اليو ان في مصر

[نازحين للابد]

السلام عليكم
اﻻخوة اﻻعزاء المتواجدين حاليا في المنتدى اللي يملك معلومات عن مصر وطريقة التقديم لليو ان والحياة الطبيعية هناك فياريت تسولفونا عليها شوية

[Lion New York]

اخوية اليو ان بمصر تعبانة جدا
اكو ناس قدماء لحد الان ممحوليهم للتوطين

[iraqforme]

حبيبي مثل ماكال الاخ لايون واني ذكرتها بهوايه مواضيع للاخوه اللي كانو يسألون عن مصر وعن اليوان .. وارجع واكول اليوان بمصر تعبانه جداً جداً عندي اصدقاء صارلهم عشر سنوات ولحد هسه كل ميراجع يكلوله انت ممستحق توطين . والسبب هو كثرة الافارقة بصورة مخيفه يعني تروح لليوان تلكي الافارقه بايتين وفارشين جودليات وغطه  هاذي حقيقه مو مبالغة لان ماعدهم مكان ينامون بي فه ينامون اباب اليوان وكل اسبوع يسوون مظاهرات وطابوك والدنيا يعلكوها وتجي الشرطه ومكافحة الشغب تتدخل . بس بقت انت وحظك لان بالمقابل اعرف ناس مطولت 3 سنين وتحولت من اليوان . اما بالنسبة للعيشة فه طبيعية مثل العراق بس الفرق انو هنا امان بس اذا تحسبها كمصاريف هيه هيه تقريباً مع فوارق بسيطه .
هذا الكلام عن خبره 9 سنوات بمصر  يعني حمضت 
تحياتي

[نازحين للابد]

شكرا جزيلا على الرد صارت زحمة عليكم

[اوس العاني]

السلام عليكم اخوية
 مسألة حظ اني جنت اعرف عوائل والله سنتين مطولو وسافرو واكو ناس بالعكس يعني هية شغلة حظ اما
بالنسبة للعيشة فجريمة انو اتقارن بين العراق ومصر يا اخي
اللي عندة ملك بالعراق مستحيل يصرف جوة المليون دينار عراقي ناهيك عن خط المولد والاوضاع الامنية
اما في مصر والله والله بست او سبع اوراق اتعيش حياة احلى من العراق وللمعلومة هاي وياهة الاجار
فكيف تقارن معيشة مصر بالعراق
للعلم اني جنت سنتين بمصر
تقبلو مروري
اوس العاني

[iraqforme]

السلام عليكم اخوية
 مسألة حظ اني جنت اعرف عوائل والله سنتين مطولو وسافرو واكو ناس بالعكس يعني هية شغلة حظ اما
بالنسبة للعيشة فجريمة انو اتقارن بين العراق ومصر يا اخي
اللي عندة ملك بالعراق مستحيل يصرف جوة المليون دينار عراقي ناهيك عن خط المولد والاوضاع الامنية
اما في مصر والله والله بست او سبع اوراق اتعيش حياة احلى من العراق وللمعلومة هاي وياهة الاجار
فكيف تقارن معيشة مصر بالعراق
للعلم اني جنت سنتين بمصر
تقبلو مروري
اوس العاني

حبيبي اوس اني ممقارن لانو كلت هنا امان اما بالعراق فلا يوجد امان بس بالنسبة للمصرف تقريباً نفس الصرف . تريد نحسبها حساب عرب ماعندي مانع ايجار ومي وكهرباء وغاز 400$ والعيشه بالشهر اذا عائلة مكونه من اربع انفار مواقل من 500$ شهرياً لان العيشه غلت بالاشهر الاخيرة بعد غلاء اسعار الوقود فه بقية الاسعار ارتفعت اوتماتيكي .
ملاحظة هذا المبلغ التقديري هو اذا انت اقتصادي ومتحب طلعات وونس هواية

[اوس العاني]

حبيبي يعني مجموع تسع ورقات صح
تعرف انتة بالعراق احنة بس ايجار وخط المولد شكد جاي ندفع والله ثمن ورقات والله العيشة بالعراق صعبة كلش حيل حيل صعبة
انتة ارجع للعراق وتعال عيش هنا وشوف حجيك صح بس انتة جاي تحجي قبل متطلع من العراق
بس ارجع وشوف الغلاء والله لتكول الامارات ارحم

[Lion New York]

حبيبي يعني مجموع تسع ورقات صح
تعرف انتة بالعراق احنة بس ايجار وخط المولد شكد جاي ندفع والله ثمن ورقات والله العيشة بالعراق صعبة كلش حيل حيل صعبة
انتة ارجع للعراق وتعال عيش هنا وشوف حجيك صح بس انتة جاي تحجي قبل متطلع من العراق
بس ارجع وشوف الغلاء والله لتكول الامارات ارحم

والله الي ديجون من العراق لمصر يكولون خير من الله العراق
بس امان ماكو
يعني فلوس اكو بس امان ماكو
وشفتهم بعيني وبمختلف المستويات يعني بيهم موظفين بيهم عدهم مهنه يعني الي ديشتغل بالعراق   يكول عايشين والحمد لله لكن امان ماكو تنزل للشارع متعرف راح ترجع لا
اما بالنسبة لمصر فا وضع الناس صعب والاغلبية عايشين لو على الايجارات مال البيوت بالعراق لو على التحويلات الي توصلهم والاسعار يوم عن يوم تزيد
واني شفت بعيني لان جنت بمصر

[عراقي بلا وطن]

السلام عليكم
يعني منو الافضل تركيا لو مصر جاي شوف كلها نفس الصرف
يعني 800$ شهريا في مصر او في تركيا او في لبنان او في عمان
كلها متقاربه والله شغله محيره

[Lion New York]

السلام عليكم
يعني منو الافضل تركيا لو مصر جاي شوف كلها نفس الصرف
يعني 800$ شهريا في مصر او في تركيا او في لبنان او في عمان
كلها متقاربه والله شغله محيره

حسب تجربتي وتجربة الاصدقاء المقربين

مصر افضل من تركيا والاردن من ناحية العيشة اما لبنان ماعرف بعد والله

[نازحين للابد]

السلام عليكم
يصير اني اسافر لمصر واقدم لليو ان وبعد ما أخذ اﻻقامة ادز على عائلتي ﻻن مثل متعرفون الدخول لمصر صار هسة اقل شي ب 1000 $ للشخص الواحد بدون تذكرة طائرة

[iraqforme]

عزيزي نازحين .. هسه لو تاخذ خمسين اقامه وتقدم للأهل على فيزا يجيك رفض وذلك بسبب بعض ضعاف النفوس من الطرفين ( حتى يجبروك تدفع الف دولار للنفر) فه انصحك بما يأتي:
 اذا تريد تقدم يوان فه رح تضيع سنوات عمر على الخالي بلاش لان اكو مئات الملفات نايمة لسنين محد حتة مخابرهم مسلم عليهم.
اما اذا IOM فه تعال اهلا وسهلا بيك لان الاخيره اسرع من الاردن وتركيا.
مودتي لك

[نازحين للابد]

يعني قصدك اقدم على الهجرة مباشرة بدون اليوان لو شلون ارجو التوضيح

[iraqforme]

عزيزي اذا حضرتك مشتغل ويه الامريكان بصورة مباشرة او غير مباشرة او عندك قريب درجه اولى مشتغل وياهم او عندك ملف بلIOM تكدر تقدم او تكدر تحول ملفك الى هنا. اما اليوان شغلتها ميته حيييل مثل ماوضحت سابقا.

[نازحين للابد]

ﻻ اخوية ما مشتغل وي اﻻمريكان زين اذا اني ادرس بالجامعة بمصر وعندي اقامة هم نفس الشي ما اكدر اسحب عائلتي بموجب اقامتي

[iraqforme]

رح تضل تقدم على فيز لعائلتك ورح يضل يجيك رفض حتى لو تدرس بالسوربون .. لازم تكت الالف دولار للنفر يلا تكدر تسحب اهلك .. الكل تريد تربح فه مرح يدخلون عائلتك بلوشي .

[نازحين للابد]

عاشت ايدك على اﻻ جابة تسلم تعبتك وياي

[alwaleed88]

أخوية الكريم طالما هدفك الأساسي هو التقديم على اليو ان فأنصحك أن تختار البلد الأفضل من هذه الناحية ولو كانت الأسعار غالية بعض الشيء

أنا أنصحك بالأردن، وضع اليو ان بالأردن أفضل منها في مصر، والأسعار في الأردن مقبولة نوعاً ما، أما تركيا غالية
مع الأسف اليو ان بمصر (هيصة وزمبليطة) على كولة المصريين
يعني من الآخر تروح لبلد بيه اليو ان محترمة ومرتبة أحسن ما تروح لبلد بيه نسبة الهمج 100%

[iraqforme]

أخوية الكريم طالما هدفك الأساسي هو التقديم على اليو ان فأنصحك أن تختار البلد الأفضل من هذه الناحية ولو كانت الأسعار غالية بعض الشيء

أنا أنصحك بالأردن، وضع اليو ان بالأردن أفضل منها في مصر، والأسعار في الأردن مقبولة نوعاً ما، أما تركيا غالية
مع الأسف اليو ان بمصر (هيصة وزمبليطة) على كولة المصريين
يعني من الآخر تروح لبلد بيه اليو ان محترمة ومرتبة أحسن ما تروح لبلد بيه نسبة الهمج 100%

كلام الاخ الوليد مضبوط 100% واني من المؤيدين لكلامه . اذا هدفك اليوان فه اختار بلد غير مصر لان اليوان بمصر ((( هربجي ))) .

[عرااقي اني]

السلام عليكم اخوتي الاعزاء
اني قريت الموضوع وبارك الله بيكم على المعلومات الي مقدميه
بس عند استفسار يعني الي عندة ملف ب اي او ام يفيدة يروح لمصر لو نفس جماعة ال يو ان المشتولين مثل ما دكولون ارجو الرد
تقبلو تحياتي

[slamer777]

اخوي مصر اتفيد للي عنده اي او ام ومناك تكدر تطلع لامريكا والي عند يوان هم تفيده بس مو كلش

[iraqforme]

اخي اذا عندك ملف بل منظمة IOM تكدر تتصل بعمان تستفسر عن وضع ملفك ومكانية تحويله الى مصر لاستكمال باقي الاجراءات المتبقيه. وانشاءالله خير.