والله حيرة نزل موعد السفر وماكو اتصال و .......

[Carloiraqi]

السلام عليكم اخوان والله حيرة يعني نزل موعد السفر يوم ٢٧ \ ١٠ يعني بعد ٨ ايام ولحد هسه متصلو بية لا على موعد الحباية ولا اي شي زين شلون اتصل بيهم لو انتظر والمشكلة انو اني مو ابغداد شغلي بالبصرة والله ما اعرف لان الشغل ما بيه اجازة لازم اقدم استقاله واخاف اتورط واخاف يتصلون بيه يكولون باجر الحباية وماعندي وكت ارجع لبغداد والله حيييييييييرة الف رحمه على والدية الي عنده رقمهم حتى اتصل بيهم وني قبل فترة سمعت اكو ارقام مال قسم الحجوزات اذا موجود يصير اتصل بي لو اضل حاااااااااير اخوكم كارلو الحاااير 

[حيدر جعفر]

المعروف هيه الحبايه قبل يومين او ثلاثه بمستشفى ابن البيطار الساعه 12

لازم اجازف وتروح يمكن تلكه اسمك هو اليوم بداية الشغل الاحد منا لخميس انتظر وشوف

الله يسهل امرك

[ghassan_alabdi]

السلام عليكم .اتصل بارقامهم الاعتيادية وهم يحولوك او يسالولك لان ظروري جدا تفهم وضعك

[Carloiraqi]

اوووف والله حيل دوخة زين منو عندة رقمهم ياريت الي عندة ينزله وشوكت اكدر اتصل بيهم يعني اي وقت اني باجر اتصل بيهم بس يا وقت يجاوبون

[eyesonly]

هذا رقمهم حاول تخابرهم باجر الصبح أبدى من ساعه عشرة وظل لح عليهم إلى أن تحصل وان شاء الله يبردون قلبك+962 6 562 5077 ومن يطلعلك المجيب الآلي دوس رقم 1 حتى لايخلص رصيدك
اختك أم جنة

[Ghassan2]

0096265625080
0096265625077
0096265002645
0096265625427

اوووف والله حيل دوخة زين منو عندة رقمهم ياريت الي عندة ينزله وشوكت اكدر اتصل بيهم يعني اي وقت اني باجر اتصل بيهم بس يا وقت يجاوبون

[alwaleed88]

الله يعينك ويسهل أمرك
كل هاي الدوخة إن شاء الله تصير سوالف

[Carloiraqi]

تسلمين اخت ام جنه مقصرتي وان شائ الله باجر اتصل بيهم وانطيكم الخبر
تسلم حبيبي غسان ماقصرت وان شاء الله شيصير وياية انطيكم خبر
والله يا اخ وليد حيل دوخة وعلى الاعصاب بس انكول الله كريم وارحم الراحمين

[lion salam]

السلام عليكم اخوان والله حيرة يعني نزل موعد السفر يوم ٢٧ \ ١٠ يعني بعد ٨ ايام ولحد هسه متصلو بية لا على موعد الحباية ولا اي شي زين شلون اتصل بيهم لو انتظر والمشكلة انو اني مو ابغداد شغلي بالبصرة والله ما اعرف لان الشغل ما بيه اجازة لازم اقدم استقاله واخاف اتورط واخاف يتصلون بيه يكولون باجر الحباية وماعندي وكت ارجع لبغداد والله حيييييييييرة الف رحمه على والدية الي عنده رقمهم حتى اتصل بيهم وني قبل فترة سمعت اكو ارقام مال قسم الحجوزات اذا موجود يصير اتصل بي لو اضل حاااااااااير اخوكم كارلو الحاااير 
 

السلام عليكم اخي الكريم ممكن اعرف شكد ظل السفر عندك بالانتظار ؟

[Carloiraqi]

السلام عليكم اخي الكريم ممكن اعرف شكد ظل السفر عندك بالانتظار ؟

حبي السفر صار انتضار من يوم ١٩ \٨ والجمعه الراحت نزل موعد السفر

[um shaheen]

ربي ألهي ينطوك الموعد وتبشرنه بالخير ان شاء الله
تحياتي
اختك ام شاهين

[Carloiraqi]

ربي ألهي ينطوك الموعد وتبشرنه بالخير ان شاء الله
تحياتي
اختك ام شاهين

تسلمين اختي العزيزة ام شاهين الله يسمع من حلكج والله اني هسه دا افكر باجر اقدم استقالتي وارجع لبغداد اذا الله كتبلي السفر بالموعد الحمد لله واذا لا هم الحمد لله وادور على شغله ثانية والله كريم

[rozh120]

0096265002645
0096265625080
اخي الرقم الأول اليوم اتصلو بي عليه والثانيه قبل فترة اني اتصلت بيهم وجاوبوني
تحياتي

[غاليلو]

السلام عليكم .. اخونا العزيز
ان شاء الله تطمئن ويكون الموعد حقيقي وبدون تأخير كول يارب
وننتظر منك البشائر ان شاء الله
تحيتي واحترامي

[3ausha]

اتصل عليهم مبيه شي
لان اني نزلي موعد بشهر ال11 و خابرتهم كتلهم نزلي موعد و انتو متصلتو
كال رح ندز ايميل بان صاحب القضيه ماتصلين بي هاي الحجي البارحه و دانظر و الله كريم
وكال الموظف اعتمدي عله التلفون اليجي من عدنه مو عله الموقع كال علمود تفاصيل الرحله و الحبايه
تحياتي

[غاليلو]

السلام عليكم
بشر اخونا كالوري اتصلت بالمنظمة اتصلوا بيك ؟
وان شاء الله يريح بالك  وتطمئن واحنا هم نتطمن
احنا نطونا موعد بشهر 11 ومثل متعرف اكو وكت بعد للاتصال ومع هذا من قريت موضوع الاخت عائشة بصراحة انتابني ايضا نوع من القلق وهالشي طبيعي ﻻن هذا مصيرنا ومصير عوائلنا المنتظرة اكثر من اربع سنوات المهم اتصلت على كفيلي وراح يتصل عالمنظمة بامريكا ونشوف واي معلومة احصلها انقلها الكم للاطمئنان وربي الكل تسافر بنفس مواعيدها الي تحددت بالموقع وربي ﻻيخذل وﻻيقهر من استعان بيه اللهم سهل سفرنا جميعا يااااااااارب