شحن الاغراض من عمان الى امريكا

[ضياع]

السلام عليكم ورحمة الله وبركاته

اخوتي الكرام حبيت نشترك بموضوع الشحن لان احنة العراقيين مشهورين بكثرة الملابس

ف بلنسبة للشحن من عمان والمكاتب المتوفرة الي عندة رقم تلفونهم او اسم الشركة والاسعار ياريت يفيدنا

لان بصراحة ملابسنة كووومة وكلها جديدة ف الي يعرف شي ياريت يفيدنا

واني سألت على شركة dhl وشركة tnt غالية قياساً بل وزن الموجود يعني الكيلو ب 10$

وكالو اكو مكاتب غيرها وتاخذ اقل بس مااندل وين ولا نعرف اي معلومة


وينكم جماعة امريكا فيدونة وربي يجازيكم خير

شكراً مقدماً للجميع

اختكم ضياااع

[ضياع]

Uuppp ارجو الرد

[حلا فارس]

اختي ضياع اني شحنت هواية غراض من بغداد ولحد الان اني بامريكا يشحنولي اهلي وبنفس السعر ومرات اكثر من 10دولارات للكيلو الواحدفانت حسبيها اذا الغرض يسوى وعزيز عليج لايهمج المبلغ لان تتندمين عليها بعدين وخاصة اذا ماعندج احد بعمان يشحنهم بعدين

[ضياع]

اشكرك اختي حلا واني والله سمعت من مواقع اكو شركات اقل سعر الكيلو بس مكاتبين اسمها

وعلى اساس اطول ١٠ ايام يالله توصل الغراض

واني اهلي ب عمان اكدر يدزولي بعدين بس المشكلة ماعرف شركة مظبوطة واسعارها زينة

لان عندي ملابس بحدود ال ٢٥٠ كيلو وكلها جديدة وبنتي ملابسها كلها جديدة

وماعدها وزن لان عمرها صغيرة ف مااكدر استغني عنهم
والله كريم وننتظر رد من الاخوة العدهم رد

شكرا المرورك العطر

[لونة محمود]

اخت ضياع اعتقد اكو شركة بعمان اسمها الشرقية بس مو كلش عندي معلومات عليها اسال وانطيكي خبر