محتاج مساعده عاجله

[سرمد كامل]

السلام عليكم
احد اقاربي حددوله موعد سفر بعد عشره ايام وهو طالب كليه مرحله ثالثه شلون يصدق الشهاده مالته بلخارجيه شنو المعامله وتفيده بامريكا لو ﻻ وشلون ابدي بيه اتوقع هيه بس شهاده اﻻعداديه
تحياتي

[لورنس السفاح]

والله حسب معلوماتي اطول اكثر من 10 ايام
لان الي اعرفه بالاول تاخذ وثيقة من مديرية التربية الي متخرج منها بالاعدادية
ومن بعدها يراجع دائرة مال ترجمة اتذكر مرة كالوا بصف كلية اللغات
ومن بعدها توديها للخارجية يستلموها منك
بس مااعرف بنفس اليوم او بعد كم يوم يلا يسلموها الك
ثم الي اعرفه انه اليراجع لازم تكون عنده صلة قرابة بصاحب الشهادة
وهم شوف بقية الردود
واني من رايي لو يروح ياخذ الاعدادية من امريكا هواي احسنله
اتصور شغلتها بسيطة خصوصا وهو واصل مرحلة ثالث كلية
تحياتي

[Hasan&Yaseen]

اخي العزيز اول خطوة يروح يجيب تاييد من الكلية وثانيا يروح للتربية يسوي طلب وثيقة وبعدين ياخذ الطلب ويروح للمدرسة الي تخرج منها ويا صورتين يمليها المدير وبعدين يرجع للتربية ايقدملهم الطلب والوثيقة وصورتان وفلوس يمكن 30000الف ويمكن ورة 15 يوم يستلمها
تحياتي

[امين عبد الله]

السلام عليكم
احد اقاربي حددوله موعد سفر بعد عشره ايام وهو طالب كليه مرحله ثالثه شلون يصدق الشهاده مالته بلخارجيه شنو المعامله وتفيده بامريكا لو ﻻ وشلون ابدي بيه اتوقع هيه بس شهاده اﻻعداديه
تحياتي

اخي الكريم

السفر اهم من الشهادة واذا تاخر عنه فلا يلومن الا نفسه. خلي اقاربك يعمل وكالة مصدقة من كاتب العدل لاي شخص يقوم باجراءات استحصال الشهادة الاعدادية وتصديقها ثم يرسلها الى امريكا عن طريق ال DHL او Fedex. وبداية اجراءات الشهادة تكون من المدرسة الاعدادية ثم مديرية التربية وهكذا.

[سمك بني]

التعليمات في بغداد الان هو انك يجب ان ترقن قيدك في الكليه بعدين تقدم على استخراج شهادة الاعداديه. وشهادة الاعداديه ضروريه لكي تسجل على الدراسات الجامعيه او المعاهد وغيرها بعد اكمالك كورسات اللغه .ويمكنك السير في المعامله وعند حلول موعد السفر يمكن لاحد اخوانك او اقاربك اكمال الباقي هذا هو الحل الوحيد ونحن نمر بها الان في امريكا.

[لورنس السفاح]

اخ سرمد
من ردود الاخوان واضح انه الشغلة اطول اكثر من 10 ايام
ولا تنسى شغلة مهمة جدا هاي ال10 نصها عطل مرتين جمعة وسبت
ومحرم بيها ,, يعني مستحيل تكمل
احسن حل هو كلام الاخ امين عبدالله يسوي وكالة من كاتب العدل
لاخ او صديق بساعتين تخلص , وهو يتفرغ لامور اخرى بهاي الل10 ايام
ومن يكملها الوكيل يرسلها اله
واذا باسوء الاحوال مكملت لاي سبب كان
اني اكول ياخذ الاعدادية من امريكا ويفضها
وبالتوفيق ان شاءالله