اريد اجابة الله يوفقكم انشالله

[مهاجر الجنوب]

اني نزل عندي تاريخ سفر ولحد الان اني ماضفت عائلتي وياي لاسباب عديدة والان اريد اضافتهم بس كما تعرفون الاضافة تاخذ وقت وتاجيل ومحلفين وغيرها وانتم تعرفون الوضع الامني والمقابلات المتوقفة اصلا فاننا قررت اروح وحدي اولا سؤالي هو... هل ابدا بمراسلة المنظمة وانا بالعراق لاضافتهم ام عند الوصول بحيث ما يتاخر سفري يعني يصير اسويلهم كيس منفصل او ربط ضعيف اتمنى من الاخوة اللي يعرفون الجواب ميقصرون كما عهدناهم انشالله تحياتي

[نبيل المهاجر]

اخويه ع الخير من نطوك موعد سفر اتوكل بالله وماك تكدر اترتبه احسن تره بس مجرد تراسلهم وتطلب اضافه راست راح يوقفون ملفك
اخويه بس كلي رحمه الوالديك شوكت نطوك موعد سف اي يوم وانته شوكت فحص طبي

[apple iphone]

الف مبرووك موعد السفر .. اني اشوف من توصل هناك بالسلامة راسلهم . بالتوفيق ان شاء الله

[Lion New York]

من توصل تكدر تراسل المنظمة
ويسولهم ملف منفصل لتخاف
توكل على الله

[ganat alward]

السلام عليكم
اضم صوتي مع الاخوه بالفعل من توصل بالسلامه راسلهم وان شاء الله بالتوفيق

[مهاجر الجنوب]

اني فحصت يوم 4- بشهر السادس والسفر مالي بشهر 11

[Hasan&Yaseen]

اخي العزيز من توصل انشالله تكدر اتسوي معاملة لم الشمل كخيار اخر

[um shaheen]

اخويه العزيز
اتوكل على الله وكول يالله اطلع وحدك وبس توصل تكدر تسحبهم
المهم حتى لو شخص يوصل بخير وسلامه بعدين تصرف لبقيه العائله الكريمه الله يحفظهم ويحفظك
توكل على الله وان شاء الله خير وبكل خطوه مليون سلامه
تحياتي
اختك ام شاهين

[امين عبد الله]

اخي الكريم

 توكل على الله سبحانه وتعالى وسافر ومن توصل على خير وسلامة وتستقر ان شاء الله حيكون عندك مطلق الحرية في ان تقرر ما تراه مناسبا فاما ان تسحب عائلتك او يمكن تقرر ان تبني عائلة جديدة في امريكا.
                       القرار قرارك

[اونزووو]

اخوية نصيحة وعن تجربة واقعية صارت معي بيوم الزواج خابروني عندك سفر بعد 12 يوم هاي كبل سنه وثمان واني كنت مايس من السفر فقررت اتزوج خلص المهم حجيت الهم الوضع الموظف كلي اروح وجيك الك وارجع اخابرك المهم رجع خابرني كلي انصحك انه تضيفها وتبقى يابة ليش كال لان ان طلعت تطول سنه الى سنه ونص وان بقيت وضفتها للزوجة تطول ست اشهر الى سنه فكلي انصحك تبقى وتضيفها المهم اخذت بحجي الموظف ضفتها وتورطت حيث طولت لحد هسة سنه وثمان اشهر ولو طالع كان افضل الي على الاقل ضمنت اني برى واسوي سحب الها والمصيبة لا يجي رفض على العموم والسحب الي اعرفه هناك تملي استمارة برقم معين لغرض سحب الزوجة
تحياتي

[تفرج]

اخوية نصيحة وعن تجربة واقعية صارت معي بيوم الزواج خابروني عندك سفر بعد 12 يوم هاي كبل سنه وثمان واني كنت مايس من السفر فقررت اتزوج خلص المهم حجيت الهم الوضع الموظف كلي اروح وجيك الك وارجع اخابرك المهم رجع خابرني كلي انصحك انه تضيفها وتبقى يابة ليش كال لان ان طلعت تطول سنه الى سنه ونص وان بقيت وضفتها للزوجة تطول ست اشهر الى سنه فكلي انصحك تبقى وتضيفها المهم اخذت بحجي الموظف ضفتها وتورطت حيث طولت لحد هسة سنه وثمان اشهر ولو طالع كان افضل الي على الاقل ضمنت اني برى واسوي سحب الها والمصيبة لا يجي رفض على العموم والسحب الي اعرفه هناك تملي استمارة برقم معين لغرض سحب الزوجة
تحياتي

شوف شلون ورطك الله لايوفقة اذا جان متقصد يورطك جان هسة انت مسافر بسببة بقيت وجان هسة مقدم لزوجتك ويجوز مسافرى يمك

الحمدلله على كل حال

[Al-hayat Office]

إذا تسافر لامريكيا لوحدك لازم تقدم على معاملة من امريكيا لم الشمل اسمها V-93 وهذه المعاملة تاخذ فترة من سنة لسنتين.

[مهاجر الجنوب]

شكرا للجميع الاخوة على طرح ارائهم لكن ليش ما نعتبر الملف ربط ضعيف ليش انسوي لم الشمل ولم الشمل يطول مثل ما تعرفون يعني اسويلهم كيس عالمنظمة او نعتبرهم نفس الكيس مالتي بس الربط ضعيف مو  اكو هواي ناس سوي ربط ضعيف سافروا فيل افراد العائلة الاخرى  يعني يكمل اجرائاتة ويروح بينما البقية بعدهم ممسافرين يصير هيجي لو مايصر جزاكم الله

[مهاجر الجنوب]

بالمناسبة اني كنت ضايقهم بالملف مالتي  وحذفتهم لان اتوقعنا نسافر بسرعة وهية كانت تدرس اما هسة خلصت الدراسة واني بعدني ممسافر  يعني ايصير اضيفهم للكيس مالتي بس ربط ضعيف يعني اني اسافر ما انتظرهم