته وشنو الي لازم ياخذة ويا اذا جان شي مفيد اثناء الرحلة او من يوصل من ناحية الملابس و الفلوس والغراض الثانية المهمة ياريت الكل يشارك لان موضوع مهم للكل وان شاء الله السفر للجميع والموفقية للي وصلو تحياتي اخوكم كارلو من بغداد

[اونزووو]

اتوقع شايف المواضيع الي طلبتها بالارشيف مال المنتدى حيث كثير اخوة كاتبين بهاي المواضيع ممكن ترجع الها
تحياتي

[Carloiraqi]

حبيبي اونزو اني دورت بس ملكيت وهم ماكو مشكلة لو يصير موضوع جديد لان اكو ناس هسه سافرو ويجوز اكو معلومات جديدة راح اتفيد الكل تحياتي وشكرا على المرور وردة

[اونزووو]

بالعكس ملفي يشبه ملفك بتقديري وتفيدنه المعلومات بس من نقراها هسة مو مثل ما تصير صدك يعني من يحددون الك موعد السفر تبدي تشوفها بشكل اخر وتهم عليها اكثر هسة مدام معلك مالك واهس تحس والله كريم يسهل النه والكم وبتقديري انت لو تبدي تحدد المواضيع مثلا اول شي يبدي السفر الجنط وثاني شي شنو الي يفيد من الملابس وانت طالع على شتى فتاخذ اكيد شتوي وعلمود الوزن مراح تاخذ صيفي شي بسيط تبقى نسئل هل الملابس رخيصة الصيفية زين الادوية ممكن ناخذ ويانه مثلا فد عشرين شريط مشكل كل جنطة مثلا جنطين ومثلا الحاسبة نبيع حاسبتنه هنا ونشتري مناك لو مثلا نشتري منا ارخص ومن هالاسئلة
تحياتي

[ضياع]

عاشت ايدك اخي على هذا الوضوع لان اني اليوم خابرت بنت عمي بشيكاغو هية

واصلة قبل ٦ شهورحجتلي غير كل الحجي الي جنة نقرا بلمواضيع القديمة للاخوة

مثلا تكول رعاية الاطفال بس ٦ شهور همة بشيكاغو وراها يبقى بس تامين صحي لاحليب يظل لاحفاضات

مدارس زي وكتب على حسابكم شغلات هواية وكالت ع المنظمة حراميةويبوكون الفلوس وماجريلهم بمنطقة تعبانة حيل

عايفيها وطالعين همة مأجرين بمجمع بكفالة صديقهم

تكول متغيرة هواية شغلات عن قبل كم سنة من جانو يسمعون

وزن كل شخص فقط ٢٣ كيلو والاطفال جوة سنتين ماكو وزن وهاند باك بس٥ كيلو كل شخص

بس احنة ولايتنة ارخص كالت الي هية كفيلنة ب تكساس / دالاس

ف ياريت من الاخوة الطالعين جديد ينطونة معلومات جديدة وصريحة

وياريت الموضوع يظل فعال من الجميع لان بي فائدة كبيرة

تقبل مروري اختك ضياع

[Carloiraqi]

حبيبي اونزو كلامك ذهب والله وهاي الامور حتى البسيطة نحتاجهه وعلى كولتك الوزن والعلاج ..... الخ شكرا اخوية على الرد

[Carloiraqi]

شكرا اخت ضياع على المشاركة والله اني هذا هدفي لان قبل جانت هواي شغلات تختلف وهسه هواي شغلات تختلف يعني هاي المعلومات للكل و بالاخص الي على وشك السفر راح اتكون معلومات من اكثر من جهة وكول واحد يكدر يسوي ويتصرف على الاكثرية واتمنى بعد من الاخوة الي وصلو بالسلامه يساعدونه
شكرا الج خيتو على المشاركة

[ضياع]

Upppppp. للفائدة