ايميل من المنظمه

[g4s]

يوم اجاني ايميل من المنظمه يقول :
يرجى العلم  بأن المنظمة الدولية للهجرة في عملية جدولة السفر  الخاص للولايات المتحدة. وسوف يتم الاتصال بكم المستقبل القريب من قبل موظف في المنظمة الدولية للهجرة بشأن تفاصيل مغادرتك.
مع الرمز NMT-IZ  شوكت تتوقعون يخابرون ومعنى الرمز مع العلم كلش عندي مكتمل والسفر بالانتظار منذ يوم 9-18

[نبيل المهاجر]

هاي اكتملت شغلتك حضر نفسك على شهر 11 اتسافر انشالله وانتظر منهم اتصال من بدايه الشهر الجاي على مود موعد الحبايه والف مبررررررروك مقدما

[هيا]

الف مبروك رحلة الانتضار شارفت عالانتهاء وانشالله تسافر وتوصل بالسلامة بس اذا ممكن تفاصيل ملفك .
تحياتي اختك هيا

[alwaleed88]

ألف مبروك ونسأل الله تسهيل الأمور

[g4s]

الله يبارك بيكم حبايب يوم الكم ان شاء الله ويسهل سفركم باقرب وقت .بالنسبه للملف كل شي مكتمل والامنيه اكتملت قبل اسبوع والسفر بالانتظار من 18-9

[asdko]

بالتوفيق عن قريب تسمع الاخبار الجيده انشاء  الله

[غاليلو]

الف الف مبروك ويارب يتصلون باقرب وقت او ينزل موعد بالموقع ان شاء الله
مودتي واحترامي

[غاليلو]

ان شاء الله الموعد بنوفمبر لو بتشرين الثاني مو هههههه ؟
بالتوفيق ان شاء الله

[g4s]

شكرا ياغالين =الاخ غاليلو مشكور صدك بنوفمبر لو بتشرين---هههههههه مشكورين وربي يوفقكم

[اونزووو]

يوم اجاني ايميل من المنظمه يقول :
يرجى العلم  بأن المنظمة الدولية للهجرة في عملية جدولة السفر  الخاص للولايات المتحدة. وسوف يتم الاتصال بكم المستقبل القريب من قبل موظف في المنظمة الدولية للهجرة بشأن تفاصيل مغادرتك.
مع الرمز NMT-IZ  شوكت تتوقعون يخابرون ومعنى الرمز مع العلم كلش عندي مكتمل والسفر بالانتظار منذ يوم 9-18

اخي الكريم من الرمز يبدو انت خارج العراق ولو كنت بالعراق كان كلت الك ان شاء الله الاسبوع القادم يحدد الك سفر جمعة خميس بس خارج العراق تختلف شوي الشغلة تاخذون وكت اطول شوي والله يفتح عليك ويسهل امرك
تحياتي

[Waseem Taha]

الف مبروك واتمنى الله يتمم عليكم الامر بالخير ويارب الكل يسافر
انا ايضا جاني نفس الايميل للعلم الفايل عندي كله مكتمل والسفر بالانتظار اكتمل التشييك الامني عندي يوم 8/10/2014  انشاءالله يكون خير الي عنده معلومات اضافية ياريت لايبخل علينا للعلم انا تقديم بغداد رقم الكيس 128###

[حسين الجبوري]

الف الف مبروك اخي الكريم

يوم اجاني ايميل من المنظمه يقول :
يرجى العلم  بأن المنظمة الدولية للهجرة في عملية جدولة السفر  الخاص للولايات المتحدة. وسوف يتم الاتصال بكم المستقبل القريب من قبل موظف في المنظمة الدولية للهجرة بشأن تفاصيل مغادرتك.
مع الرمز NMT-IZ  شوكت تتوقعون يخابرون ومعنى الرمز مع العلم كلش عندي مكتمل والسفر بالانتظار منذ يوم 9-18

[slam hawk]

مبرووووووووووووووووووووووووك عن قريب

[g4s]

شكرا على الردود.الاخ اونرووو اني بالعراق /بغداد وابو ديمه الورد شنو معنى الرمز بﻻ زحمه

[3ausha]

الاخ  g4s
انشاء الله مباقلك شي
بس احب اكلك تجربتي
قبل ثلاث اشهر تقريبا وصلني  نفس هذا الايميل و لحد هسه اني ممسافره !!
و تم تحديد موعد سفر في الشهر الثامن و بعدين لغو و هسه دانتظر منهم اتصال لان نزلي موعد بالموقع بس من  اتصلت بيهم لكيتهم ماعدهم اي فكره هههه؟؟؟
فانت  كل اسبوعين اتصل بيهم او دزلهم ايميل
والتساهيل من رب العالمين الله يسه للكل

تحياتي