بعد 14 سنة خدمة في سنوي بتئولي .....مرفوووووض

[فارس البغدادي]

صباح الخير على خواتي واخوتي العنكاويين

حبيت انقللكم اخر اخباري واقتبست مقولة عادل امام في مدرسة المشاغبين
( بعد 14 سنة خدمة في سنوي بتئولي ....مرفووض )
هههههههههههههههه
الحمد لله والشكر والف الحمد لله
البارحة استلمت رسالة رفض الكيس واليوم صبحت غلقوا واخيرا واخيرا خلصت من هالشدة اللي كنت عايش بيها بين الم الانتظار والخوف من المجهول ولازم اجيك ملفي بين يوم ويوم وفحص وامنية ومحلف ومقابلات و........الخ
بس اللي قهرنا انه اللي سوته المنظمة هو فقط قسموا عائلتنا وباعدوا بيناتنا سفروا اهلي واخوية وبقيت اني وعائلتي بقينا ...الله ارحم والحمد لله والشكر
للي مايعرفني
تفاصيل ملفي
تقديم شهر 1-2010
كيس نمبر 116 بغداد
مقابلة محلف 8-2012 وحاصلة الموافقة بعد شهرين من المقابلة
الفحص طبي ثلاث مرات بعين العدو والرابع اكسباير من اربع شهور هههههه
وهذا كلشي ومراح اقدم استئناف لان حقيقة ما عندي قلب اعيش هاي الماساة مرة ثانية

تحياتي للمنتدى الاكثر من رائع
ادارة واعضاء وضيوف لما قدموه لي من نصائح ومعلومات واصدقاء
فحبيت اشكركم جميعا لان بعد ما ادخل

تحاتي للجميع
فارس البغدادي
النعيــــمي سابقا

[Lion New York]

الله يكون بعونك اخوية الله يعوضك بشي احسن وافضل بعون الله

[الاحلام]

اخوية العزيز مو مشكلة اكو حل ثاني بس ياخذ وقت طويل جدا وبما ان اهلك كلهم بأمريكا فسوي لم شمل وانساه لحد ميطلع والله كريم

[تفرج]

الله ارحم الراحمين اخوية وتفرج ان شاء الله
ليش متقدم استئناف انت شخسران دز الايميل وانساهم بس احسن من ما متقدم استئناف وخلي اعتمادك على رب العالمين وتفرج ان شاء الله بحق محمد واله الاطهار

[Tanner007]

اخي العزيز ..
الله يصبرك ويعوضك خير ، بصراحة اخي هم عندي قلق من احتمال رفض ملفي لان صارلي سنتين من لغوا موعد سفري (ايلول 2012) ومن يومها مكمل كل شي بس انتظار سفر بعدين الامنية صارت اكسباير بنفس السنة ونامت الطابوكة عليها . وبهالسنة عدت الفحص الطبي واكتمل حزيران الماضي وهم الامنية والسفر انتظار والفحص راح يصير اكسباير بشهر 12 وبرغم اليأس والاحباط اليومي بس املي الله يفرجها ولله الحمد على كل حال. المهم اريد اكلك اني من راي الاخ (تفرج) انت شخسران دز رسالة استئناف وانساها اعتبرها بطل بيه رسالة بالبحر هم تصدف ويقرها واحد (قل لن يصيبنا الا ما كتب الله لنا) والخير فيما اختاره الله.

ان شالله تفرج عليك وعلينا جميعا
تحياتي
ابو علي

[العراقي72]

السلام عليكم أخي صاحب الموضوع .. قل حسبي الله ونعم الوكيل .. أخي ادعوك بالأنضمام الى جمعية المرفوضين ومن ثم بعد الأستئناف أدعوك بعدها للأنضمام الى جمعية المستأنفين ,, وربك يسرها ,, أنت شخسران قدم وهسة تشوف شلون تصير ويخابروك وتصير سوالف .. تحياتي

[‗_ღ الحائر ღ_‗]

الله كريم

[ام محمد84]

يلة اخوية ميخالف انضم الى قافلتنة…  قافلة المرفوضين..

[ابو فرقان]

النعيمي الغالي, رفيق النضال . دمرتني بهذا الخبر الحزين وما اوافقك الراي انو تلغي الفكرة. قدم الاستئناف وانساه افضل ومخسران شي هوة ايميل ادزة وتعوفة. تقبل امنياتي لك بالاستقرار والاطمئنان وربي يشوفك كل خير

[Sound of Soul]

الله يعوض صبركم خير اخونا فارس البغدادي
ونصيحتي ان تقدم استئناف .
حضرتك بكل الاحوال باقي فقدم استئناف واللي فيه الخير يجيبه ربنا
وعن طريقة تقديم الاستئناف هذا موضوع للاخ المحترم سباركي
http://www.ankawa.com/forum/index.php/topic,669792.0.html
نتمنالك كل الخير التوفيق .
تحياتي .

[صبيه]

اخ فارس الحال من بعضه اني هم اجاني رفض قبل شهر يعني زوجي بامريكا واني واولادي يرفضوني
عجيب امووووور غريب قضيه ههههههههههههههههه ولايهمك ابو احمد نحن لها قدم استئناف وتوكل على رب العالمين والي بي خير يقدمه رب العالمين ... تمنياتي لك بلتوفيق
اختك صبيه

[*Ray]

ياااا ابو احمد هاي شنو. كل الاصدقاء القدامى اجاكم رفض  الله يعينك  ومثل ما تفضلوو الاخوه
ان شاء الله القبول بعد الاستئناف  ربي يعوضك بالخير

تحياتي اختك راي

[رسيــRــل]

الله يكون بعونكم ابو احمد وان شاء الله تستأنف وتنجمع بأهلك مره ثانيه

[dhia]

عزيزي واخوي الغالي ابو حمودي الذهب..الك الله سبحانه وتعالى وما الك غيره...والله ايكون ابعونك وابعون كل المرفوضين والمعلقين...والخبر جدا مؤسف ولا نعرف ماهيه السياقات التي تسير عليها دائره الهجره الامريكيه...يعني صدك عجيب امرهم..واني   امحضر نفسي للرفض بس اتمنى ميطولون ابرصاصه الرحمه لانه  كافي انتظار وانتظار وانتظار..
 قدم استئناف وغمض عيونك وامشي ابحياتك  وانكول الله كريم والله ايسهلها انشالله ويلتم شملك ويا الاهل باقرب وقت يارب....
   اخوك
 ضــــــياء

[um shaheen]

مو خوش خبر اخونه العزيز ابو احمد
والله حيره بس اخويه العزيز قدم استئناف اني مع رأي الاخوه قدم استئناف وانساه وان شاء اللهضيع تعبك ويلم شملك ويه الاهل بخير وسلامه
تحياتي
اختك ام شاهين

[rafula]

الله لايوفقهم على السوو بينة اني هم قبلك باسبوعين استلمت الرفض همة متقصدينة احنة القدماء اخذوا من عمرنة اربع سنوات انتظار وتالي رفض حسبي الله ونعم الوكيل بيهم ظلمونة

[البرق]

السلام على اخي الغالي فراس النعيمي واختي الكريمة صبية
يشهد الله اني تالمت جدا لهذا الخبر السيئ ساعدكم الله واعانكم على هذا البلاء لكن يبقى الخير فيما اختاره الله عسى ان يعوضكم خيرا مع خالص الدعاء لكم اخوتي الاعزاء على قلبي

[Awsaws]

صديق واخي ابو حمودي الورده بقدر ما سررت اليوم لسماع سفر الاخ الغالي حسين الجبوري بقدر ما تالمت لقرائتي هذا الخبر ولاكن نقول حسبنا الله ونعم الوكيل اخي ما دام هناك ايمان فهناك امل اخي ارجوك لا تيئس واستمر بعمل ما تقدر عليه وكل ما يأتي به الله فهو خير الله يكون بعونك ويفرج همك ويلم شملك باهلك ويحفضكم من كل سوء

[لورنس السفاح]

مع الاسف ابو احمد والله ماتستاهل
حبيبي قدم الاستئناف والله كريم
اتمنالك التوفيق

[المهندس الزورائي]

اخوية العزيز .. هسه انت بحالة نفسية سيئة ,, لذلك حتى لو كتبت صيغة الاستئناف حتكون مو دقيقة بسبب وضعك النفسي .. انتظر كم يوم واهدأ واحمد ربك وتوكل على الله وقدم استئناف مضبوط ودقيق .. وان شاء الله خير .. تحياتي

[ryan dani]

مثل ماكتلك .. امامك حلين لو تقدم استئناف لو اتقدم استئناف .. واطبك ويانه على السره وهيه خربانه من فلم الرسالة ...الله عليك شلوني مو متابع الافلام كله ... ولاتنسى تكوله للوالد على الموضوع انته سوية وراح تشوف نفسك يمة بلية المنظمة والاستئناف ؟؟؟هههههههههههه

[ابو فرقان]

استئناف اخوان لحد ييأس . وهي خربت من كتلو الحمزة

[اجونة]

 ﻻﻻﻻ اخويه النعيمي ابد مو خوش سالفه  الله يكون بعونك قدم استاناف وانسااه مثل مانصحوك اخوانك . الله كريم تكضي
اختكم اجونه من اميركاا يوم اللكم .