الى اصحاب الخبرة اريد تحويل ملفي اما مصر او عمان ارجو الرد

[عرااقي اني]

السلام عليكم جميعا
اني عضو جديد عدكم واعتبروني اخوكم الصغير
اني  فكرت انو انقل ملفي خارج العراق لان قبل كم يوم خابروني المنظمة بخصوص وفاة اخي وسألتهم على مقابلة المحلفين كالو ما معلومة شوكت يرجعون وكالتلي انو اذا تريد انقل ملفك الى عمان او مصر
انتو شنو رائيكم ياهو الانسب مصر لو عمان
ارجو ان تشرحولي ياهي الاسرع والمصاريف يادولة انسب
علما ان ملفي يبدا iz130 ومقابل مقابلة اولى ومنتظر مقابلة ثانية وعندي زوجتي ضفته بعد المقابلة الاولى
طولت عليكم بس اعذروني الطلعة موسهلة مو مال واحد يطلع كبل لازم اجيك اموري
تقبلو تحياتي واحترامي

[Lion New York]

مصر احسن من الاردن من ناحية العيشة
وبالنسبة للاي او ام فانت راح تنقل ملفك عادي وتنتظر الى ان يجي دورك لمقابلة المحلفين وحاليا المحلفين راح يجون بداية شهر 11 لمصر الله اعلم شوكت يجون مرة ثانية
لان هم بشهر 8 هم كانو متواجدين بمصر
واكو ناس قابلو من الي حولو ملفاتهم من العراق ومشت امورهم
بس السؤال الاهم انت تعرف حاليا فيزا مصر صعبة تحصل عليها ؟

[عرااقي اني]

شكرا على الرد
والله اني بحيرة لان الوضعية الي اني بيه خربانة وشغلة السفر هم صعبة وما ادري شسوي
بس شعجب صعبة الفيزة مال مصر وشلون احصلهة ارجو الرد منكم تحياتي

[iraqforme]

مصر احسن من الاردن من ناحية العيشة
وبالنسبة للاي او ام فانت راح تنقل ملفك عادي وتنتظر الى ان يجي دورك لمقابلة المحلفين وحاليا المحلفين راح يجون بداية شهر 11 لمصر الله اعلم شوكت يجون مرة ثانية
لان هم بشهر 8 هم كانو متواجدين بمصر
واكو ناس قابلو من الي حولو ملفاتهم من العراق ومشت امورهم
بس السؤال الاهم انت تعرف حاليا فيزا مصر صعبة تحصل عليها ؟

اخ لايون كلامك دقيق جداً بخصوص مصر وبخصوص المحلفين كأنو انت موظف بالمنظمة  يمعود اذا موظف سهل امري يمعود  ..
اخي عراقي الفيزا اكو شركات سياحية بالعراق يسووها  روح اتفق وياهم وكلهم اني اجي براحتي يعني لترتبط وياهم وتعال وراهم بأسبوع حتى تكدر تتنقل براحتك بمصر وتروح للمنظمة وتاخذ موعد تسجيل جديد

[عرااقي اني]

اخ iraqforme
انت هيج اشوف ترهم والشركة يخليني اروح براحتي لو يشرط علية لازم اتقيد بالرحلة وياهم

[iraqforme]

اخ iraqforme
انت هيج اشوف ترهم والشركة يخليني اروح براحتي لو يشرط علية لازم اتقيد بالرحلة وياهم

حبي عراقي تبقه انت وشطارتك .. صديقي اجه قبل اسبوع فيزا 950$ والمفروض يجي بكروب سياحي بس لانو المتعهد صديق صديقه كله خلي يجي براحته مو شرط ويه الكروب .. فه تبقى انت واللي رح تدفعه او علاقاتك

[Lion New York]

اخ لايون كلامك دقيق جداً بخصوص مصر وبخصوص المحلفين كأنو انت موظف بالمنظمة  يمعود اذا موظف سهل امري يمعود  ..
اخي عراقي الفيزا اكو شركات سياحية بالعراق يسووها  روح اتفق وياهم وكلهم اني اجي براحتي يعني لترتبط وياهم وتعال وراهم بأسبوع حتى تكدر تتنقل براحتك بمصر وتروح للمنظمة وتاخذ موعد تسجيل جديد

هههههههههه والله هلكد معذبوني المنظمة وكل فترة اكون فوك راسهم فا اكدر احصل جم خبر منهم
ولا يزال العذاب مستمر
الله كريم