فيزا الاردن - نقل الملف لغرض اجراء المقابلة الثانية

[predator]

السلام عليكم...
اخوان احب استفسر عن امكانية الحصول على فيزا للسفر الى الاردن لغرض نقل الملف من بغداد واجراء مقابلة المحلفين,
مقابلتي جانت يوم 26-06-2014 وتأجلت بسبب الاوضاع الامنية.
وصار 5 اشهر ننتظر عودة المقابلات ابغداد ولحد اليوم كلشي ماكو,ولا المنظمة ديسوولنة حل للوضع الي تركونة بي .

احسن حل هو نقل الملف الى عمان وانتظر المقابلة واجراءات السفر.
اليوم رحت سالت على الفيزا بمكتب بالكرادة وكال سعرهة 150 دولار ومضمونة ,وكال التقديم على الفيزا من الخطوط الهاشمية مو مضمونة ’بس احنة نرتبهة ومتنطي فلوس الى ان تحصل على الفيزا.
ما اعرف اذا كان كلامه مضبوط او لا ,
و رحت لمكتب اخر وكال سعر التذكرة 850 دولار وية الفيزا ,واحتمال تنقبل او تنرفض ,بس اكثر شي الي عندة مقابلة يقبلوا .لان حكلهم سبب سفري هو اجراء المقابلة.

اذا احد عندة معلومات عن الفيزا الى عمان واكون ممنون منة

[Ali hassan]

سلام عليكم اخي العزيز
ممكن استفسار حول مدة الانتظار في الاردن لاجراء المقابلة الثانيه كم الفترة تقريباً
وتقبل تحياتي

[ابو الامراء]

تكدر تقدم تقريرطبي غير مصدق من النقابه والخارجيه الى شركة الطيران ومبلغ 170$ لشخصين واحد مريض والثابي مرافق وستصل الفيزا حوالي 10 ايام اواكثر بقليل علما حسب الاخوه في عمان لا يوجد محلفين الان فيها

[الكندي المعذب]

عزيزي لا هذا ولا ذاك
اخي تروح للمكتب الخطوط الاردنية اللي بالمنصور بجنب مطعم سنتر بوينت وتاخذ جواز السفر وتقدم على الفيزا
الفيزا سعرها 30 دولار + 100دولار تامينات ترجع سواء انقبلت او انرفضت
وما تطول 3-5 ايام فقط بس على الاغلب قبول
وعزيزي وراها من تطلع لك الفيزا تحجز على الخطوط الملكية الاردنية من نفس المكتب
وهذا رقمهم واتصل بيهم واتاكدر منهم بنفسك 07810116262
واني دا احجيلك عن تجربة كل فترة اطلع فيزا واروح واجي وكلمن اكوله روح قدم منهم خلال 3 ايام تطلع له الفيزا
اتمنالك كل التوفيق اخي
تحياتي

[Bernard Alhaskani]

اخي العزيز ان هم مثلك اريد اطلع وعائلتنا مكونة من 8 افراد ،وكان عندي مقابلة ب 22   6 وتاجلت لنفس السبب ،ارجوك انا هم اريد اطلع على ارردن  ،،فاذا بامكان تتواصل وياي

[predator]

سلام عليكم اخي العزيز
ممكن استفسار حول مدة الانتظار في الاردن لاجراء المقابلة الثانيه كم الفترة تقريباً
وتقبل تحياتي

سلام عليكم اخي العزيز
ممكن استفسار حول مدة الانتظار في الاردن لاجراء المقابلة الثانيه كم الفترة تقريباً
وتقبل تحياتي

عليكم السلام و رحمة الله. .
والله يا أخي المنظمة مينطون مدة محددة لاجراء المقابلات من نسألهم..بس سمعت من بعض الاخوان في المنتدى خلال 3 اشهر او اكثر..
المهم بعمان التواصل وية المنظمة سهل والإجراءات تمشي

[predator]

تكدر تقدم تقريرطبي غير مصدق من النقابه والخارجيه الى شركة الطيران ومبلغ 170$ لشخصين واحد مريض والثابي مرافق وستصل الفيزا حوالي 10 ايام اواكثر بقليل علما حسب الاخوه في عمان لا يوجد محلفين الان فيها

مشكور اخي على معلوماتك

[predator]

اخي العزيز ان هم مثلك اريد اطلع وعائلتنا مكونة من 8 افراد ،وكان عندي مقابلة ب 22   6 وتاجلت لنفس السبب ،ارجوك انا هم اريد اطلع على ارردن  ،،فاذا بامكان تتواصل وياي

اهلا بيك اخي العزيز.اتذكر جانت مقابلاتنة بوقت متقارب وتحددلنة موعد مقابلة محلف بنفس الوقت تقريبا وتاجلت مع الاسف,
اني قررت انقل الملف الى عمان,بس اليوم قريت اكثر من خبر بالمنتدى عن عودة المقابلات ابغداد او اربيل.
هسة حنتظر هل جم يوم واشوف اذا هاي الاخبار صحيحة او لا,
وان شاء الله نتواصل

[predator]

عزيزي لا هذا ولا ذاك
اخي تروح للمكتب الخطوط الاردنية اللي بالمنصور بجنب مطعم سنتر بوينت وتاخذ جواز السفر وتقدم على الفيزا
الفيزا سعرها 30 دولار + 100دولار تامينات ترجع سواء انقبلت او انرفضت
وما تطول 3-5 ايام فقط بس على الاغلب قبول
وعزيزي وراها من تطلع لك الفيزا تحجز على الخطوط الملكية الاردنية من نفس المكتب
وهذا رقمهم واتصل بيهم واتاكدر منهم بنفسك 07810116262
واني دا احجيلك عن تجربة كل فترة اطلع فيزا واروح واجي وكلمن اكوله روح قدم منهم خلال 3 ايام تطلع له الفيزا
اتمنالك كل التوفيق اخي
تحياتي

شكرا الك اخي , ان شاء الله حروح للمكتب الي نصحتني بي واعوف غير مكاتب ,اذا قررت اروح لعمان ,لان سمعت المقابلات حترجع ابغداد او اربيل .وان شاء الله تبين هل ايام

[Bernard Alhaskani]

اخي انتظر ولله لو احن محاولين جانت تجي المقابلات اما لاربيل او لبصرة ،بس للاسف ما نحاول ،ولعلمك قبل شهر كالولي راح نقابل  اما باربيل او بصرة بس ما صار شي حتى الان،،واني هسة بسليمانية والاسبوع الجاي راجع على اربيل ،وراح اشوف جماعة اربيل ،بلكت الله يساعدونا،

[phpcomputer]

اخوان السلام عليكم
سؤالي الكم اني صاحب الكيس الرئيسي وياية ثلاث كيسات اذا اريد انقل ملفي الى عمان لازم الاربع كيسات وياية لو بس الكيس مالتي لان صراحة مانكدر اربع كيسات نطلع لعمان وهناك ننتظر اكدر اطلع بس اني لو ميصير الا نطلع كلنه شلع .... وشكرا لكافة الاعضاء

[طنةطنة]

تروح لمكتب الخطوط الملكية سواء في المنصور مجاور سنتر بوينت او مكتب الرصافة بالقرب من فندق فلسطين نسخة من الجوازات بس خلوا كل اثنين سوة حتى لا يجيكم رفض سعر الفيزا مع التأمينات 100$ (لا سامح الله في حالة الرفض ترجع فقط 70$) وفي حالة القبول فقط تدفع عن الشخص البالغ 590$ سعر التذكرة وينطوكم وصل خلال خمس ايام او اقل يجيكم الرد وبالتوفيق