تحية طيبة اخوتي الاعزاء
بالنسبة اجارات اكو بالضاحية الجنوبية في منطقة الرادوف جيدة نسبيا اليوم شفتهن شقق صغيرة شفتهن لأحد الاصدقاء هنة ثلاث شقق وحدة غرفتيين وصالون ومنتفعاتهن ب 240$ والثانية نفس الترتيب بس أصغر بالمساحة 210$ والثالثة غرفة وصالة ومنتفعاتهن ب 180$ بس الطابق العاشر بس اكو مصعد
ذني قريبات علية واكو شقق حسب المناطق واي استفسار اني حاضر بس للعلم
اكو شغلة يعني اكو اسواق واحد يشتري منه مسواك مثل المخضر واللحوم رخيصة فواحد يكدر يقتصد وذلك بالذهاب اله واكو جماعتنه برمكية يعني يروح مناطق راقية الغراض بيه غالية ويكول الحياة كلش غالية ليش هنه نفس الشي بس الفرق هاي منطقة راقية جدا وذيج منطقة شعبية هذه الفرق حته لو واحد يسكن بمنطقة راقية يكدر يروح يسوق من هاي المناطق واكثر اللبنانيين يسون هيج
اي استفسار اخر اني حاضر وكمعدل صرف اذا سكن مناسب وصرفيات معقولة 500$ بين الاجار والاكل 3 اشخاص ويمكن اكثر بس حسب الصرف
للمعلومه اني مودلال بيوت بس بالخدمة لأي شخص هههههههه بالخدمة كلكم اخوتي واخواتي
ابنكم واخوكم
احمد المضلوم
