اتصلت بالمنظمه علمود موعد اسفر و كان الرد؟؟

[3ausha]

تحيه طيبه لكلك الاعضاء
طبعا اني قبل كم يوم نزلي موعد سفر مثل متعرفون
اليوم  اتصلت عله عمان فهمت الموظف و كتله نولي موعد سفر بس ماجاني اي ايميل ازو اتصال
كال احنه رح ندز ايميل الهم بان الكيس نزله موعد سفر بس محد اتصل بي !!
وكال لتعتمدي الا نخابرك و ننطيج تفاصيل الرحله و موعد الحبايه

زين اني هسه دخت غير المنظمه بعمان همه اليرتبون الحجوزات زين شلون و همه لحد هسه كشي ممسوين يمكن لوما اني اخابرهم حته ميدرون
ويمكن الموقع بي خربطه لان اكثر من شخص كلي لا تعتمدون الموقع 
ياريت العنده مع معلومه يفيدني

شكرا

[حياتي 1]

هذا الامر عادي جدا اني صديقي نزل موعد سفرة قبل تبليغه بشهر تقريبا وبلغوه قبل 10 ايام بالسفر هالاسبوع يسافر

[alwaleed88]

شنو هاي الخربطة؟ شلون ينزل موعد سفر وميرتبون للرحلة؟
يعني الواحد يضبط اموره ويحضر الجنط واخر شي موعد مو مضبوط
الله يسهل أمركم ويارب يوصل ايميل بسرعة

[لورنس السفاح]

زين هو التحديث ع الموقع مو ياخذ بياناته من نفس المنظمة الي بعمان ؟لو من مكان اخر ؟
فشلون التحديث نزل للموقع والمنظمة متعرف ؟
صدك دوخة يعني بهيج حالة ابو الكيس يحضر نفسه للسفر
ويجوز يطلع الموعد مو صحيح

[3ausha]

اي كلشي واحد يتوقع من هالمنظمه اصلا اني تعجبت من شفت رد الموظف حته ميدري مدري يكلي هسه ندزلهم يايميل لمن يدز و شكوت يردون ؟؟؟؟؟؟؟؟؟؟؟؟؟؟؟؟

[حياتي 1]

تحديث الموقع اتصور من امريكا

[الصبر الجـميل]

تحيه طيبه لكلك الاعضاء
طبعا اني قبل كم يوم نزلي موعد سفر مثل متعرفون
اليوم  اتصلت عله عمان فهمت الموظف و كتله نولي موعد سفر بس ماجاني اي ايميل ازو اتصال
كال احنه رح ندز ايميل الهم بان الكيس نزله موعد سفر بس محد اتصل بي !!
وكال لتعتمدي الا نخابرك و ننطيج تفاصيل الرحله و موعد الحبايه

زين اني هسه دخت غير المنظمه بعمان همه اليرتبون الحجوزات زين شلون و همه لحد هسه كشي ممسوين يمكن لوما اني اخابرهم حته ميدرون
ويمكن الموقع بي خربطه لان اكثر من شخص كلي لا تعتمدون الموقع 
ياريت العنده مع معلومه يفيدني

شكرا

الأخت العزيزة3ausha
هسة أكثر المواعيد اللي يحددوها بالأنصال دتصير قبل أسبوعين
فآني أعتقد من حسن الحظ أن ينزل الموعد قبل الأتصال وبعدين
منو ايكول خربطة ليش اكو عدة مواعيد نزلت قبل ماينزل عندك
الموعد وهم الأخ غاليلو والكثير .
                 أبــــــــو روان 

[g4s]

السلام عليكم   الله يسهل للجميع بس ردت استفسر اني تقديم2012  صار عندي السفر انتظار يوم 18-9
واكتملت الامنيه يوه 12-10  والباقي كله مكتمل واتصلو بالكفيل ومدينه ومطار نازله من شهر ونص شوكت تتوقعون يتصلون او ينزل موعد السفر بالموقع ودمتم سالمين

[rami ahmad]

المنظمة الان عملها يسير بشكل جيد وترتيب السفر  دقيق حتى لا يحصل تغييرات بمواعيد السفر وتلفون المنظمة شغال لاي استفسار  فموقع المنظمة  والبريد الالكتروني موجودين لمتابعة الملف واطمانو كل شيء يسير وفق الجدول وان شاء الله تسافرون بدون اي تاخير

[اونزووو]

تحيه طيبه لكلك الاعضاء
طبعا اني قبل كم يوم نزلي موعد سفر مثل متعرفون
اليوم  اتصلت عله عمان فهمت الموظف و كتله نولي موعد سفر بس ماجاني اي ايميل ازو اتصال
كال احنه رح ندز ايميل الهم بان الكيس نزله موعد سفر بس محد اتصل بي !!
وكال لتعتمدي الا نخابرك و ننطيج تفاصيل الرحله و موعد الحبايه

زين اني هسه دخت غير المنظمه بعمان همه اليرتبون الحجوزات زين شلون و همه لحد هسه كشي ممسوين يمكن لوما اني اخابرهم حته ميدرون
ويمكن الموقع بي خربطه لان اكثر من شخص كلي لا تعتمدون الموقع 
ياريت العنده مع معلومه يفيدني

شكرا

اختي العزيزة لتتاكدي من حالة سفرك اتصلي بالكفيل المفروض يتصلون بي خلال هالفترة وان اتصلو بي لاجل ابلاغة انه راح يحجزون شقة وتم دفع لمدة شهر وهل ستستقبل اللاجى وتعد له وجبة حارة لان همة يضعون في الثلاجة التي في الشقة اكل مجمد ومامعقول واحد اول ما يوصل هو يكعد يطبخ فلهذا الكفيل يسئلو على وجبة ساخنة ومن يتصلون بالكفيل راح يكلون اله انه فلان راح يوصلك فلان يوم يعني ان مو ترانزيت المانيا يكمن يوم ونص وان من المانيا اكثر
تحياتي

[غاليلو]

الاخت العزيزة عائشة السلام عليكم ورحمة الله وبركاته
اختي في البدء ارجو ان تهدأي وتستبشري خير وتكولين ياالله موعدكم لسة بعيد بعض الشئ فلاىتقلقي المنظمة تتصل قبل الموعد تقريبا بأسبوعين او اقل واعتقد بعد اكو وقت
ومن خلال تحليلي الشخصي انو المواعيد دتتحدث وتنزل من امريكا يعني سابقا كان فرع المنظمة بعمان هو اللي يقوم بهالمهمة وصارت خربطة وتأجيلات ومثل ما قرينا لبعض الاعضاء وان شاء الله يعطوهم مواعيد جديدة باقرب وقت
باعتقادي السياق الجديد افضل وخلينا نشوف ومتواصلين انا ايضا موعد سفري بشهر نوفمبر يعني بعد اكو وقت ومنتظرين الفرج وان شاء الله العزيز القدير ميصير الا الخير وكلنا نسافر بخير وسلامة وكل اللي مقدمين يا ارحم الراحمين يا الله
فمرة ثانية لتقلقين اختي
وملاحظة كثرة الاتصال عالمنظمة قد تؤدي احيانا للخربطة والارباك خلي الامور تمشي بتوقيتها الزمني والقلق لتخليه يسيطر عليكم وان شاء الله خير.
مودتي واحترامي

[3ausha]

شكرا على ردودكم
اني صحيح كلش قلقله اني مجويه منهم
و هواي اخرو ملفي و صارلي اكثر من اربع  سنوات انتظر
 بالاضافه همه نطوني موعد موعد بشهر الثامن الفات و كنسلو
انشاء تتسهل االامور و الكل يسافرون
تحياتي
واني جدا جدا ممنونه لتواصلكم و ردودكم